أنت موسيقي ؟ العمل الحر بالتأكيد هو مغامرتك الجديدة!

كتعتابر الموسيقى وحدة من انتصارات المجتمعات عبر العصور، إلى  ماكانتش أهمها ، فهي وسيلة من وسائل التعبير عن اهتمامات و حتى أساليب عيش الشعوب حتى أن  لودفيج فان بيتهوفن الموسيقار الرائع قال أن  "الموسيقى هي وحي أعلى من كل الحكمة وكل الفلسفة".

إكون عندك حب و شغف للموسيقى ، فهو مختلف تمامًا على أنك تعتامد عليها كمصدر للقمة العيش نظرًا لطبيعة مجال صناعة هاذ النوع من الفن في العصر الحالي ، داكشي علاش معظم الموسيقيين اليوم ولاو كايعتامدو على العمل الحر أو  الفريلانس لي ولا حال الباب لبزاف ديال الأنواع ديال المشاريع المختلفة من طرف أصحاب العمل ، لي غادي تخليك تتعلم و تقدر حتى تبنى الكاريير ديالك كموسيقي و تمشي بعيد فهاذ المجال .

بحكم أن هاذ النوع من الصناعة في الوقت الحاضر عطى بزاف ديال قصص النجاح للعديد من الموسيقيين سواء لي كيخدموا كمجموعة و كيديروا أعمال فنية أو كفرد واحد ، و بالإضافة إلى أننا في عصر السرعة، ولات الموسيقى مجال ديال المنافسة بامتياز على اختلاف الأذواق و الأنواع بحيث ولات كتجمع بين التقنية و النظرية ، و بالتالي الطلب كيتزاد على قبل الأعمال الفنية عامة أو الموسيقية خاصة و بطريقة ديناميكية ، لا من ناحية الكتابة أو الإنتاج أو المزج ... إلخ .

التكنولوجيا تطورات لدرجة أنه من الممكن الحصول على تسجيلات بجودة احترافية في المنزل و بأقل ميزانية ، و بحكم ظروف هاذ العام الإستثنائي لي خلات العمل الحر أو الفريلانس يولي أكثر شيوعًا من أي وقت مضى بحيث حل الباب لبزاف ديال الناس لي بغاو إخدمو موسيقيين و منتجين عندهم حرية الإختيار ، بالإضافة أنه خلا مقدمي الخدمات يمكن ليهم الوصول لأعداد هائلة من العملاء بكل حرية .

إلا كنتي موسيقي ، و باغي تكون مقدم خدمات في العمل الحر في مجال صناعة الموسيقى ، تقدر تبدا دخل ربح مادي من خلال بيع مجموعة واسعة من الخدمات عبر الإنترنت ، فحال مثلا كتابة الأغاني ،التسجيل الصوتي فأستوديو لي كيوفر أدوات التسجيل  والآلات الموسيقية ، تكوين الإيقاعات ، إعادة التوزيع ، تصميم الصوت ، التحرير(التكوين والتعديل) و المبكساج. . . كيفما تقدر تقلب على فرص عمل لمدة محددة أو دائمة من خلال الإنضمام إلى الأسواق العمل الحر  و المنصات فحال مواهب ، لي غادي تعاونك بزاف باش تلقى العملاء لي محتاجين و باغين مقاطع موسيقية سواء للإعلانات التلفزيونية ، أو للأفلام ، أو للأغاني، أو لراديو أو لتلفزيون أو غيرها من الإنتاجات الفنية .

فهاذ المقال ، غادي تلقى بعض النصائح لي غادي تقدر دير باش تبدى حياتك المهنية كموسيقي في العمل الحر .

1.تسجيل الموسيقى

أولا و قبل كل شيء، أول و أهم حاجة  تقدر تبدا بيها كموسيقي في العمل الحر هو بالتأكيد تسجل راسك قبل ، لأنه ماتقدرش تعرف إمتا غاتبان شي فرصة و ماغاديش تقدر تبين المواهب ديالك كاملة لأنه يقدر يكون قصير و ما تقدرش تركز ، فسواء كنتي عازف على آلة موسيقية أو مغني ، فالتسجيلات في متناول اليد و الواجدة غادي تميزك على البقية . أما إلا  كنتي كاتب كلمات و مغني وغير متأكد من مواهبك الموسيقية،  تقدر تستاعن بصديق كيعزف  لي يقدر يكتب أغانيك على ورقة موسيقية ، و بالتالي تقدر دير تسجيلات عادية بلاما تكون بالضرورة احترافية ، لي غير تكون واضحة بدرجة كافية باش توصل للمستمع و يشوف الموهبة ديالك، و حاول تتأكد أن الأغاني أو المقطوعات لي سجلتيها كاتقدم أفضل ماعندك! و باش تكون متميز و مختلف ، حاول تسجل مجموعة متنوعة من الأنماط و الأنواع لإثبات تعدد الحوايج لي كتقدم .

بمجرد إجراء بعض التسجيلات ، ضروري خاصك تحطها فبلاصة لي متاحة لبزاف ديال الناس . تقدر تنشرها عبر الإنترنت على منصات فحالYoutube  أو SoundCloud أو الاحتفاظ بها جميعًا ف  Clé USBلي ساهل توصل ليها ، أو نشرها على موقع ويب أو شبكات التواصل الاجتماعي الخاصة بيك .

2.إنشاء قنوات التواصل الاجتماعي

 في الوقت الحالي، ولات وسائل التواصل الاجتماعي كتسيطر ببطء و ثبات على العالم ، و إلا كنتِ باغي تاخد المهنة كفنان موسيقي على محمل الجد ، فخاص يكون عندك حساب في  معظم منصات التواصل الاجتماعي باش إتمكنوا بزاف المستعملين من الوصول ليك ، وإلا كانُ عندك حسابات شخصية ، فكر في إنشاء حسابات منفصلة للموسيقى الخاصة بك ، و تأكد من أن جميع بيانات الوسائط الاجتماعية الخاصة بك هي نفسها باش تسهل على الناس يلقاوك . كتعتابر يوتيوب من أحسن المنصات لي تقدر تبدى بيها ، بحيث  عدد المستخدمين ديالها كيتعدى المليار شهريًا ، و لي كتوفر بزاف ديال الخاصيات باش تعاون الفنانين لي كيقدموا  جميع أنواع الموسيقى على تحقيق أرباح من داكشي لي كيبغيو يديروا ، على سبيل المثال ، تقدر تبدى دخل ربح مادي غير من عرض الإعلانات على فيديوهاتك ، بحيث في الوقت لي كتركّز فيه على إنشاء محتوى موسيقيّ ،  يوتيوب كيعرض إعلانات ملائمة لقناتك و للناس لي كيشوفو فيديوهاتك .

بمجرد إنشاء الحسابات الخاصة بيك، خاصك تلتازم بالنشر بانتظام ، تقدر تبدى بالنشر مرة واحدة على الأقل في الأسبوع في البداية، و فاش تولي عارف أشنو كدير و تبدأ المنصة دياك تكبر، حاول النشر مرتين أو ثلاث مرات في الأسبوع .
بالطبع ، الاستثناء من هذا هو Youtube  ، حيث من المحتمل تنشر أقل ، و لكن مرة واحدة في الأسبوع كيبقى هدف كبير لهذه المنصة ، داكشي علاش كايبقى إنشاء حساب في منصة العمل الحر فحال مواهب طريقة رائعة باش تبين راسك أكثر احترافًا من خلال ملف شخصي كتقدم راسك فيه ، و بالتالي غادي يسهال عليك تلقى العملاء .
تقدر دير بزاف ديال الحوايج في الملف الشخصي ديالك ، تقدر تبارطاجي كاتالوج  لجميع أنواع الموسيقى الخاصة بيك ، مشاركة مقاطع الفيديو ، كتابة منشورات ، مشاركة معلومات عليك و الإنجازات ديالك، و إطلاع الناس على المشاريع الحالية أو الأحداث القادمة و حتى بيع الموسيقى ديالك .

إنشاء شبكة إجتماعية.3

إنشاء الشبكة الاجتماعية ديالك أمر مهم للغاية في صناعة الموسيقى ، و هو ضروري بزاف للنجاح ديالك ، حيث بسهولة مايمكنش تلقى خدمة إيلا مكنتيش عارف معامن أنت خدام ، و لكن منين غتبدى ؟
كونك موسيقي ، غادي تكون ضروري على دراية بالأحداث و المسابقات و المؤتمرات ، فحال مثلا إلا مشيتي للكلية من أجل الموسيقى أو حتى قريتيها ، فغادي تقدر تكون حضرتي لبزاف ديال الأحداث و الفعاليات لي تقدر تشكل نقاط انطلاق مهمة بزاف ، بحيث خاصك شوية ديال المجهود و تحاول تعرف على  قادة الفرق الموسيقية ، الشركات أو منسقي الأحداث أو الموسيقيين الآخرين أو أي شخص آخر تقدر دوي معاه ، و حاول أيضًا التواصل مع استوديوهات التسجيل المحلية و شركات الموسيقى و المدرسين و الموسيقيين باش توسع دائرة المعارف ديالك . يمكن ليك أيضًا دير هادشي عبر الإنترنت ، فالتكنولوجيا  خلات كل شيء ممكن و لي خاصك تعرف تستغلها أحسن استغلال واخا تقدر تكون قليل الخبرة .

الترويج الذاتي.4

الترويج الذاتي كيكون بجوج ديال الطرق : أنت كتروج راسك براسك و أو عبر الإنترنت .
الترويج لنفسك شخصيًا ماكايعنيش  بالضرورة التحدث على الموهبة ديالك ، هو راه مزيان التحدث على قدراتك و تعدد المواهب لي عندك ، و لكن أكثر حاجة محتاجها باش تخلي انطباع جيد هي تكون ديما واجد ، بمعنى تكون ديما مصاوب بطاقات عمل لي خاص تكون هازها معاك  و أيضا تسجيلات في متناول اليد و الاستعداد لإظهار الموهبة ديالك في أي وقت .

الترويج الذاتي يقدر إجيك صعيب فالأول ، لأنه أنك تهدر على راسك أو تدخل في محادثة ما كيتطلب شوية ديال الوقت باش تعود عليه ، و لكن فحال أي حاجة  أخرى ، الممارسة المستمرة هي لي  كتخلي أي حاجة تولي ساهلة . أما الترويج الذاتي عبر الإنترنت فكيكون منصة العمل الحر فحال مواهب أو من خلال وسائل التواصل الاجتماعي الخاصة بك ، بحيث بإمكانك نشر مقطع فيديو أو التسجيل على إنستغرام . الترويج الذاتي هو فاش  كتحرر منشور و كطلب من متابعينك الاستماع إلى الموسيقى الخاصة بك أو شرائها أو مشاركتها أو الإعجاب بها ، و هاكا كتجذب الإنتباه ديالهم ليك ، و هاذي هي أحسن طريقة كتدار دابا إلا رديتي ليها البال مع مجموعة ديال الناس لي باغين إبنيوا قاعدة جماهيرية ، ولكن رد البال لواحد الحاجة لي مهمة بزاف .

كن منفتح.5

بطبيعة الحال، كلنا كنعرفوا أن الموسيقى كتقدر تمس جميع فئات المجتمع ، من الصغير للكبير على اختلاف الإنواع ديالها و الأذواق ديالهم ، داكشي علاش مهم بزاف ليك كموسيقي مستقل أنك تتعرف على مجموعة واسعة من الأساليب و الأنواع و ماتقتاصرش غير على أسلوب واحد ، بحيث غادي تمكن من أنك تجذب اهتمام مجموعة واسعة من الفنانين و بالتالي غادي تمكن من مقابلة أشخاص مختلفين عليك ، داكشي علاش خاصك تكون منفتح حيث هاذ الأشخاص غادي ينفعوك و بالتأكيد غادي تستافد من التجارب ديالهم ، خليك ديما واثق من راسك و تصرف بكل مهنية .

أحسن حاجة تقدر ديرها و أنت مستقل براسك هي على الأقل ماديرش نفس الحاجة كل نهار، إلا جاك عرض عمل فيه نوع جديد من المهارة واخا تكون ما عمرك درتيها ، فغير توكل على الله و ديرها ، حيث ماعارفش أشناهيا المهارة الجديدة لي غادي تكتسبها ، يمكن هاذ الخدمة تمكنك من تعلم مهارة جديدة أو جوج ، لهذا عمرك ترفض شي حاجة واخا مامولفش ديرها خصوصا إلا كنتي عارف راسك تقدر ديرها ، هاكا غادي تعلم تخرج من منطقة الراحة ديالك و بالتالي بديتي تولي منفتح .

نأمل أن هذا المقال يعاونك باش تحس بثقة أكبر إيلا كنتي باغي تولي موسيقي في العمل الحر . بطبيعة الحال ، أهم حاجة  تقدر ديرها هو الممارسة و الممارسة و الممارسة ! كون أحسن موسيقي تقدر تكونوا و عبر على الفن ديالك بأحسن صورة ! تقدر تكون سمعتي الجملة لي كتقول ما تخدمش فشي حاجة مامرتاحش فيها، و حنا كنظنوا أنك غادي تبغي الحاجة لي خدام فيها و منصة مواهب ديما معاك و كدعمك .