كيفاش تولي مصمم جرافيكي في العمل الحر ناجح ؟

بزاف ديال الناس لي فالأصل هما ماشي المصممين ، كيظنوا أن مهمة مصمم الجرافيكي سهلة ، لأنه أي واحد يمكن ليه يقوم يإنشاء شعار أو تصميم نشرة إعلانية مثلا. و لكن واش بصح هادشي بهاذ البساطة ؟

شنو هو الدور المصمم الجرافيكي ؟
المصممين الجرافيكيين هم الإحترافيين لي كينشئوا هويات مرئية ديال علامة تجارية فحال الشعارات و تصميم موقع الويب و بطاقات العمل و الكتيبات و المنشورات و غيرها . هما لي كيكونوا مسؤولين على إنشاء الأفكار المرئية ، غالبا باستخدام برامج الكمبيوتر . العمل ديالهم هو إيصال الأفكار للجمهور المستهدف لي ممكن يكونوا زبناء لشي منتوج أو خدمة ، بحيث أنهم كيقوموا باستخدام المهارات ديالهم في الرسم و البرامج الإلكترونية سواء العادية أو الجديدة .

نظرًا لأن المهمة ديال المصمم الجرافيكي هي توصيل رسالة العلامة التجارية للعملاء المستهدفين ، فهما كيتسماوا حتى بمصممي الاتصالات .

كونك باغي تولي مصمم جرافيكي على قبل الحرية الإبداعية و الربح ديال الفلوس في نفس الوقت ، فالوظيفة ديال مصمم جرافيكي بعيدة كل البعد على مجرد تصميم الصفحات و الشعارات و الرسوم البيانية ، و غيرها ، فباش تزداهر كمصمم جرافيكي في العمل الحر ، هاذ الأيام ، غادي تحتاج لأنك تكون مستعد باش تعلم مهارات لي لا علاقة بمهارات المصمم النموذجي ، كتتضمن هذه المهارات و لي غير متعلقة بالتصميم ، فهم علم النفس من أجل شي تصميم معين ، و طرق إقناع العملاء بأفكار التصميم الخاصة بك، و التعامل مع الأراء و الأفكار ديال العملاء ، كيفما أنه خاصك تكون مواكب أخر الاتجاهات و المستجدات في المجال ديالك .

أشنو هو التصميم الجرافيكي ؟
التصميم الجرافيكي هو فن عرض الأفكار و الخبرات مع محتوى سواء مرئي أو نصي ، يقدر يكون شكل التصميم مادي يعني مطبوع مثلا  أو افتراضي أي إلكتروني ، بحيق يقدر يشمل الصور أو الكلمات أو الأشكال الرسومية .
فببساطة ، كينتجوا المصممين الجرافيكيين تصاميم لي أصلها هو إستراتيجية مخططة . بحيث أنه أحيانا نجاح ديال التصاميم ما كيكونش مرتابط بعدد الأشخاص لي عجبهم التصميم ، ولكن بمدى تحقق أهداف المشروع أو الحملة الإعلانية .

مجالات تخصصات في التصميم الجرافيكي :
يقدر يكون المصمم الجرافيكي عندُ خبرة عامة أو متوسطة أو يكون متخصص فشي حاجة خاصة ، فالمصممين الأفضل ، هما لي    لي كتبان في الشكل التالي ، فهو كتكون عندُ مهارة و خبرة عميقة في التخصصات لي كيمثلهم Tعندهم مهارات على شكل حرف

الخط العمودي ، و لي كيتاسع النطاق ديالُ من خلال المهارات و الخبرة في تخصصات أخرى ، كيفما كيمثلها الخط الأفقي .

بشكل ملخص ، هاذي هي المجالات الرئيسية الخاصة بالتصميم الجرافيكي : تصميم الأشكال المتحركة ، تصميم التطبيقات و المواقع، تصميم الكتب و المطبوعات ، تصميم العلامات التجارية و الشعارات ، .......التسويق و الإعلان ، تصميم الأغلفة ، تصميم المطبوعات .

أشنا هي الفئات ديال المصممين الجرافكيين ؟

1. مصمم واجهة المستخدم
الخدمة ديال مصمم واجهة المستخدم هو إنشاء تصميمات للتطبيقات و وحدات التحكم ديال الألعاب و خدمات التلفزيون و المواقع ، .UX كيكونوا كيخدموا مع مصممي

2. مصمم التحرير 
عادةً ما كينشئوا مصمموا التحرير ، تصاميم خاصة بالمجلات و الكتب و الصحف و غيرها .

3. مصمم الأغلفة 
كيركزوا مصمموا التغليف على إنشاء تصميمات جاهزة للطباعة .

4. مصمم الأشكال المتحركة 
كينشئوا مصمموا الأشكال المتحركة تصميمات رسومية بسيطة لي كيتم استخدامها في مواقع الويب و مقاطع الفيديو العادية أو الإرشادية.

5. المصمم الهندسي 
كينشئ المصمم الهندسي تصميمات خاصة بمساحات فحال المتاحف و قاعات المؤتمرات و الداخل ديال المتاجر .

ما هي المستويات المختلفة لمصمم الجرافيك؟
1.المصمم الجرافيكي المبتدئ 
مصممي الجرافيك المبتدئين هما لي كيكونوا باقين في البداية ديالهم ، بحيث كيكونوا يلاه كملوا مؤخرًا التكوين ديالهم في التصميم، و كيقلبوا على الوظائف لي يمكن ليهم من خلالها ممارسة المهارات لي يلاه اكتاسبوا مؤخرا . المعظم ديالهم عندهم خبرة عمل قليلة أو معدومة . في هذه المرحلة ، كيكونوا مصممي الجرافيك المبتدئين كيقبلوا بمهام سهلة باش ما يتعثروش أثناء العمل ديالهم .

2.المصمم الجرافيكي متوسط الخبرة 
مصممي الجرافيك من هاذ النوع كتكون عندهم بعض الخبرة في هذا المجال . كيكونوا عارفين بشكل عام كيفاش كتسير الخدمة فهاذ المجال ، هاذ النوع ديال المصممين ديما كيبغيوا يحسنوا المعارف و المهارات ديالهم ، باش يوليوا خبراء .

 3.المصمم الجرافيكي الخبير
المصممي الجرافيكين الخبراء هما المهنيين لي عندهم الخبرة ديال سنوات في التصميم . عندهم معرفة غنية بهاذ المجال و قدروا يديروا بزاف ديال المشاريع لي مهمة في التصميم الجرافيكي . هاذ النوع ديال المصممين عندهم الخبرة ديال كيفاش يحولوا أي فكرة عادية لإبداع .

فمن خلال هادشي ، فتحسين المستوى ديالك كمصمم جرافيك كيتطلب بزاف ديال الممارسة و الوعي الذاتي و الرغبة في تعلم حوايج أكثر .

خاصيات المصمم الجرافيكي:
1.فحال معظم الوظائف الإبداعية ، فبكونك مصمم رائع ، هادشي ما كيعتامدش فقط غير على قدرتك على استخدام برامج معينة
فخاص تكون عندك محفظة قوية و متنوعة لي تبرز من خلالها المهارات ديالك ، بالإضافة لإتقانك لتقنيات التصميم ، فمهاراتك العامة حتى هي مهمة .

2.فحال أي محترف مبدع ، غادي يكون خاصك تواكب أحدث الاتجاهات في مجال التصميم الجرافيكي من أجل ضمان الربح ، و تتعلم أي مهارات و تقنيات وأدوات جديدة و تكون عندك القدرة على ارتداء قبعات ديال أي اتجاه ، لأن هاذ المجال ديما فيه تغييرات.

3.بغض النظر على تخصص تصميم الجرافيك أو المكانة التي تتخيلها ، يجب أن يكون التعلم مدى الحياة أولوية مهنية لأن صناعة التصميم تتغير باستمرار. ومع ذلك ، ضع في اعتبارك أن أفضل مصممي الجرافيك كانوا في السابق مبتدئين مثلك. ابدأ العمل في محفظة مصمم الجرافيك اليوم .

الأشياء لي خاصك ديرها فبالك قبل ما تبدأ الحياة المهنية ديالك كمصمم جرافيكي في العمل الحر :
فكرة أنك تولي مصمم جرافيكي في العمل الحر ، هي كتبان مزيانة ، بحيث أنه غادي تولي الرئيس الخاص ديال راسك ، و تولي تحكم في الجداول الخاصة بك ، و تختار العملاء ديالك ، و تخدم فينما بغيتي ، و  هادشي كامل و أنت كدير العمل الإبداعي لي كتبغي. فأشناهما الحوايج لي خاصك تعرف قبل ما تبدا الخدمة ؟

1.خاصك تعرف تبيع الخدمات ديالك 
بزاف ديال الناس كيوليوا مصممين غرافيكيين لأنهم مهتمين بالفن ، و لكن ملي كتختار مسار التصميم الجرافيكي في العمل الحر ، فالموهبة الإبداعية ما كتكونش كافية ، لأن الإنتاج كيكون معتامد على العملاء و ماشي غير داكشي لي كتبغي و كيعجبك أنت من تفضيلات فنية .

2.العمل ديالك ماشي كل ممتع 
بعض المرات غادي تحتاج للإبداع ديالك باش تحول شيء ممل لشيء أخر أقل ملل ، و هادشي غادي يخليك تولي تميز ما بين المشاريع الشخصية و العمل لي كيطلبوا منك العملاء .

3.الوظائف ما غاديش تجي حتال بين يديك
تقدر دوز عشرين ساعة في الأسبوع في البحث على المشروع التالي لي غادي تخدم عليه .فمع الوقت غادي يولي التوازن ما بين العمل و الحصول على وظيفة جديدة أسهل ، و هادشي علاش خاص المصممين فالعمل الحر لي يلاه في البداية يكونوا مستعدين باش يخصصوا جزء من الجدول الزمني ديالهم باش يلقاوا المشاريع الجديدة .

4.المهارة التسويقية ديال راسك ، خاصها ما تقلش أهمية على المهارة لي عندك في التصميم 
خاصك تكون مزيان حتى في خدمة العملاء كيفما أنت مزيان في مجال التصميم أو على الأقل أنه تكون عندك الرغبة و الإستعداد على التعلم و تكثيف العمل الجاد ، لأنه مهما كانت مهاراتك في التصميم ، فأنت غادي تكون ديما محتاج للقدرات الأخرى باش تكون ناجح كشخص في العمل الحر .

5.غادي تخدم مع مجموعة متنوعة من العملاء 
الحقيقة هي أنه ماشي جميع العملاء هما عملاء الأحلام ، تقدر تخدم مع الأشخاص لي يخليوا لك غير مساحة صغيرة جدًا للعمل أو لتقديم الاقتراحات و إظهار الإبداع ديالك ، هادشي علاش من المهم أنك تبقى ديما داير فبالك أنك أنت اختاريتي العمل الحر من أجل الحرية ديالك ، في حين أنه ممكن تلقى بعض العملاء الآخرين لي يخليوك تبين الإبداع ديالك .

6.خاصك تكون صبور بزاف 
على ذكر العمل مع جميع أنواع العملاء ، فالبعض منهم غادي يبغي يختابر الصبر ديالك ، لأنه غالبًا ما تقدر تصادف البعض منهم لي ما عارفينش بالضبط أشنو باغين ، و بالتالي أنت خاصك تعرف .

يقدر يكون تحديد الأسعار مهمة صعبة.7 
القدرة على تحديد السعر الخاص بك هي مهارة أخرى خاصها تكون عندك بصفتك مصمم جرافيكي في العمل الحر ، بحيث أنه خاصك تحاول أنك ما طلبش الكثير أو القليل بزاف ، دير قيمة لراسك في المنتصف و كن مستعد للتفاوض .

هاذ الدليل غادي يمنحك فكرة أفضل على هاذ المجال و جميع داكشي لي يخصك باش تولي مصمم جرافيكي ناجح في العمل الحر . إلا كنتي كتقلب على خدمة كمصمم جرافيكي ، فمنصة مواهب يمكن لك تلقى مجموعة من عروض عمل لي عندها علاقة بالتصميم .