نصائح عملية لبداية الكتابة في العمل الحر كطالب جامعي للربح المادي

من الصعب أنك تكون طالب جامعي إلا كنتي معتامد على راسك ماديا لأنه مصاريف الدراسة كثار عليك ، فالكتب باهظة الثمن و الفصول المكلفة و كتحتاج حتى لتناول الطعام ، و كذلك الإيجار في بعض الحالات . فهاذ المصاربف كا يكونوا ثقال على طالب لي مدخولُ ناقص بزاف أو منعادم في حالة ما كانش كا يستافد من المنحة . هادشي خلا بزاف ديال الطلبة الجامعيين يقلبوا على منفذ جديد باش إقدروا يوفروا منُ الفلوس باش يواكبوا الدراسة ديالهم ، من بين هاذ المنافذ كنلقاوا الخدمة في العمل الحر ، من بين الأعمال لي كتلقا إقبال هي الكتابة حيث كتبقا حاجة سهلة و ممكن يخدموا عليها بما أن ما عندهمش خبرة في مجالات أخرى .

إلا كنتي طالب جامعي و باغي تغطي النواقص لي عندك في المصاريف ديالك عن طريق العمل الحر بالخدمة في الكتابة فهذي بعض النصائح ليك و لي غتعاونك تبدى بسهولة :

تحديد داكشي لي كتعرف

يمكن لأي شخص أنه يفيق شي صباح و يقرر أنه يعتابر راسو كاتب في العمل الحر ، و لكن كيبقا فرق بينهم و بين الكتاب لي عندهم معرفة ، فإلا كنتي باغي حقًا تزداهر في مجال الكتابة في العمل الحر فحاول أنك توسع المجال المعرفي ديالك و حاول تبدا في قراءة مقالات أو كتابات لكتاب أخرين ، و كذلك اختار بعض مجالات التخصص ، وركز جهوداتك عليها ، هاكا باش تبقا مركز و مدوخش ، لأنه إلا أصلا أنت عندك الدراسة ديالك فما خصكش تزيد شي حاجة ثانية ، إذن من الأحسن تبقا مركز على تخصص واحد تكتب فيه .

اعرف شحال ديال الوقت عندك

لأنه من الصعب العمل لساعات طويلة و أنت أصلا مرتابط بالدراسة ديالك . فخاصك تكون عارف إمتى غادي يكون عندك الوقت باش تقوم بمهمات الكتابة ؟ شحال من ساعة في الأسبوع يمكنك تعتابر راسك متاح للعمل فيها ؟ فكر في الوقت الذي كتستغرق في البحث وكتابة مقال قصير ، طويل ، متوسط ؟  و فالأخر أحسب عدد الساعات لي كتستستغرقها لإكمال مهمة كتابة واحدة . فهذه هي أسهل طريقة باش تعرف مدى تواجدك باش تكمل مهمة في الكتابة و سط إنشغالاتك مع الدراسة . 

حاول أنك تبحث و تحصل على عدد من وظائف المبتدئين

خاصك تعرف أنه في البداية صعيب الحصول على أموال كبيرة ، لأنه خاصك الوقت باش تكتاسب خبرة و كذلك الوقت باش تخدم في مهمات أولية من أجل الحصول على التعليقات والمراجعات من طرف المشغلين ديالك ، هادشي علاش غتحتاج إلى البدء بوظائف  لي منخفضة الأجر باش تكسب مصداقية المشغلين . فأنت فالأول غادي دير الكثير من العمل مقابل أجر قليل . ماشي ضروري تكون خدمتي على بزاف ديال المهمات تقدر غير بالقليل منهم دير بلاصتك مع المشغلين . حاجة أخرى لي غتساعدك هي أنه يكون عندك عينات عمل للإظهار باش تزيد في إقناع المشغلين المحتملين . 

البحث عن عقود عمل طويلة المدى

أسهل طريقة لإدارة وظيفة كاتب في العمل الحر و كذلك باش تضمن إستمرارية ربح المال ، و لي هي جعل عملك على شكل عقود طويلة المدى ، أي أنك تحاول تلقى مشغل لي غادي يبغي أنك تخدم معاه مدة طويلة و فكل أسبوع تعطيه واحد العدد محدد ديال المقالات مثلا ، هاكا كضمن أنه أيولي عندك مدخول أسبوعي ، كذلك ما غاديش يكون خاصك كل مرة ملي تكمل شي مهمة تقلب على مهمة جديدة مع مشغل أخر لي بعض المرات ممكن أنك ما تلقاهاش . كيفما أنه ممكن تلقى مجموعة من المشغلين لي تخدم معاهم أسبوعيا أو شهريا على حساب وقت فراغك .