كيفاش تولي محاسب في العمل الحر

الشركات الصغرى عندهم هامش الربح قليل و ما عندهمش الإمكانيات باش يخدموا محاسب رسمي دائم للشركة ديالهم ، داكشي علاش إلا كنتِ محاسب تقدر تربح أموال أكثر إلا قبلتي تخدم في العمل الحر و غادي تكون عندك حرية أكثر . العمل الحر كيعطيك إمكانية إختيار عدد الزبناء لي تبغي تخدم معاهم كيفما بغيتي ، و تقدر تقوم بتسيير أعمال أخرى في نفس الوقت مع العمل ديالك .

بزاف ديال المحاسبين كان عندهم حلم لي ولا حقيقة ، و لي هو العمل الحر ، و لي فيه أوقات العمل مرنة و مصاريف البدء في الأعمال كتكون منخفضة ، و تقدر تنتاقل كيفما بغيتي هادشي كامل كيخلي المحاسب الحر يخدم بالراحة ديالُ ؟ خصوصاً أن في العصر الحالي كاينين بزاف ديال التقنيات لي ما كانوش من قبل ولي كيسهلوا أنك تكون عندك مقاولة في المحاسبة في إطار العمل الحر .

في هاذ المقال غادي نشوفوا خطوة بخطوة الطريق لي يمكن لك تبع باش تولي محاسب في العمل الحر .

التعليم و التكوين 

كيفما كنعرفوا القانون و حتى حاجة ما كتلزم تكون عندك شهادة باش تبيع الخدمات ديالك في المحاسبة ، لأنه تقدر تكون مثلا طالب لي مازال كيدرس في هاذ المجال ، و لكن الأغلبية ديال الزبناء كيبغوا المحاسبين المحترفين لي عندهم شهادات أو كيوجدوا لشهادات في المحاسبة .

فاش كتلقاوا زبون لي ممكن تخدموا معاكم ، فدائماً كيبغي يعرف معلومات أكتر على المسار ديالك السابق ، لذلك إلا كان عندك شهادة أو دبلوم في مجال المحاسبة فهادشي كيعونك بزاف باش العملاء يثيقوا فيك أكثر. الشهادة أو الدبلوم كيبين أنك كتفهم في ميدان المحاسبة و كات عرف الممارسات ديال المحاسبة و عندك الكفائات الأولية ديال المحاسبة ، فحال موازنة الكتب و إعداد الضرائب و الكتابة ديال تقارير الأعمال لأنه إلا كان معندكش تكوين أو تجربة قبلي ، يقدروا الزبناء ما يبغيوش يخدموا معاك .

كاينين بزاف ديال الطرق لي تقدر دير باش تقرا على المحاسبة ، تقدر تاخد البكالوريا و تاخد من وراها دبلوم الدراسات الجامعية و من الأحسن يكون الدبلوم في المحاسبة ، كيفما كاين طريق أسهل و لي هو تقدر تنخرط أيضاً في دروس عبر الإنترنت باش تعلم و تتقن المهارات الأساسية ، بينما و بشرط أنك تاخد شهادة رسمية من مؤسسة مرخص لها . 

إلا وليتي رسمياً محاسب أو خبير في مجال المحاسبة ، فغادي يولي عندك حظوظ أكتر باش تخدم مع العدد لي بغيتي ديال العملاء ، و بالتالي غادي يولي عندك سقف من الأرباح غير محدود .

التجربة الأولى في مجال المحاسبة

إلا كنتِ يالاه خديتي الدبلوم ديالك في مجال المحاسبة من الجامعة ، و باقي ما عمرك خدمتي بالدبلوم ديالك ، أو مازال كتقرا ، خاصك ضروري تقلب على عمل تدريبي أو العمل بنصف الوقت في المحاسبة . أي عمل لي غادي يخليك تخدم مع محاسبين عندهم خبرة أكتر منك غادي يخليك تستافد بزاف بحيت أنه غادي يوريوك الطريق الصحيح في المجال و غادي يصحّوا لك الأخطاء ديالك و غادي يعاونك باش تعلم أكثر ، كما أنهم غادي يعطيوك معلومات لي ما عمرك قريتيها في أي كتاب أو سمعتيها في أي محاضرة من قبل . إلا كنتي باغي تبدا العمل الحر ، فالعمل كمتدرب أو العمل نصف الوقت ، مناسبين لك لأنهم ما كتكونش عندك مسؤولية كبيرة على العتيق ديالك .

هاد التجربة الأولى ديالك تقدر تعاونك بزاف باش تجذب زبناء في مجال العمل الحر ، و هادشي كيكون بطريقتين مهمتين ، أولاً : من بعد ما اكتاسبتي خبرة في مجال المحاسبة ، تقدر تخدم مباشرةً مع الشركة ديالك و تقترح عليهم خدمات في إطار العمل الحر ، ثانيا ، يمكن لك تستاغل هاذ التجربة باش تكوْن قائمة العملاء الخاصة بيك و هادشي لي غادي يخليك تجذب الزبناء لي خدمتي معاهم من قبل . 

ما غاديش تحتاج أنك دوز وقت بزاف في هاذ التجربة باش تقوم بإنشاء مقاولة في العمل الحر المهم أنك تاخد التجربة الكافية و الكفاءت المهمة لي غادي تخليك تنجح في المهمات ديالك .

دور المحاسب

المحاسبين في العمل الحر فحالهم فحال المحاسبين بأجور رسمية ، كيقوموا بتحليل التقارير و التحويلات المالية و كيديروا لها دراسة باش يعاونوا  العملاء ديالهم ، خاصةً أرباب الشركات باش يتمكنوا من إتخاذ القرارت المناسبة في التسيير المالي و إستتمار الموارد بأكتر كفاءة ، هاذ العملاء كيكونوا غالبا ، شركات صغرى ، وكالات فدرالية ، شركات كبرى ، البلديات ، المدارس ، الكليات و المستشفيات و المشاريع لي محتاجة لمحاسب ........  

بالإضافة لذلك ، الناس لي مشغولين بزاف باش يقوموا بتسيير الدخل الخاص ديالهم كيوظفوا في غالبية الأوقات محاسبين في مجال العمل الحر ، باش يديروا ليهم هاذ العمل في المكان ديالهم خاصةً إلا كانت الوضعية المالية ديالهم جد معقدة أو إلا كان عندهم مبالغ الأجور الرسمية مرتفعة . بسبب أن المحاسبين الأحرار غادي يطلب العمل معاهم مبالغ أقل ، هادشي علاش هما الإختيار المناسب للشركات الصغرى و للمقاولين الأحرار . في ما يلي، المهام لي كيقدروا يقوموا بها المحاسبين الأحرار : 

• تسجيل الإيرادات و المصاريف على الدفاتر الرقمية باش يقوموا بالحفاظ على التوازن في حسابات الأعمال .
• إصدار الفواتير لعملاء الشركات و مراقبة التأخرات في أداء الأموال .
• إعداد التقارير ديال الأنشطة و البيانات المالية .
• إدارة جميع المسائل الضريبية ، بما في ذلك المبالغ المستردة و الخصومات و الائتمانات و الإعفاءات ، بهدف إبقاء المدفوعات ديال الضرائب منخفضة .
• دفع نفقات الشخص أو الشركة في الوقت المحدد .
• التأكد من أن العمليات المالية للشركة كتتوافق مع القانون .

على العموم ، المحاسبين كيقوموا بتسير معظم التفاصيل المالية لي كيواجهوها الموظفين و الشركات .

مع الإمتياز الحالي ديال البرامج الحديثة لي كيمكنوا من التواصل و من حفظ البيانات ، المحاسبين الأحرار كيقدروا يزاولوا أي نوع من المحاسبة المالية ، بشرط أنهم يتوفروا على جميع المعلومات اللازمة .

أشنو كيدير المحاسب الحر

ندوزوا دابا للمرحلة المهمة ، ولي التحديد ديال الأعمال الأساسية ديالك ، إلا بغيتي تنجح كمحاسب حر خاصك تاخد العمل ديالك بجدية و تبدا بتحديد خطة العمل ديالك . 

في الواقع ، في مرحلة تحديد خطة العمل ، خاصك تجاوب على الأسئلة المهمة و المتعلقة بالأهداف و النوايا و نقاط القوة و الضعف ديالك ، خاصك تحدد العلامة التجارية و العروض الرئيسية ديالك ، و أشمن نوع ديال خدمات المحاسبة لي غادي تقدم ؟ واش غادي تخصص في نوع واحد ديال العملاء أو نوع واحد من الصناعة ، أو أنك  غادي تصبح اختصاصي عام ؟ شكون هي الفئة المستهدفة ديالك و كيفاش توصل لها ؟ شكون هما المنافسين ديالك ، و كيفاش غادي تميز نفسك عنهم ؟

منين كتسالي من تحديد خطة العمل ديالك  ، خاصك تقوم بتحديد أيضاً المبالغ  المادية اللازمة باش تشري المعدات اللي غادي تحتاجها للقيام بالعمل ديالك  . الإمتياز لي كاين في مجال المحاسبة الحرة هو أنك غادي تحتاج غير حاسوب عملي وهاتف نقال.

كيفاش تقوم بتحديد السعر المناسب للخدمات ديالك ؟ 

منين كتكون باقي مبتدئ ، العمل في الساعة هي الحل المناسب لك ، و لكن منين كتوصل لمرحلة متقدمة من السيرة المهنية ديالك كتبغي تدوز للمحاسبة في الخدمات لي غادي تقدمها للعملاء ديالك  . في بداية العمل مع زبناء جداد ، ما كينش طريقة باش تعرف مدى تعقيد العمل لي غادي تقوم به مقدمًا ، على سبيل المثال ، يمكن أن تكون كتساعد على  تسجيل الفواتير و الإيصالات بشكل صحيح و هادشي هو أمر بسيط للغاية ، يقدر يولي عمل معقد إلى عطاك العميل صندوق ملئ بالملفات الغير منظمة .

في إطار تحديد السعر المناسب للخدمات ديالك ، خاصك تحدد المبلغ الكافي لي غادس يخصك في الحياة الشخصية ديالك و المبلغ لي غادي يخليك تقوم بتسيير الأعمال ديالك . خاصك تأكد و تاخذ بعين الإعتبار جميع المبالغ لي خاصك تصرف مثلا : مبالغ أجهزة الكمبيوتر، رسوم الإنترنت و تكاليف البرامج ، ما خاصكش تنسى أن قدر كبير من أوقات العمل كتكون مخصصة للإشهار و التسويق و هاذ الأوقات كتكون غير قابلة للفوترة لذلك خاصك تعوض هاذ لأوقات بتحديد سعر مناسب للأوقات القابلة للفوترة .

خاصك أيضاً تقوم بالبحت على الأسعار ديال الخدمات لي كيطلبوها المحاسبين الأخرين في المحيط ديالك . بهاذ الطريقة غادي تكون عندك فكرة جيدة على أشنو العملاء متعودين يخلصوا فهاذ الخدمات . منين يالاه كتبدا الخدمة في العمل الحر ديالك لأول مرة ، فهو كيكون من الغير مبرر أنك تحاول تطلب مبالغ كبيرة في الخدمات ديالك ، خاص الأسعار ديالك يكونوا منافسة بالنسبة للمحاسبين الأخرين دون تحديد سعر لي صغير بزاف ، لأن العملاء ديالك خاص ترسخ عندهم فكرة أنك كتنتمي للائحة أحسن المحاسبين . كيفما أنه إلا حددتي أسعار جد منخفضة ، هادشي غادي يعطي رسالة للعملاء لي ممكن تخدم معاهم ، أن الخدمات ديالك دون المستوى . 

كاينة طريقة باش تقوم بدعم الأسعار ديالك ، و لي هي أنك تبين للزبناء المبلغ لي غادي يقتاصدوه من المال إلا إستافدوا من البرامج و الخدمات لي غادي تقدمها لهم و لي غادي تعطيهم قيمة مضافة . 

التسعير المناسب لخدمات المحاسب يقدر يكون جد صعب ، و لكن مع البحث الدائم و الحسابات الجيدة ، غادي تمكن من تحديد أسعار دائمة و مناسبة و أهم حاجة متنساش أنا السعر المناسب في البداية غادي يعاونك في بدء الخدمة في المحاسبة ديال العمل الحر ديالك و غادي يخلي العمل ديالك مربح .

كن حاضر في الإنترنت 

في هذه الأيام ، تقريباً جميع المحاسبين الأحرار موجودين في الإنترنت ، هادشي علاش الفكرة الأولى لي خاصك تفكر فيها هي إثبات الحضور ديالك في الانترنت . هادشي كيعني إنشاء موقع ويب أو مدونة للإعلان عن الخدمات ديالك ، و جمع لائحة من  العملاء من خلال المنتديات و منشورات الوظائف ، و إنشاء مجموعة مكونة من أدوات برامج المحاسبة لي غادي تساعدك على أداء الوظيفة ديالك ، كيفما أنه يمكن لك تنظم لمنصة مواهب لي غادي تسهل عليك البحث على العملاء لي ممكن تخدم معاهم .

أكيد غادي تحتاج لحاسوب وهاتف محمول ، الحاسوب من الأحسن يكون متنقل باش تقدر تخدم به إلى كنتي في سفر ، غادي يخصك أيضاً اتصال جيد بالإنترنت لأن الزبناء ديالك خاصك دائماً تبقى معاهم على إتصال في إطار الشفافية في العمل ، هادشي علاش خاصك أجهزة إنترنت محمولة لي تقدر تستعملها في الأماكن لي فيها الإنترنت ضعيفة .

تخزين المعلومات أمر بالغ الأهمية حتى هو ، تقدر تستعمل تطبيقات المحاسبة ، فحال  QuickBooks ،  لي كتوفر التخزين cloud ، و كيفما خاصك  تقوم بربط الحساب المصرفي ديالك مع  تطبيقات  الدفع للحفاظ على التدفق النقدي الخاص بشكل سلس قدر الإمكان .

كيفاش تلقى وظائف العمل الحر في مجال المحاسبة  

بما أنك محاسب في العمل الحر ، خاصك دائماً تقلب على العملاء ديالك في منصة العمل فحال منصة مواهب . من البداية يمكن لك القيام بإنشاء الصفحة الخاصة بك في منصة مواهب باش تقدر تقدم إلى أحسن الوظائف في ميدان المحاسبة الحرة ، و بمجرد إنشاء سمعة جيدة ، فأكيد أن العملاء المحتملين غادي يحاولوا يقلبوا عليك باش يتواصلوا معاك .

واخا تكون كتحاول بناء سمعة جيدة ، ما خاصكش  تقبل العمل بأسعار  جد منخفضة للغاية و ما خصكش  تقبل أيضاً بالعمل مع العملاء لي كايظهر عليهم  عدم الثقة ، إذا أجريت صفقات تجارية خارج المنصات شديدة الحراسة مثل منصة مواهب، فوضع في اعتبارك أنك كتخاطر بعدم تلقي مدفوعات مقابل العمل الشاق لي قمتي به .