العمل الحر: كيفاش تستافد من وقتك لأقصى حد

كنتي فريلانس ذو خبرة أولا مبتدئ، يقد يجيو شي أوقات ميكونش عندك فيهم عقود عمل، أولا متكونش الخدمة كتيرة. هاد الأوقات يقدو يكونو طوال كيفما يقدو يكونو قصار، فجميع الأحوال كاين احتمال أي فريلنسر يمر منهم. هادشي علاش خاصك تعرف كيف تصرف فهاد الأوقات باش تستافد منهم لأقصى حد و ميضيعلكش وقتك. فهاد المقال غادي نعطيوك بعض البصائح باش تعرف تستافد من هاد الفترات و تستغل الوقت ديالك فيما هو مربح.

خد وقت لنفسك   

أنه يكون عندك وقت كافي لنفسك يقد يكون من الأسباب اللي خلاتك تختار تخدم مستقل. ولكن فالأوقات اللي كتكون مكتظة بالمهام عادة مكتجبرش وقت لهادشي. متحسش بالذنب إلا خصصتي شويا ديال الوقت لنفسك. جرب حاجات جديدة،سير لصالة الألعاب الرياضية  واستمتع بالفعاليات اللي كتنظم فمدينتك. هادشي كامل غادي  ينشطك وغادي تكون مليئ بالطاقة فاش ترجع للخدمة فحال قبل و تكلف بمهام جديدة. 

عاود التفكير فالنظام ديالك 

أنك تعطي وقت لنفسك حاجة مزيانة، ولكن خاصك تعرف فقاش و كيفاش، و ماتفرطش و طول ف وقت الراحة. هادشي كيلزمو تنظيم.   اغتنام الفرصة فالأوقات اللي مكتكونش عندك الخدمة كثيرة باش تراجع طريقة الخدمة ديالك و تعرف كيف تحسّنها.   على سبيل المثال ، يمكنلك البحث على أماكن جديدة يمكنلك تمشي ليها  للعمل فالمستقبل. إلى معمرك درتيها، دير فبالك باللي  مساحات العمل المشتركة مريانة بزاف و كتعاونك على التركيز و كاتعاونك بأفكار جديدة .إلا قررتي تبقى فالدار، فيمكنلك الاستفادة من هاذ الأوقات باش تعاود  ترتيب الأماكن المختلفة التي كتستغلها فاش تتكون خدام  فالدار أولا تنقل الأثاث أو تغييرو.

وطد العلاقة مع عملائك

فالفترات اللي كتكون الخدمة قليلة متيكونش عندك عملاء جداد،ماتركزش على البحث على عملاء جداد و تنسى القدام. لهاد السبب خاصك تركز على توطيد علاقتك مع عملائك القدام باش تحافظ عليهم، هكدا كضمن التواصل ديالهم معك فالمستقبل إلا كان عندهم مهام جديدة. إيلا كنتي محافظ على الصلة ديالك بيهم، غادي يتفكرو يوصيو بيك للمحيط ديالهم. و بهاد الطرقة يجيوك عملاء جداد.

درّب نفسك

تقدر تقرر تستخدهادم  فترات التوقف باش تعلّم مهارات جديدة اللي تساعدك في مهامك المستقبلية. نوِّع نفسك وحاول أنك تتعلم حجات جديدة في مجالات مختلفة ، هاكدا  غادي تزيد فرصك مع آفاقك وغادي تربح بالتأكيد عقود أكثر بكثير من قبل.

دبا عرفتي كفاش يمكنلك تستغل الأوقات اللي مكتكونش مكتظة بالمهام و تحولها لفترات مهمة ليك على المدى البعيد.