أخصائي تغذية في العمل الحر ؟

الأخصائيين ديال التغذية في العمل الحر كيخدموا في مجموعة ديال الأعمال المختلفة ، بحيث كيكونوا قادرين على أنهم يساعدوا الزبائن ديالهم بإعطائهم النصائح الغذائية لي خاصاهم باش يحميوا راسهم من الحالات الطبية أو يساعدوهم على العلاج ، كيفما أنهم كيقدروا يساعدوا على تطوير المنتجات الغدائية ، و حتى العمل على المشاريع لي متعلقة بالصحة أو التسويق الغدائي أو ... ... ، كذلك في وسائل الإعلام كيمكن يقدموا عروض و نصائح متعلقة بالتغذية و أيضًا الخدمة كصحفيين ديال التغذية من خلال كتابة مقالات .

و هكذا فالأخصائيين ديال التغذية لي فالعمل الحر يمكن ليهم يساعدوا شخص بالخبرة ديالهم في جميع مجالات التغذية على تطبيق ممارسة النظامات الغذائية . 

كيفاش تكون اختصاصي تغذية مزيان ؟

باش تولي خبير تغذية مزيان ، خاص تكون عندك بعض المهارات الشخصية / المهنية الخاصة :

الخلفية العلمية .

التواصل الجيد: الشفوي / الكتابي ديال العروض التقديمية و التفسير للزبائن .
الصبر و الحماس و التعاطف و الاستقلالية و التحفيز الذاتي .
القدرة على تشجيع و تحفيز الزبائن .
إدارة الوقت مزيان . 

يمكن لأخصائيين ديال التغذية لي فالعمل الحر يخدموا مع مجموعة متنوعة ديال الزبناء سواء الأفراد أو العيادات الخاصة أو المستشفيات أو النوادي الرياضية أو الشركات و كذلك شركات التسويق و مراكز البحث العلمي/ و التطوير والتلفزيون و الراديو و المجلات و الصحف ...... ، بحيث يمكن ليهم يقدموا العمل ديالهم  من خلال إجراء استشارات كتابيا أو عن بعد عبر الهاتف أو  

.Skype

اليوم العالم ولا المتقدم تقنيًا خاصة عالم العمل الحر ، فكيحتاجُ بزاف ديال الزبناء لخبراء التغذية لي يكونوا محترفين لي يساعدوهم في إنشاء المدونات ديالهم الخاصة بالتغذية و الوصفات الصحية ، فعلى سبيل المثال ، باش يزودوهم بمقالات على مواضيع الساعة، باستعمال الكلمات المفاتيح و محتوى بتقنيات ديال تحسين محركات البحث ، باش تتكمن من زيادة جذب المزيد ديال القراء ، و مع الوقت يوليوا يعطيوا النصائح  لمختلف الزبائن عبر الإنترنت و يزودوهم بالحلول المناسبة . 

باش تكون خبير تغذية في العمل الحر ناجح ، فما خاصش يكون الهدف الرئيسي ديالك هو تحقيق أقصى دخل ، و لكن يكون تقديم الدعم للناس لي كيحتاجوا ليه و تشوف من بعد نتائج العمل ديالك على الزبائن  و مدى التأثير فيهم . من الطرق الرائعة باش تحصل على الزبناء ديالك هو أنك تكون متوفر فأي لحظة ممكن يكونوا كيقلبوا على أخصائي تغدية و تقدم ليهم نصائح مجانية من خلال عروض العمل ديالك ، لأن هادشي كيساعد على تعزيز العلاقة مع الزبناء من خلال إظهار جودة الخدمات ديالك . 

جزء كبير من أنك تكون اختصاصي تغذية مختص و مرن هو أنك تقدم خدمات ديالك في وقت وجيز لي يناسب الزبون ديالك . فهادشي علاش خاصك تفادى مشاكل التواصل معاك أو أن الزبناء يقضيوا بزاف ديال الوقت في انتظار الجواب ديالك .

و حاول ديما تحسن جدول التوقيت الأسبوعي ديالك و شارك التوقيت لي غادي تمنحوا لكل زبون . و أهم حاجة ، هي أنك تحاول تستمع بعناية لاحتياجات ديال كل زبون ديالك قبل ما تقدم الخدمات ديالك . 

في عالم العمل الحر ، الناس غادي يثيقوا في الخبرة ديالك كلما شافوا التعليقات الإيجابية لي خلاوها الزبناء الأخرين في الملف الشخصي ديالك .