كيفاش تخدم فريلانس كمعلق صوتي

غادي تكون سمعتيهم فالرسوم المتحرّكة، فالإشهارات،  فالأفلام و حتى فالراديو و بزاف ديال الأماكن أخرى. أشخاص فالكواليس لّي كيعطيو أصواتهم لأشياء أو لأشخاص على التلفاز. هاد الناس لّي واقفين خلف الستائر كيبغيو العمل ديالهم و كيقدموه على أحسن وجه، إسمهم فنّاني التعليق الصوتي.
هاد المقال غادي يناقش إمكانية توظيف صوتك لكسب المال من خلال العمل عن بعد كمعلق صوتي.
مجتمع العاملين لحسابهم الخاص كبير بزاف و كاين مكان للجميع. هاد المجتمع كان صغير و اليوم كبر و تطور لمنصة رقمية فيها وظائف غير محدودة للبيع و الشراء.
باش تولّي عامل مستقل و تحول موهبتك لعمل حر،خاصك أولا تكون على دراية بأبعاد العمل الحر عبر الأنترنت و متطلباتو  و خاصك تقيم مهاراتك و تختار مهنة لّي كتقنها مزيان، نفس الشي كينطبق على التعليق الصوتي. خاصك تفكّر بزاف فالنقط لّي فهاد المقال قبل ما تقرّر إدا كان مسار العمل الحر كيناسبك. هادو بعض الأشياء لّي خاصك تاخدها بعين الإعتبار و تعرفها قبل الدخول في عالم العمل المستقل كفنان صوتي:

بخصوص التعليق الصوتي 

عند كل شخص تقريبا فكرة على شنو هو التعليق الصوتي، ولكن قليل منهم لّي على حق وعارف شنو كتضمن و كتطلّب هاد المهنة. إذا كنت فعلا باغي تمارس مهنتك كفنان للتعليق الصوتي ، فخاصّك تفهم معناها الحقيقي.
 التعليق الصوتي هو فالأساس تقنية إنتاج، حيث كيتستخدم الصوت (عادة في الخلفية) في صناعة الأفلام ، في المسرح ،و على التلفزيون ، إلخ. غالبًا ما كيتم تسجيل التعليق الصوتي مسبقًا و كيتقرا من نص. حاليًا ، كتستخدم التعليقات الصوتية بشكل شائع في الأفلام والألعاب وعروض الجوائز والأفلام الوثائقية والألعاب وما إلى ذلك.  كل هاذ البرامج والعروض هي فرص وظيفية محتملة لفناني الصوت. ومع ذلك ، كاين متطلبات أساسية أخرى ضرورية قبل متفكّر تحتارف و تولّي فنان للتعليق الصوتي.

 
متطلبات العمل

في الحقيقة ، أنت ماشي مضطر يكون عندك مؤهل احترافي للدخول في العمل الحر كمعلّق صوتي. بزاف ديال الفنانين المشهورين بداو كهوّاة مع ميكروفون جيّد وصنعوا اسم لأنفسهم في المجال بسبب المثابرة وعملهم الجاد.
بالمقابل ، ولّا عالمنا حاليّا أكثر تنافسية من أي وقت فات، وهذا كينطبق حتّى على عالم العمل المستقل ككل. اليوم ، الشركات الكبيرة والصغيرة كتقلّب عن فنانين صوتيين موهوبين وملتزمين، ولكن بلا مساومة على الجودة. على الرغم من أن التعليق الصوتي ماشي خيار احترافي شائع ، إلا أن بعض الشهادات يمكن تساعدك أنّك تصيب عملاء و تميّز.
كاين معاهد في المغرب وفي الخارج كتقدم برامج للتعليق الصوتي ، وبعضها كبير وعندهم سمعة جيّدة. في المغرب ، عدد هذه الخيارات ضئيل ولكن الخيارات المتاحة كتوفر تعليم متميز. اشترك في برامج التعليق الصوتي المختلفة المقدمة ، واحصل على شهادة  أو أكثر واعرض نفسك للعالم.
نفتارضو أنّك مابغيتيش تحصل على شهادة احترافية ، لكن غادي تخدم بجدّ وتكتسب الخبرة. غادي يخصّك أوّلا تنشأ نماذج تعطي فيها تعليقات صوتية وتنشرها عبر الإنترنت على مواهب. حتى إلا صبتي مهام تعليق صوتي غير مربحة ، قبل بيها واكتسب الخبرة. كلما زادت خبرتك ، كان أحسن.
في عالم التعليق الصوتي ، الصوت هو المهم. إذا فشل صوتك في خلق السحر و فتوصيل الفكرة و المشاعر لّي في النص ، فإنك غادي تفشل كفنان صوت وكعامل مستقل.

 المهارات اللازمة

 الفنان الصوتي خاصو يمتلك مجموعة من المهارات.كل واحد منهم كيلعب دور أساسي في التعليقات الصوتية ؛ لذلك ، خاصك تعمل على تحسين و صقل كل وحدة من هاد المهارات قدر الإمكان.

الوضوح: هذا كيعني أن الشخص خاص يكون قادر على نطق كل كلمة بوضوح. إذا كنتِ غير قادر على التواصل بوضوح ، ماغاديش تحظى بفرصة.

النظافة: الوضوح شيء؛ النظافة شيء آخر. منين كنتحدثو على النظافة ، فهادا كيعني أن الفنان خاص يكون قادر على التحدث بحد أدنى من أصوات الفم. الكثير من ضجيج الفم كيأثر على الوضوح ، لّي أساسي لفن الصوت. الترطيب ، وبخاخات الحلق ، والوجبات الخفيفة ، والعلكة ، هي بعض الطرق لّي ممكن تساعدك باش يكون صوتك نظيف.

الاتساق: كنتحدثو على مهارة أساسية لأي فنان صوت مستقل. يتضمن اتساق الحجم والتعبير والتنسيق وما إلى ذلك.

الاتصال: التعاليق الصوتية مكتعلّقش غي بالدبلجة أو الغناء وراء الكواليس ؛ و لكن كتطلّب اتصالاً فوريًا مع الكائن وراء مثل هذا التعليق الصوتي. مثلا، إذا كنتي كتعطي صوتك لشخصية من فيلم ، لنفترض، إنه متنمّر ،فخاصّك تقوم بالاتصال بالشخصية والتعبير على صورة المتنمر. خاصك تستوعب الشخصية في نفسك وتتحدث من خلالها.

المحادثة: يجب أن يكون الفنانون قادرين على التحدث والقراءة بوتيرة محادثة. مخاصش يبان صوتك آلي أو اصطناعي. باش تحقق هاد شرط، استاعن بتعبيرات الوجه باش تعبّر على مشاعرك.

التحكم: ضروري أنك تحافظ على السيطرة على الدبلجة ؛ ماتردّدش أو توتّر، وإلا فإنهغادي يأثر على جودة الدبلجة.

القراءة الباردة: إلا كنت منخرط في سرد ​​القصص الطويلة ، خاصك تكون عندك مهارة القراءة الباردة. هاد القدرة كتجسّد فالقراءة بسرعة باش تفهم الأسطر القادمة وتجنّب الأخطاء النحوية.هاد المهارة  كتطلّب منك بزاف ديال القراءة.

العمل كمعلّق صوتي

 
بصفتك فنان في التعليق الصوتي ، يمكنلك العمل في شركة إنتاج أفلام وموسيقى ، وفي صناعة الألعاب ، وفي الأفلام الوثائقية ، وشركات الإعلان ، وما إلى ذلك. كل ما عليك هو البحث عليها. في المغرب ، كتّم دبلجة الأفلام باللغات الأجنبية والإقليمية لتلبية احتياجات الجمهور الوطني. كتم دبلجة هاد الأفلام في العديد من محطات الدبلجة في جميع أنحاء البلاد ، وكيدفع بزاف منها مبالغ كبيرة لفناني الصوت.
إذا كنتي كتفضل العمل عبر الإنترنت ، فغادي تكون الأمور واضحة نسبيًا. مواهب هي منصة خدمات٪100 مغربية ، وهي بمثابة سوق إلكتروني لمشتري وبائعي الخدمات. من خلال تقديم خدماتك على المنصة ،غادي تقدر تصيب مهام بسهولة. لكن تذكر أنه كاين العديد من الفنانين الصوتيين على الإنترنت و خاصك تميز نفسك. كيف دّير ؟ الجواب بسيط: أنشئ ملف متميّز وقدم عينات صوتية.

 
عينة من الأصوات

 سواء كنت فنان صوتي محترف أو لا ، فضروري يكون عندك نماذج صوت جيدة. أنك تكتب مهاراتك و خبراتك ماشي كافي. 
فكيفاش يمكنلك توفر نماذج للتّعليق الصّوتي ؟ 
الهدف: متنشأش عينة عشوائية من الأصوات. حدد هدف لمشروع افتراضي و نشأ العينة على هاد الأساس.
برامج الدبلجة: ميمكنش تسجّل صوتك على هاتف محمول وترسل العينة لصاحب العمل المحتمل. باش تحصل على أفضل النتائج ، نزّل برامج جيدة، ومعظمها مجاني على الإنترنت. غادي ضمن بهاد طريقة جودة صوت أحسن، ماشي هادشي لّي كيقلّب عليه أصحاب العمل؟  
المدة: انتابه لمدة عينات الصوت ؛ ماطوّلهاش بلا فائدة . أصحاب العمل ماعندهمش بزاف ديال وقت الفراغ ، وبالتاليخاصك تجهّز عينة صوتية قصيرة ولكن مزيانة.
 صاحب العمل المستهدف: إلا كنتي كتستهدف التعليق الصوتي للأفلام مثلا، تجنّب أنك تنشأ عينة لّي بعيدة على المجال، كإعلانات لمنتج. بدلاً من هادا،  يمكنلك تنشأ عيّنة يمكن ثير، على سبيل المثال ، خيال رومانسي. وبالمثل ، إلا كنتي كتستهدف الإنتاج الوثائقي ، نشأ عينة مصممة وفقًا لاحتياجاتهم.

راتب فناني الصوت

كيعتمد الكثير من المقاييس على الوضع الحالي للعامل المستقل. إلا كنتي من ذوي الخبرة ، واجب عليك تحافظ على نقطة سعرك عند أو أعلى من سعر السوق الحالي لأنه عندك مصداقية أكبر من المستقلين المبتدئين.  إلا كنتي حديث العهد ، بدا بمعدل أجر معقول ، ولّي يقد يقرّب لمعدل الدفع السائد في السوق. باش تكون عندك دراية  حول معدل الأجور الجاري ، تفاعل مع فنانين آخرين. لكن هادشي ماشي ضروري لأنك أدرى بهاراتك.

من خلال هذه المقالة التمهيدية ، نأمل أنك تشعر بمزيد من القوة في رحلتك في العمل المستقل كمعلق صوتي. ومع ذلك ، فإن المعلومات هنا ماهي غير غيض من فيض. الدبلجة مهنة كتطلب التعلّم المستمر والتفاني.