كيفاش نسير الميزانية ديالي في العمل الحر ؟
العمل الحر عبارة عن مغامرة كتقدم للناس العديد من الحريات و لكنها كتطلب إدارة مختلفة لميزانية ديالها ، فكيفاش ممكن نحققوا و نحافظوا عل الإستقرارية و نطوروا مشروع العمل الحر و بالتالي نوفروا ظروف جيدة ؟
خاصك تكون كتفكر عمليا في البحث على أعمال طويلة الأجل
خلال البحث ديالك على مهام لي ممكن تقوم بيهم حاول تركز على المهام طويلة المدى ، هاكا غادي تكون ضمنتي مدخول مادي دائم لمدة معينة ، لأنه ما يمكنش و أنت خدام في العمل الحر تبقا خدام على مشاريع متقطعة لأنه بعض المرات الحظ غادي يكون لصالحك و تلقا بزاف ديال المشاريع فمدة معينة أو العكس فبعض الفترات ممكن تلقا عدد محدود من المشاريع أو ما يمكن يكونوا منعادمين ، هادشي علاش خاصك تركز على المشاريع طويلة المدى ، لأنها غادي تكون بمثابة عمل شهري ، و مع الوقت حاول تبحث على مشاريع لي عندها مدة زمنية محددة .و تكون إضافة للمشروع طويل المدى
دير اختبار للمشروع ديالك و قم بحساب الميزانية ديالك مابين فترة و فترة باش تقارن الأهداف لي حققتي في العمل الحر و العمل العادي
باش تتحقق من واش المشاريع ألي كتقدم مربحين ، فخاصك تقوم بعملية حسابية بسيطة ، و لي هي تقارن داكشي لي كيبقى لك من شهر بالعمل كموظف بالحصيلة لي كتبقا لك و أنت خدام في العمل الحر ، هاذ المقارنة ممكن لك تحسبها من خلال الإستعانة بحساب هاذ الحوايج لي كتعتابر من أساسيات و أولويات كل موظف :
التنقل ( البنزين أو الإصلاحات ديال السيارة ، بطاقة الحافلة ، بطاقة القطار ، سيارة الأجرة )
رعاية الأطفال
الاشتراكات الشهرية ( الهاتف النقال أو المنزلي ، الوي في ، و غيرها ..... )
الضرائب
الرسوم المنزلية (الإيجار ، الطاقة ، التأمين ، و غيرها .... )
كتابة هاذ الأشياء و الحساب ديال شحال كا يستلزمك من المال باش تحقق كل وحدة ، غادي يساعدك باش تختار ما بين المشاريع لي عندك و تحدد أكثر واحد عندُ قابلية أنه يغطي إحتياجاتك ، كيفما أن هاذ الطريقة غادي تساعدك في أنك تقوم بمقارنات باش تنظم و تحقق توازن دائم بين جودة الحياة و كذلك المدخرات .
تحديد وتقليل النفقات الثانوية
كل شخص خدام في العمل الحر خاصُو يحاول يتبنى تصرفات و طرق عيش لي تتوافق مع الدخل ديالُو لي ممكن بعض المرات يكون مستقر و مرات أخرى غير مستقر بل و ممكن يكون جد منخفض ، هادشي علاش خاصك تركز أكثر على النفقات الثانوية و تحاول تنقص منها قدر الإمكان و هاكا غادي تبقا محافظ على التوازن المادي و تضمن ميزانية النفقات الثانوية .
تطوير استراتيجية الإدخار من خلال استهداف إستثمارات جديدة
حاول تلقى شي مشروع بسيط لي ممكن تسثتمر فيه المال ديالك و لي تكون متأكد أنه مع الوقت غادي يضاعف و تقدر توفر مع الوقت مصدر جديد ديال المال و بالتالي الميزانية ديالك غادي يتزاد فيها مدخول جديد و لي ممكن يكون أحسن من المداخيل الأخرى، خاصة و إلا كان الإستثمار ديالك كيخص شي تجارة مربحة .
بصفتك شخص كيخدم لحساب ديالُو الخاص ، فخاص تكون ميزانيتك تحت السيطرة أكثر من ما كنتي عليه ملي كنت موظف عادي.
باش تلقى مشاريع لي ممكن تساعدك في تحقيق توازن للميزانية ديالك فمنصة مواهب غادي تكون الوسيط ديالك مع العملاء المستقبليين ديالك.
