كيفاش دير التسويق لراسك في مجال العمل الحر
إلى كنت بغي تبدا المسار المهني ديالك في مجال العمل الحر أو إلا كنتي أصلا بادي في مجال العمل الحر ، فخاصك تعرف تدير التسويق لراسك لأنه حاجة ضرورية في العمل . بغض النظر عن المهارت لي عندك ف داكشي لي كتدير ، إلا ما كنتيش كتعرف كيفاش تدير التسويق لنفسك بشكل صحيح ، فالعمل ديالك ما غديش ينجح .
واخا تكون بارع وموهوب في داكشي لي كتدير ، ما غديش تنجح في الحصول على الزبناء إلى مكنتيش قادر تبين نفسك و دير التسويق بشكل صحيح ديال الخدمات ديالك ، لأنه هو الطريقة الأكثر فاعلية للحصول على الزبناء . ما توقعش التدفق المستمر ديال الزملاء لأنك ما غاديش تحصل عليه أبدًا حتى تقوم بالبحث عليه و تجرب طرق جداد و تعاود تجرب . خاصك تكون مستاعد للرفض و تكون مستاعد لمئات من الناس لي غادي يجاوبوك ب لا أو كاين لي مغديش يجاوبك أصلاً و لكن بمجرد أن تحصل على الجواب ب نعم ، غادي تفتاخر بنفسك لأنك كتستحق فعلاً هذاك الجواب .
كيفما كانعرفوا المنافسة في هاذ المجال ضروري منها حيتاش كاينين الملايين ديال الناس لي كيقدروا يديروا نفس الخدمات لي كتقدم أنت ، داكشي علاش خصك تتميز على هاذ ناس كاملين و خاصك تتبث أنك عندك التجربة و عندك جميع المهارات الكافية . خاصك تجبد مهارات التسويق لي عندك باش تقوم بإثارة إنتباه الزبناء المحتملين ديالك وتبين ليهم القيمة المضافة ديالك للعمل ديالهم. فعلى سبيل المثال منين كتكون كتقدم لأحد الزبناء واحد الخدمة فخاصك دائماً تبيع ليه واحد الخدمة لي تقدر ديرها ليه و لي غادي تقوم بتحسين مردودية العمل ديالُ و خاصك دائماً تبين للزبناء المحتملين ديالك أنهم غادي يديروا واحد الإختيار ذكي إلا خدمتي معاهم .
تكوين الشبكة المهنية ديالك
تكوين الشبكة المهنية ديالك ضروري باش تقوم بالتطور في المسيرة المهنية ديالك ، هادشي كيمكنك من خلق علاقات على المدى البعيد و كيعطيك سمعة جيدة مع مرور الوقت . فهادشي كيخليك تتلقى ناس لي تقدر تعاونهم كيفما حتى هما يقدرو يعونوك . الشبكة المهنية الناجحة كاتعتمد على الثقة و الدعم و كتلعب دور كبير مابين سيرة مهنية فاشلة و سيرة مهنية ناجحة بكل المقاييس . بعيداً على البحث المستمر ديال زبناء جداد باش يمكن لك تخدم معاهم خاصك تقوي العلاقات مع الشبكة المهنية ديالك لأنه الشبكة المهنية ديالك تقدر تكون مصدر مهم باش تلقى طرق و أفكار جديدة لي يمكن لها تعاونك في العمل ديالك . فالتبادل المستمر ديال التجارب و المعلومات هو ميزة جيدة في تكوين شبكة مهنية لأنه يقدر يمكنك من الاستفادة من مكتسبات لي تقدر تكون معمرك فكرتي فيها .
بين الوجود ديالك و كون دائماً حاضر
إلا كنتِ دائماً حاضر فغادي تولي معروف في المجال ديالك وغادي يوليوا الناس يعرفوك و يديروا فيك الثقة و هادشي غادي يخليك تاخد فرص للعمل ، فمثلاً إلا كنتِ كاتب في مجال العقارات غادي تكون فكرة جيدة إلى شاركتي في الملتقى ديال العقارات. ما تنساش أنه تكون حاضر دائماً ما كيعنيش أن الزبناء غادي يعيطوا ليك و لكن على الأقل منين أنت غادي تعيط ليهم غادي يعرفوك و هاذ المعرفة غادي تخليهم يتيقوا فيك أكثر من المنافسين ديالك و هادشي غادي يسهل عليك العمل معاهم .
قلب على ناس لي قادرين يوجهك
إلى كنت مازال مبديتي عمليات البحث على زبناء جداد و بغيتي تعرف معلومات أكثر على كيفاش غادي تبدا هاذ العملية خاصك تقلب على الناس لي عندهم خبرة في المجال ديالك ولي يقدروا يوجهوك . بغض النظر على المجال لي كتخدم فيه ، فالتوجيه كيلعب دور مهم في التطور ديالك وغادي ينفعك بزاف قبل ما تبدى عمليات البحث على زبناء جداد . أنا متأكد أنه غادي تقدر تكون كتعرف شي شخص من المحيط ديالك لي عندُ تجربة أكثر منك في مجال العمل الحر ، أكيد غادي يكون فرحان باش يعاونك لأنك أمنتي بيه و ثقتي بيه باش يعاونك ، هادشي علاش ما تترددش باش تطلب منُ معلومات أو تقدر تعرض عليه ياخد معاك قهوة باش يعطيك اجوبة على الأسئلة ديالك لأنه كلما كان عندك مكتسبات كثار كلما كطور أكثر .
خرج من المحيط لي أنت متعود عليه
إلى استامريتي في الحضور و مقابلة ناس جداد فغادي تخرج من المحيط لي أنت متعود عليه و بالتالي هادشي غادي يعاونك بزاف لأنه مايمكنش لك طور نفسك إلى مخرجتيش من المحيط لي كترتاح فيه و هادشي غادي يخليك تكتاسب مهارات إجتماعية و ثقة في النفس لي تقدر تستخدمها في النجاح في العمل ديالك .
تعامل مزيان مع الزبناء ديالك
إحترام الأجل و العمل وفقاً للتعاليم ديال الزبون مكيعنيش أن الزبون ما يقدرش يفكر في شخص أخر لي يقدر يدير العمل ديالك و لكن إلى تعاملت مع الزبون ديالك مزيان وعطيته خدمات مجانية بين الحين والأخر أو في المناسبات ، فهادشي كيقوي العلاقة ديالكم و النتيجة أنه ما عمروا غادي يفكر في شخص أخر من غيرك لي يقدر يقوم بالعمل ديالك .
إلا خدمتي مع زبون لي عطاك قيمة مالية في واحد العمل لي كتفوق عشرات المرات القيمة المالية المعقولة لي كتخدم بها ، خاصك تعلموا و خاصك تعطيه السعر المناسب للقيام بالعمل ، تقدر تخسر المال ولكن ثق بيا غادي تربح زبون مخلص و غادي تربح أموال أكثر في المدى البعيد .
اختار تخصص محدد
كاينة وسيلة ممتازة باش دير التسويق لراسك و لي هي تكون متخصص في مجال واحد ، وهادشي غادي يعاونك خاصةً في المجلات لي كتتطلّب مكتسبات تقنية في تخصص محدد . يقدر يبان ليك غادي دير تقييد لراسك إلا درتي تخصص في مجال أو مجالين و لكن تقدر تعمل بها لأنها تقدر ترجع عملية التسويق ساهلة بالنسبة ليك لأنك غادي تخاطب ناس محددين وغادي تكون عارف المصطلحات المناسبة لي غادي تستعملها و هادشي غادي يخلي الزبناء يعرفوا بأنك الشخص المناسب لي غادي ينجح في المهمة .
