إستعمل LinkedIn في العمل الحر

في العصر الحالي الرقمي ، ملفات الدفع ولات تقليدية أو ولات كتنتمي للماضي و لي تم تعويضها بمواقع الويب و خاصة صفحات على LinkedIn .

LinkedIn هو شبكة إلكترونية أساسية بالنسبة للناس لي خدامين أو للناس لي كايقلبوا على عمال. يمكن تكونوا استعملتها من قبل في واحد لوقت من حياتكم المهنية فش كنتو مزال موضفين بش تقلبوا على الوضيفة المناسبة ولكن وش عمركم فكرتوا تستعملوا LinkedIn في العمل الحر ؟

بزاف ديل الناس كيعتقدوا أن LinkedIn هو فقط للموظفين و هذا غلط لأنه يقدر يكون المكان المناسب لعرض المهارات ديالك ، و لي تبين أنه عندك رأي مهم في مجال العمل ديالك ، و تقدر تواصل مع مقدمي الخدمات الآخرين و العملاء لي ممكن تخدم معاهم و لي في المجال ديالك ، وتزيد في الدخل ديالك.

إلا كنت قررتي دير صفحة شخصية في LinkedIn و تشارك فيها حتى الخبرة لي عندك مع منصة مواهب ، فهي غادي تعاونك باش تتميز لانه فواخا متكونش حاضر فيه باش تقلب على عملاء لي ممكن تخدم معاهم ، فهما يقدروا هما لي يقلبوا عليك .

استعمل صور احترافية 

أول حاجة لي كتثير الإنتباه ديال الناس هي منين كيدخلوا للصفحة الشخصية ديالك هي الصورة الشخصية لي داير . الصورة لي اختارتي كتمثل الشخصية ديالك و كتمثل الشخصية المهنية ديالك و بالتالي الصورة الشخصية خاصها تكون إحترافية و محترمة .

اختار صورة شخصية ديالك لي تكون واضحة و تأكد أنه ما كاين حتى شي شخص أو كائن آخر  أو شيء معاك في الصورة . ماشي ضروري أنك تكون لابس بدلة أو ربطة عنق ،  و لكن ما خا صكش تستعمل صورة سيلفي أو صورة سخيفة كالصورة لي كاينة في الصفحة الشخصية العادية ديالك ، قلب على مزيج سعيد ما بين المتعة و المهنية ، باش العملاء لي ممكن ياخدوا الإمكانيات ديالك بجدية .

ضع عنوان مناسب للصفحة الشخصية ديالك

من بعد الصورة لي داير في الصفحة الشخصية ديالك ، فإن الشيء لي غادي يشوفوه الناس هو العنوان ديال  الصفحة الشخصية .  العنوان كيبان في عمليات البحث و هي أول فرصة عندك باش تخلي انطباع عند العملاء  لي ممكن تخدم معاهم . فكر فيه على أنه عرض تقديمي رقمي ديالك و لي خاصُ يكون مقنع بدرجة كافية باش يمكن للأشخاص يدخلوا للصفحة ديالك الشخصية .

إستعمل الكلمات الرئيسية المتعلقة بالمهارات ديالك و تجنب استخدام المصطلحات العامية ، تأكد من أن العنوان كيتضمن مصطلح العمل الحر أو اسم شركتك بشكل مباشر في العنوان الخاص بك بحيث يكون واضح  للعملاء لي ممكن تخدم معاهم .  

بيع الخدمات ديالك في التلخيص ديال الصفحة الشخصية

التلخيص ديالك في LinkedIn هو المكان المناسب لي تقدر تبيع فيه الخدمات ديالك ، و تشرح فيه أشنو تقدر دير ، لأنه منين كيدخل عندك أحد العملاء لي ممكن تخدم معاهم للصفحة الشخصية ديالك خاصك تقنعوا بالتلخيص ديالك باش يقدر يتاصل بيك .

ما خا صكش تكتب تلخيصات كبار ولكن خاصك دير سيرة ذاتية مصغرة   لجذب العملاء المحتملين و باش يتأكد  من الإحترافية ديالك . تقدر قائمة  ديال المهارات والإنجازات والمكافآت ديالك  اللي كتميزك على الآخرين ومتنساشتزد شي عبارة تحث في الأخير ديال التلخيص باش يتاصل بيك العملاء المحتملين على سبيل المثال "اتصل بي ليوم باش تشوف كيفاش  يمكن لي  نساعدك.

كمل المعلومات ديال الصفحة الشخصية ديالك 

وفقاً ل LinkedIn ، الصفحات الشخصية الكاملة كيكون عندها %40 ديال الحظ أكتر ، إلا زدتي غير الصورة الشخصية ديالك غادي يمكن لك يكون عندك حظوظ أكثر باش الصفحة الشخصية ديالك يشوفوها الناس و حظوظ أكتر أنه باش تلقى رسالة على الخاص .

لذلك منين تكون كتقوم بفتح حساب على LinkedIn تأكد من ملء جميع أجزاء الصفحة الشخصية ديالك باش تقدر تحصل على النظام ALL STAR ديال LinkedIn و إنشاء حساب لي غادي يخليك فخور بنفسك .

التجربة المهنية 

هاذ الجزء من الصفحة الشخصية ديالك هو تاني فقرة مهمة في الصفحة الشخصية ديالك من بعد التلخيص لأنه العملاء لي ممكن تخدم معاهم ، كيشوفوا هاذ الجزء باش يتأكدوا من أنه عندك المهارات و التجربة الكافية باش تنجح في المهمة .

هاذ الجزء هو مهم حتى باش تقدر تسجل فيه و تبرز فيه الخدمات و المشاريع لي خدمتي عليها مع العملاء ديالك من قبل ، العملاء ديالك يقدروا يأكدوا الأعمال ديالك و أحسن المهارات ديالك في الفقرة ديال الكلمات لي متعلقة بالمهارات ديالك في لتحت ديال الصفحة الشخصية ديالك ، هاد الفقرة كتكون فيها المهارات الأساسية ديالك لي كيشفوها الناس فيك و كتزيد من المصداقية ديال الصفحة ديالك . 

تواصل مع الناس لي كيحتاجوا المهارات ديالك

ما تسناش العملاء لي ممكن تخدم معاهم هما لي يلقاوك ، خاصك أنت تقلب على الناس لي يقدروا يحتاجوا المهارات ديالك ، على سبيل المثال ، إذا كنتِ كاتب محتوى في العمل الحر ، خاصك تقلب على مديري المحتوى أو التسويق أو التواصل ...... حيث هما لي غادي يكونوا مهتمين بالعمل معاك .

قلب على التوصيات

في أخر المطاف ، كيبقى توصيل الرسالة على طريق تقنية التوصية  " من الفم إلى الأذن " هي الوسيلة الفعالة بالنسبة لمقدم الخدمات ، و  لحسن الحظ  LinkedIn كاين فيه طريقة رائعة باش تاخد التوصيات .

بما أن التوصيات كتعطيك مصداقية في العمل الإحترافي و في التجربة ديالك ، فمن المهم أن العملاء ديالك لي خدمتي معاهم من قبل يعطيوك توصيات باش يشجعوا العملاء المحتملين يخدموا معاك .

حتى إلا ما عندكش  قائمة طويلة من العملاء  ، فإن LinkedIn كييسمح ليك بالحصول على توصيات من عند أي شخص خدمتي معاه من قبل ، بما فيهم الزملاء القدام ديالك أو الشركاء لي خدمتي معاهم من قبل في أعمال أو مشاريع أو أرباب العمل لي خدمتي معاهم إلى غير ذلك .

نشر المقالات 

في LinkedIn ، يمكن لك تنشر المقالات ديالك في قسم خاص بالمقالات ، و هادشي غادي يعطيك فرصة باش تبين أنك عندك رأي مهم في مجال العمل الحر .

إلى كتبتي على داكشي لي كتعرف دير أكثر تقدر تميز على الأخرين و تقوم باثارة إنتباه العملاء لي ممكن تخدم معاهم، كيفما تقدر تقوم بالإنخراط في مجموعات في LinkedIn و تنشر فيهم المقالات ديالك لأنه هاذ المجموعات  يقدروا يكونوا فيهم عملاء محتاجين للخدمات ديالك .   

دائماً قوم بتحديت الصفحة الشخصية ديالك 

بما أن العمل ديالك دائماً  كيتغير فمن المهم دير التحديث دائماً للصفحة الشخصية ديالك باش تبقى دائماً تعكس الصورة الحقيقية ديالك .

دائماً تأكد من أنه ماكينينش أخطاء في القواعد و من أن المعلومات ديالك لي دخلتِ صحيحة .