كيفاش تولي مدرس خاص في العمل الحر في مجال تخصصك ؟
كتعتابر الدروس الخصوصية عبر الأنترنت خدمة شائعة في العمل الحر و لي كيقوموا بها طلاب الجامعات أو الخريجين الجدد باش يكسبوا المال . التدريس هي خدمة مرنة لي يمكن لك تقوم بيها بالتوازي مع دراسة ديالك ، كيفما أنها كتعطيك قيمة في السيرة الذاتية ديالك لأنها كتبين أنك متمكن من مجال التخصص ديالك لدرجة أنك واثق من أنك تقدر تعلموا لناس آخرين .
واش باغي تخدم كمدرس خاص ؟ فهاذ المقال غادي تلقى المعلومات لي غادي تحتاجها باش تبدا :
المزايا ديال إعطاء دروس خصوصية عن طريق الأنترنت :
أسعار مزيانة
يمكن لك تربح أو تكسب مقابل مهم بالعمل كمدرس خاص ، كا تختالف المبالغ لي ممكن تتخلص بها على حساب تخصص ديالك و مستوى الخبرة لي عندك في هاذ المجال .
تجربة رائعة
التدريس الخصوصي غادي يبان شي حاجة مهمة في سيرة الذاتية ديالك ، فملي كتجيك المبادرة باش تبدا التدريس الخصوصي ، فأنت كتثبت أنه عندك القدرة و التمكن في المجال ديالك لدرجة أنه عندك الثقة في أنك تعلموا للناس الآخرين .
خدمة مرنة
في التدريس الخصوصي ، يمكن لك تختار ساعات العمل ديالك ، فحال مثلا في المساء أو عطلات نهاية الأسبوع لي كتكون مناسبة لك و لي فنفس الوقت أكثر طلبا من عند العملاء .
حاجة مفيدة للدراسة ديالك
من خلال أنك كتقدم دورات تعليمية خاصة في مجال تخصصك ، فما كيناش طريقة أفضل من هاذي لي تخليك ترسخ أي حاجة في الذاكرة ديالك من خلال أنك كتعلمها للآخرين .
أشنو هي المهارات لي كتحتاجها باش تكون مدرس خاص ؟
باش تكون مدرس خاص جيد ، غادي تحتاج لأنك تكون كتكمتالك هاذ المهارات :
معرفة لي تكون ممتازة خاصة بموضوع التدريس
إلا كنتي غادي تقدم خدمات كمدرس في الميدان ديالك ، فمن المهم أنه تكون عارف و تثبت المعرفة ديالك على الموضوع لي غادي تدرس . لأنه ما خاصكش غير تبقا مركز على كونك مزيان في المجال بشكل عام ، فأنت غادي تحتاج لأدلة كيبينوا هادشي ( درجات مزيانة ، مراجع جيدة ، و غيرها ) لي تخليك تثبت راسك في هاذ المجال .
تواصل ممتاز
غادي تحتاج للتواصل مع الطلاب باش تساعدهم في التعلم ، لأنه من المهم أنه يكون عندك أسلوب تواصل لي يكون مزيان و لي يعونك في إعطاء دروس خصوصية من خلال المكالمة ديال الفيديو ، بحيث أنه التدريس و التعليم بوسائل التواصل الافتراضية كيطّلب مهارات خاصة باش تقدر تشد الإنتباه ديال الطلاب ديالك .
معرفة مزيانة على تقنيات المراجعة و الإختبار بالوسائل الإلكترونية
كيتعتابر البحث على أحدث التقنيات الإلكترونية ديال المراجعة و التعليم حاجة مهمة ، و لي غادي تخليك توْصل و تشارك مع الطالب ديالك جميع داكشي لي خاصُ يعرفوا بطريقة مزيانة .
إدارة الوقت
غادي يخصك تتعلم للموازنة بين جميع الفصول ديال الدروس الخصوصية لي عندك مع العملاء و الأنشطة ديالك فحال الدراسة الجامعية ديالك ، و بقى ديما دير التخطيط المسبق قبل كل بداية أسبوع .
الصبر
هاذي في الواقع واحدة من أهم الصفات لي خاص تكون عند أي مدرس . لأنه إلا كان شي واحد بغا يخدم مقدم خدمات مدرس ، غير لأنه عندُ مشاكل في المادة لي غادي درسوا ، هادشي علاش خاصُ يكون عندك الصبر ملي تكون كتعطي الدرس و تكمل معا الطلاب ديالك حتى يفهموا .
إلا كنتي كتقلب على فرص ديال الخدمة في العمل الحر ، فمواهب كتقدم لك مجموعة واسعة من فرص العمل لي يمكن لك تمارسها على حساب الخبرة لي عندك .
