مطور ويب في العمل الحر
البداية بمهمة مطور ويب ماكتكونش ساهلة، حيث قبل من كلشي خاص تكون عندك واحد الخلفية معرفية مسبقة على هاذ المجال، فهاذ المجال معروف بأدواتُ و لغاتُ المعقدة و لي كتبدل و كطور مع الوقت، هادشي علاش خاص تكون عندك القابلية لتعلم أي تحديث جديد بسرعة و بإتقان باش تكون بارع فيه.
بعدا شناهوا ميدان تطوير الويب؟
هو ميدان واسع و كبير، فهو كيشمل أي حاجة كتعلق بتطوير المواقع، تطوير صفحات الأنترنيت سواء المتعلقة بالشبكات الإجتماعية أو الإعلامية و حتى التجارية، تطوير تطبيقات على الهواتف أو الحواسيب، تطوير نظام أمن الشبكات لي هي حاجة ضرورية باش أصحاب المواقع و التطبيقات يضمنوا الحماية من القرصنة لي هي ظاهرة ولات مهددة لمجموعة من الشبكات، إصلاح جميع الأعطال التقنية ومعرفة أسبابها، تغيير ديال المنصات من خلال التحديثاث لي كيكونوا فكل مرة، و مازال كاينين بزاف ديال الإستعمالات. بالفضل ديال هاذ الميدان بزاف ديال الحوايج طورات و رجعات الممارسة ديالها ساهلة.
كنلقاو مفهوم أخر لي كيتغالط لبزاف مع مصطلح مطور الويب، و لي هو مصمم الويب، لي كيكون متعلق بالبرمجة و إدارة المحتوى، بحيث أن هاذ الميدان ديال تصميم في الويب ماكيطلبش تكون عندك خبرة فالتقنيات كبيرة، خاصك غير تكون كتعرف للتصميم الرقمي. فأي شخص كيمتالك موقع مثالا و عند معرفة متواضعة بالتصميم في الويب فيمكن ليه بسهولة يقوم بإدارة الموقع بلاما يحتاج لتدخل محترف في تصميم الويب او مطور.
دابا غادين نشوفوا أنواع مطوري الويب، كاين مطور واجهة النهاية أو () لكيكون الدور ديالوا تطوير الواجهة ديال الموقع أو التطبيق بحيث أنه كيحول التصميم لي كايكون تقاد من قبل و كيرجعوا على شكل كود برمجي، عن طريق استعمال لغات البرمجة ك ()،فالهدف ديالوا الأساسي هو يقاد هداكشي لي غيشوف المستخدم ملي يدخل للمنصة. و كاين عوتاني المطور الخلفي أو () فهو كيهتم بالتخطيط و يدير قواعد للبيانات و يعطيهم هيكل. و كاين النوع الأخر و لي هو المطور لي كيقدر يجمع بين النوعين بجوج، الحاجة لي صعيبة، حيث كتكون عند الخبرة أنه يطور موقع أو تطبيق من الأول حتى الأخر.
أشناهية الخطوات باش نكون مطور ويب بدون معرفة مسبقة أو خبرة؟
فلول باش تبدا خاصك تعلم اللغة الأساسية في صياغة المواقع و التطبيقات و لي () حيث هي القاعدة ديال هرم تطوير الويب، من بعد يمكن لك تزيد شي لغة أخرى فحال (). ثانيا خاصك تعلم لغة البرمجة فحال (). من موراها تعلم شي لغة من لغات قواعد البيانات و لي عامة هي () حيث غالبية المبرمجين كايتعاملوا بيها. و عاد من موراها و باش تزيد في التعلم و اكتساب الخبرة من بعد ما وصلتي لواحد المستوى المعرفي متواضع، خاصك تقوم ببعض التجارب كبرمجة مساحة تسجيل الدخول و الخروج. و كل مرة حاول تعلم حاجة جديدة لي عندها علاقة بهادكشي لي تعلمتي حتى تقن الموهبة ديالك و ديك الساعة يمكن لك تبدا تقدم عروض في منصات العمل الحر و تقلب على مشغلين لي غادين يهتموا بالعمل معاك.
هاذ العمل كيتصنف في قائمة أفضل الوظائف و الأغلى أجر في مجال العمل الحر. و هادشي راجع لكون أنها مهنة مطلوبة بزاف و الناس لي كيخدموا عليها عددهم متوسط، كما أن القيام بوظيفة وحدة في خاصوا مجهود، لي المقابل ديالها كتكون أجرة معقولة، بحيث أن هاذ الأجرة قليل فين نلقاوها فشي عمل حر أخر لي غنديروا فيه نفس المجهود و نفس الوقت لي خداتوا المهمة ديال مطور الويب. و بطبيعة الحال المبلغ لي كيدخلوه مطوري الويب كيختالف على حساب الخبرة ديال كل واحد.
فإلا كانت عندك الموهبة أو مجرد رغبة العمل كمطور ويب، فيمكن لك تبدا دابا و بلا ما تتردد، و واخا تجيك البداية صعيبة خاصك تبقا مأمن براسك و ثايق فيه، حيث هما سر وصول جميع مطوري الويب لي كانشوفوهم ناجحين دابا.
