أشناهوما الإجرائات اليومية "صديقة البيئة" لي ممكن نعتامدها كشخص في العمل الحر؟
كيمفما كنعرفوا فالناس لي كتشتاغل في العمل الحر، نمط و طريقة العمل ديالها كايختالفوا كليا على طريقة عمل الناس الموظفين في الشركات، هادشي علاش هاذ الناس لي خدامة في العمل الحر هم أكثر وحدين ممكن يعتامدوا مجموعة من الإجرائات لي كتكون صديقة البيئة و إلا اعتامدها عدد كبير منهم هاكا كنكونوا اضمنا على الأقل واحد النسبة من الناس لي غتساهم في الحفاظ على البيئة.
هاذ الإجرائات هما ماشي شي حاجة صعيبة لي كطلب مجهود، فهما غير تصرفات بسيطة، فمن بين هاذ التصرفات كانلقاوا:
تقليص عدد الرحلات بالسيارة
الهدف ديال هاذ التصرف هو إنقاص استعمال السيارة حيث كيفما كنعرفوا فالسيارات هي مستهلك كبير للطاقة، كذلك عندها دور كبير في تلوث البيئة من خلال الإنبعاثات الكاربونية في الغلاف الجوي لي كايعاني منها هاذ الأخير بسبب الغازات السامة لي كتأديه بطريقة سلبية و لي فالمقابل كاينعاكس هادشي على الكائنات الحية لي كتعيش فوق الكرة الأرضية و لي من حقها تستافد من هواء نقي. فمثلا إلا كان الشخص لي خدام فالعمل الحر يقدر يخدم من البيت ديالوا فهو كيكون كينقص من استعمال السيارة أو إلا كان باغي يخدم من مكان أخر كيعجبوا، فهو من الأحسن أنه يعزز التحرك مشيا منها يكون حرك الجسم ديالوا و عطاه طاقة إيجابية لي غادي تعونوا في الإنتاج كما أنه قدر يمشي بدون استعمال السيارة الخاصة أو سيارة الأجرة، أما في حالة ما كان عندُ شي تنقل مهم في إطار العمل أو حاجة أخرى، لمكان بعيد يقدر يستاعن بشي شخص لي عارف غادي لهذاك المكان و يعرض عليه يمشيوا فسيارة واحدة. الفكرة من هادشي هي نكونوا عقلانيين في استعمال السيارات أو أي نوع من المحركات.
إنتاج كل شيء بنفسك: الاستهلاك الأخضر
كيفما كنعرفوا أن الناس لي خدامين في العمل الحر عندهم جدول زمني مرن و مناسب لأنهم يديروا أي نشاط، فمن بين الأفكار لي يقدروا يقوموا بيها أنهم ينشؤوا حديقة ديالهم الخاصة فيها الزراعات ديالهم لي ينتجوا فيها بعض الخضر و الفواكه فحال الطماطم، الفلفل، الأعشاب المنسمة، و غيرها من الأشكال الزراعية، كيفما أنه ممكن يلقى بعض الشركات لي كتدعم هاذ النوع ديال الزراعات العضوية بحيث أنها كتبيع أشجار صغيرة لي يمكن يخصص ليها غير مكان في شرفة و يعتني بيها و مع الوقت غيولي عندُ إنتاج عضوي منزلي. بزاف ديال الناس حول العالم لي خدامين فالعمل الحر كيشجعوا هاذ النوع ديال الأنشطة.
الإستعمال ديال الكمبيوتر بطريقة صديقة للبيئة
مجموعة من العمال كمصممو الجرافيك ، الكتاب ، المبرمجون ... الغالبية ، إن لم يكن معظمهم كيخدموا و كيستعملوا محركات ديال البحث بواحد الطريقة مكثفة فيمكن ليهم بهاذ الإستعمال المكثف يساهموا في بعض التغييرات اليومية الصغيرة لي ممكن تساعد الكوكب، هادشي كيفاش يمكن إكون؟ كاينين واحد العدد من المواقع و لي هي محركات البحث بديلة عن المحركات الإعتيادية لي كنعرفوا، هاذ المحركات كلما قمتي ببحث فيها كتكون كتساهم فزرع أشجار أو المساهمة في مشاريع بيئية حول العالم، كاينين شي مواقع قدروا يزرعوا أكثر من 70 مليون شجرة فالعالم بفضل المساعدة و الإلتزام ديال مجموعة من الناس و العاملين لي كيحسوا بالمسؤولية تجاه البيئة.
كاينين مزال بزاف ديال العادات الأخرى الكثير منا ما كيعرفوهاش و لي حنا كتجينا بسيطة و لكن هي كضر إيكولوجيا البيئة، فما فيها باس إلا خصصنا وقت و درنا تقييم لتصرفاتنا و شفنا واش حنا كنعونوا البيئة أو كنزيدوا نأديوها، كذلك إلا كنتي شخص كيخدم فالعمل الحر فأنت الوقت كل ديالك فبحث عن أفكار جديدة و قوم بتنفيذها.
