قواعد خِدمة العملاء لي خاص يتبعها كل مقدم خدمات

إلا كان من بين الأهداف ديالك أنك تحافظ على علاقات طويلة الأمد مع العملاء ديالك ، فهاذ المقال مناسب لك .

اعرف القواعد لي غادي تساعدك على تقديم أفضل خدمة للعملاء ديالك و التطوير ديال قاعدة العملاء المخلصين ديالك .

ما تترددش في طرح الأسئلة

- تفكر أن المهمة الرئيسية ديالك هي الإسعاد ديال العملاء ديالك ، و لي خاصك ديرها بإتقان و نجاح ، خاصك تفهم بالضبط أشنو باغين العملاء لي كتخدم معاهم .

- ما تقبلش بالعقد إلا بان لك الوصف الوظيفي غامض ، ما تترددش في طرح أسئلة إضافية باش تفهم ، كلما زادت المعرفة ديالك بتفضيلات ديال العميل ديالك ، كلما كان مضمون الوظيفة مفهوم و كلما تمكنتي من تقديم أشنو باغي العميل .

  - إلا  كانت عندك شكوك متعلقة بطريقة العمل أو الإكمال ديال شي مهمة ، فتكلم مع العميل ديالك باش يعطيك لمحة على أشنو باغي بالضبط .

وضع راسك بلاصة العملاء ديالك

يقدروا بعض المرات مقدمي الخدمات يرتاكبوا بعض الأخطأء ، بسبب عدم الاستماع أو الفهم الكامل ديال أشنو لي متوقع منهم من طرف العملاء ديالهم ، و بالتالي ، فنتائج ديال العمل المنفذ كتكون ما كتلبيش التوقعات ديال العملاء ، فإلا كنتِ باغي تبني علاقات دائمة ، فغادي يكون خاصك تقوم بإلقاء نظرة على المشروع من وجهة نظر العملاء ، و هادشي من خلال أنك تلقى أجوبة على الأسئلة التالية :

علاش هاذ المشروع مهم بزاف للعميل ديالك ؟

أشنو لي باغيه العميل ديالك منك بالضبط ؟
 فمثلا نفتارضوا أنك مصمم جرافيك ، فواش العميل ديالك باغيك تقوم بإنشاء شعار فقط ؟ أو أنه كيتوقعوا منك أنك تقدم ليه بعض النصائح الاحترافية على كيفية تحسين العلامة التجارية ديالك ؟
أشنو هو شكل التواصل لي غادي يبغي منك العميل ديالك ؟ واش غادي يبغيوا أنهم يطلعوا على التقدم ديالك في الخدمة ؟

الأدب

ملي كيتعلق الأمر بخدمة العملاء ، فالأدب و الود هما جوج حوايج مهمين بزاف ، فبصفتك مقدم الخدمات ، فأنت غادي تكون كتخدم مع بزاف ديال العملاء المختلفين ، و لي المعظم ديالهم هما من الأشخاص الودودين و المهنيين ، في حين أن البعض كيكون عندُ طبع مختلف و لي كيكون متشدد و لي خاصك حتى هما تعرف تتعامل معاهم . إلا كنتِ باغي تقدم أفضل خدمة للعملاء ، فخاصك تكون مهذب و محترف في كل موقف مع كل عميل . يقدر يكون هادشي صعيب خاصة في البداية ، و لكن هاذي مهارة غادي تولف عليها مع مرور الوقت .

الطريقة الوحيدة باش تقدم خدمة للعملاء ديالك بشكل مثالي هي الفهم ديال أشنو لي متوقع منك ، حاول تطلب من العملاء ديالك أنهم يعطيوك الرأي ديالهم فيما يلي :

- جودة العمل الذي قمتي به .

- المهارات و الخبرات لي عندك .

- طريقة التعاون ديالك معاهم .

- طريقة التواصل ديالك معاهم .

- الإقتراحات .

ما تخافش من أنك تتلقى ردود فعل سلبية ، فبصفتك مقدم خدمات ، خاصك تكون كتتقبل النقد الموضوعي بلطف و بتقدير ، خاصك تتعلم من الأخطاء ديالك باش تولي محترف أفضل في مجال العمل ديالك .

تقبل الأخطاء ديالك

حتى واحد ما كامل ، أي واحد كيخطىء ، و إلا اخطأتِ ، فهاذي ماشي نهاية العالم ، حاول ما تخفيش الأخطاء ديالك على العميل ديالك و العكس صحيح ، حاول تشرح بعبارات ديال أن الشخص العادي كيخطأ و شرح مزيان الخطأ و كيفاش ممكن تصلحُ .

ما تخليش العملاء ديالك يتسناوا  

حنا كنعيشوا في عصر الإشباع الفوري ، بحيث كلشي كيبغي يحصل على الحاجة فوريا ، هادشي علاش خاصك ديما تبقى تنفذ الطلبات الفورية ديال العملاء ديالك في الحين . إلا كنت ما باغيش تخيب آمال العملاء ديالك ، فخاصك ترد على الأسئلة ديالهم بسرعة ، كيفما أنه ممكن تحدد ساعات العمل لي غادي يمكن لك تجاوب فيها بسرعة على أي أسئلة أو استفسارات من العملاء ديالك.

بصفتك مقدم الخدمات ، فتقدر تخدم مع عملاء كيعيشوا في مناطق زمنية مختلفة ، الحاجة لي كتعني أنه يقدر يكون من الصعب عليك العثور على الوقت المناسب للتواصل ، لأنه حاجة باينة أنه إلا كنت خدام مع عميل خارج المغرب و لي الفرق الزمني بيناتكم مثلا 5 ساعات فأنت ما يمكنش تبقى فايق باش تجاوبوا ، هادشي علاش ، قبل ما دير العقد ، خاصك تناقش مع العملاء ديالك الوقت المحدد لي غادي تكون فيه متاح ، غادي يساعدك هادشي على تجنب سوء التفاهم و التحسين ديال رضا العملاء .

القواعد النحوية الضعيفة

كيتواصل معظم مقدمي الخدمات مع العملاء عبر الرسائل النصية ، الحاجة لي كتعني أن مهارات الكتابة عندها أهمية بالغة ، فإلا كنتِ كترتاكب أخطاء مطبعية و أخطاء في الكتابات ديالك أو كتكتب بسرعة باستعمال الكلمات المختصرة ، فهادشي غادي يخلي انطباع سلبي عند العملاء ديالك ، كيفما أن الجملة الصحيحة تقدر تؤدي لسوء الفهم . باش تتخلص من هاذ المشكل ديال القواعد النحوية ، تقدر تستخدم المدققات النحوية لي موجودة في الإنترنت .

ابقى على اتصال مع العملاء ديالك

إلا كان العميل كيتمتع بالخدمة معاك ، فمن المحتمل أنه يبغي يقوم بتوظيفك مرة أخرى ، غادي يكون غير يخصك تبقى تفكرهم براسك مرة مرة . بين الإهتمام الصادق ديالك اكتب رسالة للعميل ديالك من بعد شهر واحد من انتهاء المشروع ، كتسولوا فيها على واش النتائج المتوقعة تحققات ، بين ليه الخبرة الجديدة لي عندك ، فمثلا إلا كنت صايبتي ليه موقع الكتروني و زرتيه من بعد و لقيتي فيه بعض المشاكل الفنية ، يمكن لك تتوصال معاه و تشرح و تعطيه حل للمشكلة ديالُ . حاول تبقى لطيف مع العملاء ديالك ديما .

منصة مواهب كتقدم لك عدد من عروض العمل لي يمكن لك الإستفادة منها باش تقدر تبني و تحسن الخبرة ديالك في هاذ المجال .