الأشياء لي متعلقة بالحياة المهنية لي كيتعلمها معظم الناس حتى كيفوت الحال

الحياة المهنية هي عبارة على رحلة لي فيها المنعطفات و القمم و الوديان و جبال لتسلق و محيطات للاستكشاف . فينما كنتِ في الرحلة ، خاصك تبقى مستمر و هادشي بضبط لي كيخلي الحياة المهنية ديالك تكون رائعة ، لأنه أنت هو الكاتب الوحيد ديال الفصول ديال حياتك المهنية .

كاينين مجموعة ديال الأشياء لي عندها علاقة بالحياة المهنية و لي ما كيخبرك بيها حتى شي واحد ، حتى كتعلمها راسك من خلال التجارب ، فهاذ المقال غادي تلقى البعض منها :

1.عدم استعمال الخيال ديالك
من خلال: الإنفصال على الطفل الداخلي لي فيك ، عدم إظهار الإبداع ، حب الأشياء كيفما هي بدون إضافة أي تغيير.......

.الحلم ديالك هو شي خاصة بيك بوحدك 2
يقدر يكونوا بعض الناس لي مهتمين بيه معاك ، كيفما يكونوا البعض لي غادي يرافقوك في تحقيقُ . لكن في نهاية كل نهار ، حتى واحد ما كيهتم بحلمك بقدر الإهتمام ديالك ، إذن خاصك تركز عليه أكثر بلاصة ما تبقى مركز على شي حاجة أخرى .

3.ازدياد القدرات مع تقدم في العمر
مع تقدم الناس في العمر ديالهم ، فهما كيوليوا يميلوا لفكرة أنه القدرات ديالهم كينقصوا شوية بشوية ، في حين أنه في الواقع كيقدروا يديروا و يتعلموا أكثر لأن القدرة على اكتساب المزيد من المعرفة كتزاد .

4.العفوية هي المرادف ديال الإبداع
إلا كنتي الحاجة الوحيدة لي كدير هي أنك تبع نفس الروتين كل نهار ، فأنت مكتعطيش لراسك الوقت باش تنفاتح على الاكتشاف و التجريب ديال الحوايج الجديدة . واش كتفكر شحال كنتِ عفوي ملي كنتِ طفل ؟ علاش العفوية نقصات دابا و بالتالي أثرت على الإبداع ديالك لي كيبدا ينقص ؟

5.كترتابط الإمكانيات ديالك بشكل مباشر بكيفاش أنت مصالح مع راسك
الناس لي كيعرفوا راسهم مزيان و كيزيدوا من القوى ديالهم هما لي كيوصلوا لفين كيبغيوا . أما هادوك لي ما عارفينش راسهم مزيان و
كيتجنبوا العمل الشاق من خلال عدم الخروج من منطقة الراحة ديالهم ، كيبقاوا يعيشوا حياتهم بشكل افتراضي ، و بدون القدرة على صنع مستقبلهم الخاص بيهم .

6.نت هو الانعكاس ديال 5 الأشخاص لي كتقضي معاهم معظم الوقت ديالك
حتى واحد ما كيخلق راسُ براسُ ، حنا كاملين صور مرآة ، لي تصوبات من خلال الانعكاسات ديال الحوايج لي كنشوفوها في الآخرين . فحاول أنك تكون ديما حدا الناس لي باغي تكون فحالهم ، بحيث أنه مع مرور الوقت غادي يولي فيك هداكشي لي كتبغي فيهم .

7.خلي الهدف ديالك أنك تكون أنت
 أشنو هو معنى الحياة ؟
كن " أنت " ديما ، في أي حاجة كديرها . فأنت هو الصانع ديال راسك ، أنت الإبداع المتطور ديال راسك . فأنك تنضج كيعني أنك أنت هو النحات و الرسام ديال حياتك المهنية ، فحاول أنك ترسم راسك بالطريقة لي عارفها غادي توصلك للقدام .

إلا كنتي باغي تشوف مقالات أخرى على كيفاش تتعامل مع حياتك االمهنية و معلومات على العمل الحر ، يمكن لك تلقاهم موجودين في مدونة مواهب .