شكون هو مؤلف الإعلانات ؟ و كيفاش ممكن نولي مؤلف الإعلانات فعال ؟
المؤلفين ديال الإعلانات هما الأشخاص لي كيكونوا مسؤولين على زيادة المبيعات و توليد زبناء جداد و تحسين المكانة ديال العلامة التجارية ، المواهب ديالهم مطلوبة بزاف عند الشركات و المؤسسات باش يحقوا الأهداف المتنوعة و المحددة ديالهم .
كيقدم مؤلف الإعلانات الأفكار و المفاهيم الإبداعية من خلال مجموعة متنوعة من أشكال التأليف :
وصف المنتوج أو الخدمة-
Google و Facebookإعلانات عن المنتوجات أو الخدمات في منصات الأنترنيت مثل-
مقاطع فيديو توضيحية-
الإعلان من خلال البريد الإلكتروني-
دراسات لي كتسلط الضوء على فوائد المنتوج أو الخدمة المقدمة-
مقالات خاصة بالمدونة-
…….
بعض نصائح باش تولي مؤلف إعلانات فعال :
الإلتزام بالتقليل
خاصك تعرف أن متوسط فترة ديال انتباه ديال الزبناء اليوم هو أقصر بزاف من معدل الإهتمام ديال الزبناء قبل عشرين عام . فعند المحاولة ديال القراءة ديال شي حاجة لي في الإنترنيت ، بينات واحد الأبحاث أن الأمر ما كيستغرقش أكثر من 7 ثوانٍ لترك انطباع جيد . هادشي علاش ، خاص دائمًا تحاول تقلل من كمية المحتوى الخاص بك من خلال ذكر ما هو ضروري و هاكا غادي يكون عندك محتوى عالي الجودة و ملائم و جذاب .
لفت الإنتباه ديال القارئ
خلال إنتاج محتوى للقراء ديالك ، حاول أنك تنتجوا بنفس الطريقة لي كدير بها العرض التقديمي لزبون مهم ديالك ، أي أنه عندك غير شوية ديال الوقت باش تجذب الإنتباه ديالُ .
ففي أي بلاصة كيمشيوا ليها الناس ، فهما كيشاهدوا إعلانات ، و في كل مرة كيفتحوا شبكات التواصل الإجتماعي ، فكيلقاوا الإعلانات . هادشي علاش كيواجه كل مؤلف إعلانات تحدي لإقناع هاذ الناس باش يوليوا زبناء في أقل وقت ، فخاصُ يخلي الكتابة ديالُ كتؤثر بشكل مباشر على الجمهور المستهدف ، و يعرفوا و يحسوا أن المنتوج أو الخدمة المقدمة مناسبة ليهم .
بيْن المزايا بلاصة المواصفات التقنية
المستهلك العادي ما كيهتمش بالمواصفات التقنية أو وظائف المنتوج ، و لكن كيهتم فقط بباش غادي يفيدوا المنتوج لي كتقدم . خاص دائمًا تبدأ بإعطاء القراء فكرة جيدة علي كيفاش ممكن هاذ المنتوج يغير الحياة ديالهم من خلال مجموعة الفوائد ديالُ . فبمجرد إقناعُ، يمكن لك هاديك الساعة تقدم ليه المواصفات التقنية إلا كان مهتم .
دير الأبحاث ديالك
المؤلفين ديال الإعلانات المزيانين كتكون عندهم رغبة في تعلم مجموعة واسعة من الموضوعات من مواد البناء و الهندسة و البيئة إلى الأحذية و الطب ، و القائمة طويلة .
فإلا كان عندك موضوع مهم و باغي تروج ليه ، فحاول دير عملية بحث شاملة عليه قبل ما تبدا في الكتابة . فهادشي غادي يخليك توصل الفكرة أو الرسالة بطريقة واضحة و أكثر دقة .
بسط الكتابات ديالك
إلا كنتي كتكتب مثلا لمشروع مالي أو تقني ، فحاجة باينة أنك تكون عارف معاني الكلمات التقنية لي كتستخدم . و لكن مؤلفين الإعلانات المحترفين كيحاولوا ما يستعملوش الكلمات لي خاصة بهاذ المجالات ، فهما كيختاروا الكلمات البسيطة لي تنقل رسالتهم بطريقة واضحة .
كيفما كان مجال كتابة الإعلانات ديالك ، فمنصة مواهب غادي تقدم ليك مجموعة واسعة من العملاء لي مهتمين باكتشاف المهارات ديالك و بالتالي العمل معاك .
