نصائح للتواصل الفعال مع العملاء في العمل الحر

إلا كنتي خدام في العمل الحر ، فكاين بعض القواعد الأساسية لي خاصك اتبعها باش يمكن لك تحقق تواصل فعال عبر الإنترنت . فبمعنى آخر ، كايتعتابر التواصل من أهم المهارات لي خاص يتم إتقانها ، بحيث أن هادشي كيمنح لمقدمي الخدمات ميزة تنافسية كبيرة في سوق العمل الحر . فحتى إلا كنتي عارف راسك أنك مزيان فداكشي لي كتقدم ، فإلا كنتي ما كتعرفش كيفاش تتواصل مزيان ، فأنت كتخاطر بفقدان الفرص ديال العمل .

1.استعمل اللغة المناسبة
تقدر خلال الدردشة مع الأصدقاء ديالك تختاصر الكلمات أو تجاهل استعمالها تماما ، فهاذ  اللغة حاول ما تستعملهاش في علاقات العمل مع العملاء ديالك . في حين أنه في بعض المرات و اعتمادًا على طول مدة أو نوع علاقة العمل لي عندك مع العميل ديالك ، تقدر نبرة ديال الهدرة تولي ودية أكثر من ما تكون رسمية . و لكن ديما دير فبالك بلي الإختصارات ديال الدردشة كتبقى غير مناسبة إطلاقا .

الرد في الوقت المناسب.2
إلا ارسل لك شي واحد من العملاء ديالك رسالة في البريد الإلكتروني فيها معلومات أو أسئلة و طلبات باش دير شي تغييرات ، فحاول تاخذ وقتك ، ما تردش هاذيك الساعة ملي تشوف البريد الإلكتروني ديالهم ، لأنه يمكن يخلق التواصل اللحظي توقع عند العميل و تولي عندهم الفكرة بأنك ديما كاين و أنك كتجاوب ديما فهاذيك الساعة ، و بالتالي إلا تأخرتي شي مرة و جاوبتي من مُرا بعض الساعات فغادين يحسوا أنك كتعطل عمدا .
أما إلا ما تمكنتيش أنك تجاوب على البريد الإلكتروني خلال 24 ساعة لأنه هداكشي المطلوب منك كيتطلب وقت ، فحاول ترسل ليهم بريد إلكتروني كتؤكد فيه أنه وصلاتك الرسالة ديالهم و أنه خاصك الوقت ، و اقتارح عليهم التاريخ لي يمكن لك ترسل فيه الحوايج المطلوبة منك . و بهاذ الطريقة ، غادي تبين أولا ، السلوك المهني ديالك ، و ثانيًا ، غادي تخلي العميل ديالك يقاد الوقت و الجدول الزمني ديالُ على حساب الجدول الزمني ديالك .

3.ما تخليش التواصل يحبطك
سواء كان بسبب العائق ديال اللغة أو ضعف ديال المهارات التواصل اللفظي ، فالضعف ديال التواصل ماشي شي حاجة لي محبطة ، خاصة في البداية ديال علاقة العمل ملي كيكون مقدم الخدمات و العميل باقي ما ولفوش على نمط العمل أو السلوك أو طرق العمل ديال كل واحد . حاول تشرح وجهة النظر ديالك بعبارات أخرى و بالإستعانة بالأمثلة . إلا حسيتي بلي أن العميل ديالك كيواجه صعوبة في أنه يوصل لفكرة ديالُ بشكل فعال ، فطلب منُ يشرح لك هداكشي لي كيجيك غير واضح .

4.احتافظ ديما بتأكيد خطي
إلا كنتي كتاصل مع العملاء ديالك عن طريق مكالمة ، على بعض التغييرات أو الإقتراحات لي خاصة بالمشروع و لي الهدف ديالها كيكون التحسين من العمل ، فحاول من بعد انتهاء المكالمة تقوم بتلخيص لداكشي لي تافقتوا عليه في المكالمة و ترسلوا للعميل ديالك باش يأكدوا لك . لأنه إلا ما درتيش هاكا يمكن تواجه مشكلة في المستقبل ، لأنه التواصل اللفظي ما كيخليش دليل مكتوب ، خاصة و أن الناس كيميلوا للنسيان مع مرور الوقت .

5.كن ديما صريح و اطرح الأسئلة إلا كانت شي حاجة غير واضحة
أفضل مصدر للمعلومات و التفاصيل الإضافية هو العميل . فمن المهم أنه تطرح أسئلة و تطلب المزيد من الوضوح في المقابلة أو ملي تبدا العمل . لأن هاذي هي الطريقة الوحيدة لي عند مقدمي الخدمات باش ينجزوا الخدمة بالجودة و الزمن لي تافقوا عليهم .

إلا كنتي كتقلب على فرص ديال الخدمة في العمل الحر ، فمواهب كتقدم لك مجموعة واسعة من فرص العمل لي يمكن لك تمارسها على حساب الخبرة لي عندك .