أخطاء التقديم لوظائف في العمل الحر
كيرتكب معظم مقدمي الخدمات بزاف ديال الأخطاء مع العملاء ملي كيقدموا طلب عمل لشي وظيفة و غالبًا ما كيتسائلوا على سبب عدم تمكنهم من أنهم يلقاوا خدمة في العمل الحر . حتى أن البعض منهم كيستسلم بسهولة بعدما كيواجه فشل من مرا فشل .
إلا واجهتِ فحال هاذ المشكلة في حياتك المهنية في العمل الحر ، فراه جا الوقت باش تحبس و تسول راسك ، هاذ السؤال " أشنو الخطأ لي كندير ؟ "
هاذي بعض أكثر الأخطاء شيوعًا لي كيديروها مقدمي الخدمات و بعض النصائح على كيفاش تتجنبها
الدفع للوظائف لي ما كيتناسبش مع المهارات ديالك
أشنو الفائدة من أنك تبقى تحاول تحصل على وظيفة ما كتتناسبش مع المهارات ديالك ، فإلا ما قدمتيش العمل مزيان ، فيمكن العملاء ديالك يخليوا تعليقات غير مناسبة على الحساب ديالك . فما تتقدمش لشي وظيفة إلا كنتي مامتأكدش من القدرات ديالك لتلبية توقعات العميل ديالك .
إرسال عرض عمل غير مناسب
عرض العمل إلا كان كيحتوي على بزاف ديال الأخطاء الإملائية أو النحوية فمن المرجح أنه ما يحصلش على الإهتمام ديال العملاء. خذ الوقت الكافي باش تنشئ عرض لي يكون مثير للاهتمام و فريد من نوع و لي يكون عندُ علاقة بالوصف ديال الوظيفة .
استخدام نموذج ديال عرض عمل عام
ماشي مشكل إلا استخدمتي نموذج من اقتراحات عروض العمل ، و لكن خاصُ يكون كيتناسب مع كل عرض عمل مقترح و لي تستعمل فيه الكلمات المفاتيح لي كاينين في العرض ديال صاحب المشروع ، باش تجنب أنك تعطيه انطباع سيء عليك . لأنه ما خاصكش تقدم عروض من غير ما تعطي اهتمام للمتطلبات المحددة ديال كل وظيفة ، داكشي علاش حاول تضيف بعض التفاصيل لعرضك و بين من خلالهم الخبرة لي عندك .
التفكير بأقل عرض سعر للحصول على الوظيفة
الأغلبية ديال أصحاب المشاريع أو العملاء كيدركوا أن مقدم الخدمات لي عندُ أقل عرض ديال السعر فماشي بالضرورة أنه يكون الأفضل و لي ممكن يتعيين . فحاول تعطي اقتراح سعر لي يكون كيجذب أصحاب العمل باش يوظفوك حتى إلا ما كانش اقتراحك هو الأدنى .
الإحباط قبل البداية
المثابرة هي واحدة من أهم سمات ديال مقدمي الخدمات . تقدر تستغرق البداية في العمل الحر بضعة أسابيع أو حتى أشهر باش تبدا فعمل مناسب . بقى ديما تشوف العروض الجديدة ، و استمر في تقديم طلبات العمل و حسن المهارات ديالك في تقديم لعروض العمل.
عدم القدرة على الرفض
يقدر يكون صعيب ترفض الإقتراحات ، خاصة في البداية ، لكن في بعض الأحيان كيكون من الأحسن أنك ترفض . ميمكنش تولي مقدم خدمات و أنت كتخدم في مشاريع لي ما باغيهاش و بأسعار غير مناسبة . تعلم تقول " لا " للعملاء في وقت مبكر من الحياة المهنية ديالك في العمل الحر ، إلا كنتي باغي تبني مسار مهني ناجح . فما تقللش من القيمة ديال الخدمات ديالك .
إلا كنتي كتقلب على فرص ديال الخدمة في العمل الحر ، فمواهب كتقدم لك مجموعة واسعة من فرص العمل لي يمكن لك تمارسها على حساب الخبرة لي عندك .
