نصائح بسيطة لمقابلة عمل ناجحة

بالنسبة للناس لي خدامين في العمل الحر ، كيتطلب منهم الحصول على مهمة جديدة أو خدمة أو مشروع : مقابلة عمل ، بحيث أن كل مقابلة خاصها إعداد جيد و إتباع بعض القواعد المهمة باش يسير كل شيء بسلاسة قدر الإمكان . سنستعرض واحد العدد ديال النقاط الأساسية و البسيطة لي يجب احترامها للنجاح في مقابلة عمل .

اعرف بعض المعلومات عن العمل أو المشغل أو الشركة لي باغي تخدم معاه  

باش دوز مقابلة في العمل الحر و لي ما كتختالفش بزاف على مقابلات العمل العادية ، ففالأول خاصك تتعرف على الشركة أو المشغل لي غتخدم معاه ( إلا كانت المعلومات متاحة ) لأن هادشي غادي يعونك باش تفهم و تتعرف على بزاف ديال الحوايج لي غادي يكون عندهم دور خلال المقابلة . و الحوايج لي خاصك تعرف بسيطة فحال مجال العمل و الأنشطة ديال المشغل أو الشركة لأن هادشي غيخليهم إعرفوا أنك مهتم بالعمل معاهم و يعرفوا بأن الشركة من مجال إهتمامك و بالتالي يكون الإندماج ساهل ، كيفما أنه خاصك تكون مقتانع باش تكون قادر على الإقناع .

لي ممكن تطرح عليك  توقع كيفية الأسئلة 

قبل أي مقابلة ، خاصك تتوقع الأسئلة لي ممكن يطرحها عليك المحاور سواء المشغل الأساسي أو الممثل ديالُ ، لأن إعداد الإجابات غادي يساعدك على أنه تكون أقل توتراً وأنك تكون مستعد بشكل أفضل أثناء المقابلة ، و لكن من الناحية المنطقية صعيب تتوقع الأسئلة بنسبة 100٪ ، لكن كيفما كان الحال فالإجابات لي غتكون وجدتي غادي تمنحك فكرة على كيفاش ممكن تقوم بإدارة محتوى المقابلة ، بحيث أنه يكفيك أنك تعدل إجاباتك بناءً على الأسئلة المطروحة . كاينين مجموعة من الأدوات لي ممكن تساعدك و تعطيك فكرة على الأسئلة المحتملة للمقابلة و كذلك الإجابات بناءا على تجارب حقيقية لمترشحين سابقين في مختلف المجالات ، لأنه لكل وظيفة كيختالف نوع الأسئلة المطروحة فيها ، هاذ الأدوات عبارة عن تطبيقات أو مواقع إلكترونية . 

قراءة نص العرض مزيان 

قراءة نص عرض العمل قبل المقابلة بتمعن ، هي حاجة مهمة غادي تساعدك لأنك تنتابه لإحتياجات المشغل ، و أيخليك تكون مهتم بالمشروع لي باغي تخدم عليه ، لأنه غالبا ما الشخص لي غادي يدوز لك المقابلة أيكونوا عندُ أسئلة حول نص العرض باش يعرف واش أنت على دراية و هكا غادي تقدر تبين إهتمامك . 

قدم راسك بشكل جيد

هاذ النقطة حتا هي مهمة بالنسبة لمقابلة عمل ، فخاص يكون عندك عرض تقديمي عن راسك لي مدرب عليه و يكون رزين ، و أهم حاجة يكون كيتوافق مع القطاع لي تتقدم للعمل فيه و يكون كيتوافق مع شخصيتك و تحاول تبين الجدية ديالك و رغبتك في الإندماج.

كن دقيق

خلال المقابلة يجب أن تكون دقيق و تحاول تتجنب الجمل غير الضرورية ، لأنه تقدر تضيع في الكلمات ، يكفي أنك تتكلم على راسك والخبرة لي عندك و تخلي الطرف الأخر هو لي يطرح عليك الأسئلة ، أهم حاجة هو أنك تخلي التبادل بيناتكم يكون بنّاء . 

بقا محترف قدر الإمكان

خلال المقابلة يمكن يكونوا شي حوايج ما كتسيرش مزيان أو وقعوا شي عراقيل ما كتكونش مخطط ليهم ، فميهمكش ، الحاجة المهمة هو أنك تبقا محترف قدر الإمكان ، و تفكر في بدائل معينة أو طرق استجابة ميكونش عندها تأثير على المقابلة .