العمل الحر عبر الأنترنت

فظل الظروف الحالية، تبدل المفهوم ديال العمل التقليدي وكلشي ولا تيحاول يصيب عمل من الدارو كيفاش يحول موهبتو لعمل مربح عبر الأنترنت. اليوم غادي نجاوبو على التساؤلات ديالكم : شنو هوا العمل الحر عبر الأنترنت ؟ شنو المتطلبات دياولو ؟ وشنو المجالات اللي يمكنلك تخدم فيها عن بعد ؟

  العمل الحر عبر الأنترنت أو الفريلانس هو نمط عمل مغاير تماما للوظيفة التقليدية اللي تنعرفو. العمل عبر الأنترنت هو طريقة لتقديم الخدمات دياولك بمقابل مادي بلا قيود ولا تعاقدات على المدى البعيد. بهاد طريقة تيقوم صاحب العمل بصياغة العمل ديالو و إرسالو على منصة العمل الحر عبر الأنترنت وتيتوصل بالمبلغ المتفق عليه فور تسليم العمل

المتطلبات

طور المهارات دياولك و مارسها باحترافية -

دير مجهودات باش تطور و تصقل المهارات دياولك و انتقل من هاوي لمحترف. مثلا إلا كان الطبخ هوايتك، حاول تتقنها أكثر، جرب تطبخ أكلات جديدة، ولا تجمع بين نكهات مختالفة وغير مألوفة، حاول تشارك فندورات خاصة بالطبخ، تعرف على محترفين فالمجال و تعلم من الخبرات ديالهم، قرا على التجارب ديال ناس اللي اليوم كايتعتابرو محترفين فالمجال و ستافد من أخطاءهم و التعثرات ديالهم

دخل لمواقع التواصل الإجتماعي و شارك فصفحات خاصة بالمجال ديالك، تعرف على ناس عندهم مستويات مختلفة من الخبرة فالمجال. هكدا غادي يتزاد الرصيد ديال المعلومات ديالك بخصوص المجال و غادي تحتارفو. و نفس الشي بنسبة لأي موهبة عندك، يمكنلك طورها و يجيك منها مدخول إضافي

وفر لراسك مكان أو وسائل العمل -

قبل ما تفكر توظف أي موهبة عندك، و تستغلها باش تكسب مدخول زايد، وفر لراسك جميع وسائل العمل اللي غادي يخصوك.

بعد ما غادي تكون درتي بحوث و سقلتي مهاراتك فالمجال اللي بغيتي تخدم فيه. خاصك تأكد بلي عندك جميع الوسائل اللي غادي تحتاج باش توفرالخدمات دياولك على أكمل وجه. كل مجال و الإحتياجات دياولو، تشاور مع ناس اللي عندهم خبرة فالمجال و طلب منهم نصائح بخصوص توفير الإحتياجات دياولك على حسب قدراتك

وجد ملف العمل ديالك –

يمكنلك  تعتبر تجهيز ملف العمل ديالك أهم مرحلة، و من الأحسن أنك تعطيها الوقت الكافي و تريث فيها. لأنه غادي يكون الواجهة اللي بناء ا عليها غادي يقرروا العملاء أنهم يكلفوك بالمهمات ديالهم أو لا

وجدو بعناية كبيرة و قدم فيه نمادج على الأعمال دياولك. إلا مكنوش عندك أعمال سابقة ماشي مشكل، صوب أعمال جديدة و قدمها فملف العمل ديالك، غادي تكون فرصة تبين العملاء قدراتك فاش مكتكونش مقيد بتعليمات محددة

متنساش تشرح طريقة العمل ديالك بالتفصيل و تطمئن العملاء من ناحية الإحترافية ديالك. زيادة على ذلك هاد الطريقة كتخليك تخلق علاقة بينك و بين العملاء دياولك. و أخيرا من ناحية الديزين، خلي الملف يبان بسيط و القراءة ديالو تكون سهلة على العيون، الصور يكونو واضحين و ساهل التحميل ديالهم

حدد أسعار الخدمات دياولك –

 أنك تحدد السعر ديال الخدمات دياولك أمر صعيب، شنو ما كان مستوى الخبرة ديالك كاين دائما ٱحتمال أنك تقتارح سعر مرتافع و تفقد فرص عمل ولا يكون قليل و تضيع الوقت فعمل كان من الممكن تكسب منو مبالغ أكبر. داكشي علاش هاد المرحلة محتاجة دراسة مسبقة باش تقدر تحدد السعر المناسب اللي يخليك تحافظ على خدمتك و ترضي عملاءك و تحقق أكبر إستفادة من خدمتك

سعر ديال الخدمات كيعتمد على بزاف ديال العوامل منهم؛ مستوى الخبرة ديالك، طبيعة العمل، اللي بناء ا عليهم غادي تحدد أولا واش غادي تحدد سعرعام لكل مهمة أو سعر لكل ساعة عمل. ونتا كتحدد السعر متنساش تاخد بعين الإعتبار بعض النفقات مثل

تراخيص البرمجيات ،

ميزانيتك التسويقية ،

التجديد المنتظم للأجهزة المتصلة (الهواتف المحمولة وأجهزة الكمبيوتر) ،

خططك واشتراكاتك المختلفة ،

اشتراكك في مساحة عمل مشتركة ، 

قدم الخدمات دياولك على المنصة وخدم مع عملاء من مختلف المجالات –

على منصة العمل متعددة المجالات يمكنلك تخدم مع عملاء من عدة ميادين، كل ماعليك تسجّل و تقدم خدماتك. موقع مواهب المغربي كيتميز بالدقة فتسليم المهام، و الجودة اللي كضمن رضا العملاء دياولك، و كتمنحك إمكانية تقييم عروض العملاء، كيفما كتوفر قنوات تواصل خاصة و آمنة و طرق دفع آمنة وملائمة لكل فرد

المجالات

على مواهب ، ماكاينش حدود للخدمات اللي يمكنلك تقدم. من البرمجة و التطوير، لصناعة المحتوى البصري، التصميم الغرافيكي، التسويق اولا حتى تنقل المعرفة ديالك و تقدم خدمة تعليم عن بعد فالمجال اللي تتحتارف.