العمل الحر عبر مناطق زمنية مختلفة ؟ نصائح على طرق إدارة الزبناء ديالك بشكل فعال

كاين بزاف ديال الخدمات في العمل الحر لي كتكون ما بين مقدمي الخدمات و الزبناء أو الشركات و لكن في مناطق زمنية مختلفة . يقدر يكون تنسيق مواعيد إعادة العمل ، و الحضور ديال الجميع في وقت واحد على قبل اجتماع ، أو غير الاتصال بشخص ، حوايج صعاب إلا ما كنتوش كا تنتاميوا لنفس المنطقة الزمنية ، الحاجة لي كتشكل عائق .فالخدمة مع زبناء في مناطق زمنية مختلفة يقدر يكون حاجة صعيبة و مزيانة في نفس الوقت ، فمثلا ، لأنه إلا كنتي كتبدا الخدمة في وقت لي سابق للوقت ديال الطرف الأخر لي كتخدم معاه بساعات قليلة ، فيمكن لك تستمتع بـ " وقت السكون " لي كتكون فيه غير أنت لي كاين ، و لي فيه غادي تتمكن من القيام بأعمال أكثر و تكمل الأعمال المطلوبة منك قبل ما يحضر الزبون ديالك .

فالعمل مع زبناء من جميع أنحاء العالم يمكن يشكل لك تحدي ، و لكن يمكن لك تواجهوا . هاذي بعض النصائح و الأدوات لإدارة الزبناء العالميين بفعالية :

إنشاء قواعد خاصة بالمناطق الزمنية
القاعدة الأولى هي أنه خاصك تكون واضح بشأن شنو خاصك دير و إمتى و شحال غادي يكون الوقت عند الزبون ديالك . كاين بزاف ديال الأدوات لي مزيانة و لي يمكن ليها تساعدك في أنك تعرف الوقت ديال الزبناء ديالك ، حتى الهاتف الذكي يقدر يساعدك في أنك تعرض الوقت في مناطق زمنية لي مختالفة ، الحاجة لي غادي تسهل عليك جدولة الاجتماعات في مناطق زمنية مختلفة .

تواصل بشكل واضح و منسق
التواصل هو مفتاح أي علاقة مزيانة مع الزبناء ، و لكن عندُ تأثير أكبر ملي كيكون خاصك تقوم بتخطيط مع بزاف ديال المناطق الزمنية . فكتعتابر أدوات التواصل عبر الإنترنت ، فحال التطبيقات ، من الحوايج الضرورية لأنه ما غاديش تكون محتاج أنك تكون متصل بالإنترنت في نفس الوقت باش تطرح الأسئلة و تسنى الإجابة عليها، لأنه يمكن لك بكل سهولة تخلي التساؤل ديالك حتى يحضر الزبون ديالك و يجاوبك ، و من بعد يمكن لك تشوف الرسائل و سلسلة المحادثات لي ما حضرتيش ليها ، و تاخد المعلومة لي خاصاك .

الجدولة ديال الاجتماعات
 لي غادي يساعدك في جدولة الإجتماعاتGoogle Agendaحاول تقاد في الأول الجدول الزمني الخاص بك ، يمكن لك تستاعن ب

ما بين المناطق الزمنية المختالفة ، من خلال عرض الإجتماعات لي عندك أنت و الزبون ديالك بالتوقيت المحلي ديالك و ديالهم ، بحيث أنك ما غاديش تحتاج أنك تحسب فرق التوقيت .

كن واضح في وضع التوقعات
كونك متجاوب مع أي تساؤل أو تدخل جديد كتوصل بيه فمزيان ، لأنه هو الدعامة الأساسية في الحياة العملية ديال أي شخص خدام في العمل الحر ، و لكن أنت ما يمكنش لك تكون حاضر في أي وقت ، و نفس الوقت ما باغيش تخيب أمال زبنائك ، هادشي علاش خاصك تحط التوقعات من الأول .

فكن ديما صريح مع الزبناء ديالك بشأن الفرق الزمني لي بيناتكم و علمهم إمتى يمكن لك تجاوبهم على رسائل البريد الإلكتروني و المكالمات الهاتفية . فمعظم الزبناء ديالك غادي يحتارموا الحدود ديالك و يحتارموا الفرق الزمني لي بيناتكم .

نظم نهارك
ملي تكون خدام مع زبناء في مناطق زمنية لي مختالفة ، فخاصك تنظم نهارك بشكل مختلف نوعا ما . فهادشي مهم خاصة إلا كانوا عندك ساعات قليلة في التداخل ما بين ساعات ديال الاستيقاظ ديالك و ساعات العمل ديالك مع الطرف الأخر .

منصة مواهب غادي تساعدك أنك تلقى عدد كبير ديال الزبناء لي مستاعدين يخدموا معاك باش تقدم ليهم الخدمات الإحترافية ديالك .