التدريب على الكتابة يمكن يخليك تمتاهن التأليف الكتابي
الكتابة الحرة أو التدريب على الكتابة كيعني الكتابة في موضوع أو في فكرة معينة . هو نوع ديال الكتابة التعبيرية لي يمكن يقوم بيها أي كاتب أو شخص ما عندوش الخبرة في الكتابة و باغي تعلم و يحسن مستوى فن الكتابة ديالُ .
في الواقع ، إلا كنتي باغي تبدا العمل ككاتب (ويب ، في المدونات ، للإعلانات ، في تحسين محركات البحث ، في مجلات ...) ، فتمرين التدريب على الكتابة غادي يساعدك فعليا على إنتاج محتوى متعدد الأبعاد
هاذي بعض النصائح لي غادي تعاونك و توجهك باش تقدر دير كتابة حرة جيدة .
1.حاول تكتاشف الحوايج لي خارج المحيط ديالك
ما خاصش التدريب على الكتابة يكون محدود على أنك تبقى النهار كامل قدام الحاسوب ديالك أو دفتر التحرير ديالك . لأنه ملي كا تكون خدام على شي مشروع ، كاين بزاف ديال الجوانب في حياتك لي ممكن يكونوا مصدر الإلهام ليك ، باش تحقق هادشي ، خاصك دير رابط ما بين داكشي لي كتبغي تكتب عليه و الحوايج لي فالمحيط ديالك و متعلقة بموضوع الكتابة .
مثلا إلا كنتي مهتم بالكتابة في ميدان المبيعات / التسويق :
فيمكن لك تراقب و تشوف كيفاش الشركات الأخرى كتقوم بتسويق للعمل ديالها و حاول تقرا أوصاف المنتجات و الخدمات لي كاتبينها كتاب آخرين .
2.خلي يديك دائما محركة
حاول ما ترفعش الأصابع ديالك عن لوحة المفاتيح أو توضع القلم ديالك ، لأنك باغي تتحقق من رسائل البريد الإلكتروني أو تشوف الجديد على وسائل التواصل الاجتماعي.
لأن الكتابة فحال التأمل ، خاصك تبقى ديما حاضر و ما تتركهاش و ضيعها . فالتدريب على الكتابة غادي يخلي عقلك يحس بواحد الحرية و يخليك تخرج شي حوايج منك لي ممكن ما كنتيش عارفهم كاينين عندك.
3.عطي لمصحح يقرا كتاباتك
كيتمثلوا الدور و المهمة ديال المصحح في تحديد النص الغير واضح و تصحيحُ . لأن دائما الكاتب كا يظن أن الجمل لي كاتب منطقية بالنسبة ليه و لكن هادشي ما كيعنيش أنها منطقية للقارئين .
هادشي علاش خاص خلال ممارسة التدريب على الكتابة و تكون كتقوم بترجمة الأفكار الغامضة لي فعقلك في مسودة ، فالإعادة ديال القراءة من طرف مصحح غادي تساعدك على تحسين داكشي لي كاتكتب و كذلك تخليك تعطي كتابات بجودة أحسن .
- تطوير مستوى التعاطف
من خلال التدريب على الكتابة ، غادي تولي تكتاشف وجهات نظر مختلفة . يعني أنه ملي غادي تكون كاتكتب ، فطبيعة الحال غادي تكون كتفكر فراسك و دير راسك بلاصة الآخرين و الأفكار ديالهم و وجهات النظر ديالهم ........ من خلال هاذ العملية ، غادي طور التعاطف مع مواقف الآخرين ، الحاجة لي غادي تساعدك على أنه يولي عندك التركيز باش تقدم خدمة أحسن للقارئين بشكل أفضل .
- كيفاش يكون التدريب جيد
- حاول تسد جميع التطبيقات لي على جهاز الكمبيوتر ديالك أو الهاتف ديالك و حاول دير منبه لمدة 30 إلى 60 دقيقة
- اختار موضوع
- اكتب ما بين 1000 إلى 2000 كلمة باش تدرب مزيان
- حاول تستخرج أجزاء من الكتابة ديالك و استعملها كأفكار للمقالات ديالك
تقدر ملي تسالي حصص التدريب على الكتابة تلقى راسك كتبتي شي حوايج لا علاقة بموضوع البداية .
فالأول غادي يجيك التدريب على الكتابة حاجة صعيبة ، وهاذي حاجة طبيعية ، لأن الكتاب الجداد غالبًا ما كا يحاولوا يهتموا بعدد الكلمات و أن الجمل تكون مثالية ... و لكن واخا هاذ الصعوبة ، فهاذ التدريب على الكتابة هي مهارة يمكن لك ديرها ، و تطورها مع الوقت فخاصك غير تحط راسك قدام صفحة فارغة و تخلي يديك يكتبوا .
كيفما كان نوع الكاتب لي باغي توليه ، فمنصة مواهب غادي تساعدك باش تولي عندك مهنة كاتب و تخليك تكتاشف و تجاوز العوائق ديالك .
