كيفاش تبني علاقة ثقة مع صاحب العمل المستقل وتحافظ عليها

صادفتي في الماضي موظفين مستقلين  ضيعوا لك وقتك وفلوسك. لقيتي دبا الجوهرة الي غتخدم معاك مزيان و الي غتلبي احتياجاتك ،  وبغيتي تعرف كيفاش تحافظ عليها. راك وصلتي المكان الصحيح ، غنقدمو لك في هذ المقالة نصائح غتساعدك على بناء علاقة ثقة مع صاحب العمل المستقل والحفاظ عليه

• أعطيه مهام منتظمة

العملاء المستقلون المزيانين قلال ، فاش كتلقى شي واحد ، خاصك تحافظ عليه وتكلفو بالمهام بانتظام

 و بهذ الطريقة ، غيشعر أنه مفيد ومغديش ابحت على زبون أكثر ديناميكية منك. إلا كنتي ماقدرش تعطيه خدمة منتظمة ،إعطيه تقدير لتاريخ المهام الجاية . غادي اكون مرتاح وغايديرك  في جدول أعمالو

• قدم ليه مهام اكثرأهمية

تقدم ليه المهام مزيان ، ولكن من الأفضل قدم ليه مهام اكثرأهمية فالعمل ديالك ،  الى كنتي كترغب في تعزيز علاقة الثقة بينكم. فاش غتكلفو بزاف ديال المسؤوليات غيساعد الموظف المستقل الي معاك باش اعطي كل ما عندو في المهام المختلفة اليكتقدم ليه  وغيكون هدشي أكثر فائدة لنشاطك.

• وصي به زملائك والناس معامن كتخدم

الى  فتحتي ليه الشبكة الخاصة ديالك ،غادي تسمح ليه بتوسيع مجال عمل ديالو وهدشي غيكون ليه تأثير في تعزيز علاقة الثقة الي ربما تكون موجودة بالفعل بينكم. داكشى علاش خاصك تخبر زملائك أو الناس معامن كتخدم أو أصدقائك عليه والتوصي به على وسائل التواصل الاجتماعي. غادي يكتسب المعارف بسبابك ، ولكن تأكد من أنها لصالحك

• تابعو على الشبكات الاجتماعية

بينما تتابع المستقل الخاص بك على وسائل التواصل الاجتماعي ،غتلقى بلا شك أن عندو بعض المحتويات الشيقة  المفيدة. فاش كيعرف بلي نتا  مهتم بداكشي الي كيدير على وسائل التواصل الاجتماعي ، غيشعر بالتقدير ويقرب منك. غادي اخدم اكثر باش  انتج محتوى بجودة أفضل و ارضيك أكثر ،  واللي غايخلي علاقتك أفضل..

فاش كتقدر خدمتو وكيشعر أنه تعطاه المزيد من المسؤولية ، غيصبح العامل المستقل الخاص بك أكثر انخراط وهدشي غايخليه اوفرلك وقت اكثر  لعمل. داكشي علاش خاصك ما تغفلش على النصائح الي فالمقالة ، لأن كل واحدة منها غتقربك من هدفك الرئيسي في الحفاظ على عملك المستقل..