نوعية الأسئلة لي ممكن نطرحها على مقدم خدمات قبل توظيفه
توظيف موظف في العمل الحر كيطلب دائمًا مقابلة مسبقة للتأكد من أنه هذا هو الشخص المناسب لي ممكن العمل معاه ، وأنه كيلبي توقعات المشغل وأنه قادر كذلك على تحقيق أهداف المشروع . فأشناهوما الأسئلة الرئيسية لي ممكن يتم طرحها خلال مقابلة عمل من طرف المشغل ؟
واش سبق لك أنك خدمت على مشروع مماثل ؟
هاذ السؤال غادي يتيح لك معرفة ما إذا كان مقدم الخدمات لي كطمح تخدم معاه أنه عندُ خبرة بالفعل في مشروع مماثل و يعطيك تفاصيل أكثر ، فإذا كان الأمر كذلك ، فغادي تتمكن من فهم طريقته في إنجاز المشروع لي كتقتارح والنتيجة النهائية لي غادي يقدمها لك . و في حالة ما معندوش خبرة فيمكنك لك تختابر الدوافع و الرغبة لي عندُ في إنجاز العمل .
شكون هما العملاء لي خدمتي معاهم من قبل ؟
هاذ السؤال غادي ساعدك تعرف كمية الخبرة لي عندُ ، و كذلك واش فايت ليه خدم مع أصحاب الأعمال الحرة ، أوالشركات الصغيرة جدًا ، أو الشركات الصغيرة و المتوسطة ، أوالمجموعات الكبيرة الموجود مواقع العمل الحر ؟ و كذلك واش سبق ليه أنه خدم في مجال مشابه لمجال عملك ؟ من هنا غادي تعرف ما إلا كان معتاد على العمل مع شركات مثل شركتك . وبالتالي كتضمن تعيين شخص محترف ومختص .
أشناهي الخدمات المدرجة في السعر الخاص بك أو أشنو ممكن تقدم بهاذ السعر زيادة على الخدمة الأساسية ؟
الدور ديال هاذ السؤال هو مقارنة العروض المختلفة لي غادي تجيك من طرف مقدمي خدمات أخرين لي تقدموا للعمل معاك ، هادشي علاش خاصك تعرف بالضبط أشنو أيقدم لك كإضافة على الخدمة الأساسية مقابل هذاك السعر المعين المقترح ، الإجابة على هاذ السؤال غادي تسهل عليك إتخاد القرار المناسب .
أشنو ممكن تقوم بيه لإنجاز هاذ العمل ؟
سؤال كيتطرح غالبًا في مقابلات العمل العادية ، ولكنه كيظل صالح و فعال أيضًا للموظفين في العمل الحر ، و الرد عليه يجب أن يكون مفصل و يقنعك و يبين لك أنك تقدر دير الثقة في مقدم الخدمة و أنه يساعدك في تحقيق أهدافك الرئيسية لإنجاز العمل ديالك .
أشناهي المهلات الزمنية الخاصة بك ؟
ملي كتبدا المشروع ديالك ، كانين بزاف ديال الحوايج لي يجب التعامل معها في نفس الوقت ، فأنت كصاحب مشروع من الضروري أنك تبذل قصارى جهدك للوفاء بالمواعيد النهائية مع أطراف أخرين سواء شركاء في المشروع أو المستفدين منُ و كيتسناوا منك خدمة ، هادشي علاش خاصك تعرف مدى توفر الموظف و إمتا إقدر إبدا العمل و إمتا يسالي ، خاصة أن العمل أو الخدمة لي غادي يقدم كتنتمي لواحد السيرورة و أنه ما يمكنش نخدموا على حاجة أخرى إلا بعد إنجاز هاذيك المهمة .
واش عندك مهارات أخرى مفيدة للمشروع ؟
بعض مقدمي الخدمات عندهم أكثر من مهارة يمكن ليهم يقوموا بيها ، لأنه ممكن أنه يكون كيثقن أشياء أخرى غير المهارة أو الخدمة المطلوبة منُ ، فإلا كان عندُ تداخل في المهارات فأنت كمشغل تقدر تستافد من هادشي و تطلب منُ أنه يقوم بمساعدة ديالك في إنجاز المهمات المتعلقة بالمهارات الإضافية لي عندُ و تقدر بالتالي توفر تكاليف توظيف شخص أخر ، و لكن شريطة أنك تعطيه جميع المستحقات الإضافية للخدمة لي قدم .
خاص التعامل مع مقدم الخدمات يكون في إطار احترام و تعتابرُ كصديق في العمل و ماشي في إطار الصرامة المعروفة بين رب العمل و الموظف ديالُ ، هادشي باش يكون تبادل الأفكار بين الطرفين بطريقة سلسة و بالتالي الخدمة تكون جيدة .
