تسيير المشاريع : شكون هما المتدخلين ؟ و أشناهما الأدوار و المسؤوليات لي عندهم با يخليوا المشروع ناجح؟
عندك مشروع و باغي تنفذوا . فالفريق ديال مشروعك أو المتدخلين : هي أكثر حاجة كتمتالكها و عندها قيمة . إلا كانت عندك فكرة للمشروع ديالك ، و كتظن أنه يمكن لك ديرها و تنفذها بوحدك و راسك ، فأنت تقدر تواجه بعض المشاكل في التسيير و التنفيذ . فبغض النظر على حجم المشروع ديالك سواء كان كبير أو صغير ، فكاين جداول زمنية و موارد و بزاف ديال الحوايج أخرى لي خاص يتم إدارتها بشكل مزيان ، فتسيير المشاريع هو وظيفة بدوام كامل ، يعني إلا كانت عندك أنت أصلا مشاغيل أخرى ما غاديش تقدر تكلف بيها بوحدك .
فإدارة المشروع كتتطلب مجموعة متنوعة من المتدخلين ، و لي كتكون عند كل واحد منهم المسؤوليات الخاصة ديالُ باش كل حاجة تتقدم مزيان و بطرق ساهلة .
فشكون هما أعضاء فريق كل مشروع أو المتدخلين ؟ و أشناهية مسؤوليات لي عندهم با يخليوا المشروع منتجح ؟
السبونسور أو الراعي ديال المشروع
في كل مشروع كيكون السبونسور أو الراعي ديال المشروع لي كيتمركز على القمة ديال هرم مختلف أدوار المشروع . هو الشخص لي كيستثمر بشكل كبير و بعمق في المشروع . كيتكلف الراعي ديال المشروع بمراقبة الميزانية و التسيير ديال خزينة المشروع . كيفما أنهم هما لي كتكون عندهم الكلمة الأولى و الأخيرة في القرارات لي متعلقة بالمشروع ، بما فيهم الموارد المالية بطبيعة الحال .
قائد المشروع
قائد المشروع أو مدير المشروع هو لي كيكون مسؤول على المشروع . كيتكلفوا القائدين ديال المشاريع بالتخطيط للمشروع ، و كيقادوا الجداول الزمنية ، و كيشكلوا حتى فريق المشروع ، و كذلك كيسيروا مختلف أعباء العمل طوال مدة حياة و سيرورة المشروع . المديرين ديال المشاريع كيكونوا مسؤولون حتى على إدارة المخاطر و الميزانية ، فهما لي كيزيدوا بالمشروع للأمام ، كما أنهم هم لي كتكون عندهم المسؤولية و ديال الإبلاغ على التقدمات لي كيوصل ليهم المشروع للسبونسور أو الراعي ديال المشروع و جميع الناس لي عندهم المصلحة و دور في المشروع .
منسق المشروع
غالبًا و في كل مشروع ما يكون وسيط كيسهل عمل مدير المشروع في العمليات ديال المشروع و لي هو المنسق ديال المشروع . كيخدموا المنسقين ديال المشروع مع فريق المشروع و كيكونوا مفيدين أكثر و بشكل خاص ملي كتكون في المشروع فرق متباعدة و لي كتخدم في نفس المشروع و لكن مناطق زمنية مختلفة فهما لي كيتكلفوا بالتواصل بيناتهم . كيساعد منسق المشروع على ضمان سلاسة ديال تنفيذ العمليات لي ما بين مدير المشروع و فريق المشروع .
أعضاء فريق المشروع
هاذوا هما الأشخاص لي كيؤديوا المهام لي كيكلفهم بها مدير المشروع . يقدر يكون معاهم قائد الفريق ، لي كيسير الفريق ، و لي مكلف بالفريق و لي بدورُ كيبلغ على التقدمات لمدير المشروع . كيكونوا كيتميزوا أعضاء فريق المشروع بالمهارات لي عندها صلة بالمشروع بحيث يمكن ليهم العمل بدرجات متفاوتة من الاستقلالية اعتمادًا على المنهجية لي كتستعمل في إدارة المشروع . فهما مسؤولين على تنفيذ المهام و إرسال أخر التحديثات لمدير المشروع باش يبقى مراقب التقدم العام للمشروع .
كتوفر لك منصة مواهب ، مجموعة واسعة من مقدمي الخدمات لي مستعدين يقوموا بالأدوار المختلفة لي كتكون مطلوبة لنجاح المشاريع ديالك .
