عملية التوظيف في العمل الحر
سواء كنتِ كتقوم بإدارة شركة فردية أو كتخدم مع بزاف ديال الفرق ، فغادي تحتاج غالبا لتوظيف مقدم خدمات في مرحلة من مراحل العمل . يقدر يكون تعيين مقدم خدمات بديل رائع ، بلاصة توظيف الموظفين الدائمين . مع الزيادة المستمرة لي كيعرف العمل الحر ، فأنت ملزم بأنك تلقى مقدم الخدمات لي مناسب لك و للعمل ديالك .
غادي يساعدك هاذ المقال في فهم عملية توظيف مقدمي الخدمات ، كيفاش تقلب على مقدم الخدمات و توظفُ ، و يساعدك في تحديد باش تعرف واش مقدم الخدمات لي لقيتي هو الخيار المناسب لك .
فوائد الخدمة مع مقدم الخدمات
فيما يلي بعض الفوائد الرئيسية الخاصة بالتوظيف ديال مقدم الخدمات :
- مقدم الخدمات كيكون من ذوي الخبرة في مجال العمل ديالُ و كيكون عندُ قدر لا بأس به من المعرفة و الخبرة في المجال ديالُ .
- غادي تدفع لهم غير مقابل وقت العمل ديالهم ، و هادشي اعتمادًا على واش كتخلصهم لكل مشروع أو لليوم أو للساعة .
- كصاحب عمل ، ما كتكونش مضطر أنك تقدم تعويضات مرضية / إجازة ، فأنت تقدر تعين موظف مقدم الخدمات ، لي غادي يكون توظيف ديالُ أرخص من الموظف العادي .
- أنت ماشي مضطر أنك تكون مشرف على مقدم الخدمات لأنه هو كتكون عندُ استقلالية في العمل لي كيدير .
- إلا كنت كتسير شركة صغيرة و كتوظف مقدم خدمات ، فما غاديش يكون خاصك تعطبيه تأمين ، لأن مقدمي الخدمات كيخدموا لراسهم و هما ماشي موظفين .
سلبيات الخدمة مع مقدم الخدمات
إلى جانب الإيجابيات ، غادي تكون ضروري السلبيات ، و لأنه من المهم أنه تم مراعاة الإيجابيات و السلبيات قبل اتخاذ القرارات ،
فيما يلي كنقدموا سلبيات التوظيف ديال مقدمي الخدمات :
- غادي يقوموا بالعمل لي كتوظفهم على قبلُ ، في حين أن الموظف العادي يقدر يكون قادر على المساعدة و الخدمة في مهام أخرى مختلفة .
- يمكن لمقدمي الخدمات لي عندهم الخبرة أنهم يطلبوا بزاف ديال الفلوس .
- أنت لي مسؤول ديما على الصحة و السلامة ديالهم ، إلا كانوا كيخدموا من عندك في مكان العمل ديالك .
- من المحتمل أنه يكون كيخدم مقدم الخدمات في بزاف ديال الوظائف ، هادشي علاش يقدروا يكونول غير متاحين ديما .
- من المحتمل أنه يكونوا كيخدموا مقدمي الخدمات عن بُعد ، مما يعني أنه خاصك تكون واثق فيهم .
إلا كنتِ كتفكر في تعيين موظف في العمل الحر ، فغادي يكون خاصك تلقى مقدم الخدمات المناسب قبل من أنك توقع معاه على العقد. منصة مواهب ، هي منصة لي كتضم المئات من مقدمي الخدمات لي عندهم الخبرة في عدة مجالات و عندهم مهارات مختلفة، فالمنصة هي نقطة إنطلاق لي مزيانة لك و لي غادي تقدم لك هاذ المجموعة الواسعة ديال مقدمي الخدمات ، مع الأخذ بعين الإعتبار الإيجابيات و السلبيات ديال التعيين ديال مقدمي الخدمات لي تكون التكلفة ديالُ مناسبة للميزانية ديالك .
المرشحين المزيانين و المؤهلين ؟
كيفما هو الحال ديال تعيين الموظف العادي ، خاص تكون عندك عملية الفحص المناسبة باش تلقى مقدم الخدمات المناسب للعمل ديالك . سواء كنتِ كتقوم بتسيير شركة صغيرة أو كبيرة ، فغادي يكون خاصك تكون عارف كيفاش يمكن لك تلقى مقدم الخدمات المناسب لك و لي يمكن ليه القيام بالمهام ديالك . هادشي علاش ، خاصك تاخذ الوقت ديالك خلال توظيف الشخص المناسب للوظيفة لي كتقدم .
المقابلة مع مقدمي الخدمات
في البداية ، يقدر يكون من الجيد أنك تقوم بالبحث و المراقبة ديال بزاف ديال صفحات مقدمي الخدمات، باش يمكن لك تاخذ فكرة على الأسعار لي كيتقضاوها مقدمي الخدمات ، و من بعد اتصل بمقدم خدمات معين و شوف أشنو كيقتارح ، إلا كان عندك عدد قليل ديال المتقدمين ، فمن الأحسن أنك تدير مقابلة مع كل واحد منهم باش تعرف ، واش هما لي كتقلب عليهم ، لأنه تقدر تكون المقابلة فرصة رائعة لي تخليك تتعرف على مقدمي الخدمات و تحصل بالتالي على صورة واضحة على القدرات و المهارات ديالهم .
بعض الأسئلة لي خاصك تطرحها على المتقدمين هي :
شحال خاصك ديال الوقت باش تكمل هاذ المشروع ؟
أشناهي الخبرة السابقة لي عندها علاقة أو صلة بهاذ العمل ؟
في أي منطقة زمنية كتخدم ؟ ( هاذا سؤال مهم خاصة لمقدمي الخدمات الأجانب )
أشناهي الأسعار ديالك و واش غادي تبغي تتخلص لكل مشروع أو بالساعة أو باليوم ؟
إمتى يمكن لك تبدا في العمل على هاذ المشروع ؟
أشناهي الإلتزامات الأخرى ديالك و أشنو هو مدى التواجد ديالك ؟
أشناهي الطريقة المفضلة ديالك في التواصل ؟
واش عندكم ساعات عمل معينة و إمتى يمكن لي نتاصل بك ؟
إحاطة عامة
ملي تقرر أنك توظف مقدمي الخدمات باش يقوم لك بالخدمة ، غادي يكون خاصك تقوم بإعداد موجز ليهم ، لي كيوريهم و يخليهم يعرفوا الاحتياجات و التوقعات ديالك باش تكون عندهم بالتالي إحاطة على العمل ديالك . يمكن أنه تساعدك هاذ الإحاطة في الإختبار ديال مقدمي الخدمات ، بحيث يمكن لهم يعرفوا المهارات المطلوبة و أنت بالتالي تعرف المهارات لي كيمتلكوها مقدمي الخدمات المرشحين .
فيما يلي غادي تلقى الحوايج لي خاصك تقوم بالتغطية ديالها في الموجز ديال العمل ديالك :
أشناهي متطلبات المشروع ؟ /أشنو هو المشروع ؟
الإطار الزمني لي كتتوقع فيه إنهاء العمل من طرف مقدم الخدمات .
الميزانية لي حددتيها للمشروع .
قدم أي تفاصيل أخرى يقدر يحتاجها مقدم الخدمات باش يقوم بإكمال المهمة بشكل مزيان .
الخلاص ديال مقدمي الخدمات
ملي كيكون كيتعلق الأمر بالخلاص ديال مقدمي الخدمات مقابل العمل ديالهم ، فكاينين بزاف ديال الطرق لي يمكن ليكم الاتباع ديالها. فمثلا تقدر تكون باغي تقسم ليهم الدفعة على مدار الوقت لي كيخدموا معاك فيه على المشروع ، فمن المهم أنكم تكونوا متافقين على جدول الدفع ، أو مثلا، يمكن لك تقوم بدفع مبلغ رمزي لمقدم الخدمات في البداية و دفع الباقي من بعد اكتمال المشروع .
من خلال منصة مواهب يمكن لك تدفع منها باش تحمي راسك و تحمي مقدم الخدمات .
الحصول على أقصى استفادة من مقدمي الخدمات
من المهم أنك تنشئ علاقة عمل مزيانة مع مقدمي الخدمات ، لأن هذا غادي يكون مفيد لجميع الأطراف ، كيفما غادي يخليك تحصل على أقصى استفادة من مقدمي الخدمات و هاذي حاجة مهمة لأنه غادي تكون باغي أن نتيجة العمل تكون أفضل ، كيفما أنه إلا قمتِ بإنشاء علاقة جيدة مع مقدم الخدمات ، فتقدر تبقى تستافد من الخدمات ديالهم حتى في المستقبل ، باش تتأكد من أنك تحصل على أقصى استفادة من العمل ديال مقدم الخدمات ، حاول تبع هاذ النصائح :
- التواصل : سواء كانت شي مشكلة أو عندك متطلبات معينة ، فالتواصل كيبقا شي حاجة ضرورية ، فهو غادي يساعدك على تجنب أي مشاكل .
- التزم بالموجز : خاصك تتوقع هداكشي لي كتطلب ، ما خاصكش تطلب عمل إضافي من مقدمي الخدمات لي غير مذكور في الموجز من دون ما تدفع ليهم مقابلُ .
الخلاص : حاول تحرص على إجراء الدفع في المواعيد أو المواعيد النهائية لي تافقتوا عليها ، مقدمي الخدمات كتكون عندهم صعوبة في الحصول على الرواتب ديالهم في الوقت المحدد و هذا يمكن أنه يسبب لهم مشاكل ، هادشي علاش باش تحافظ على السعادة ديال مقدم الخدمات لي معاك ، حاول تقوم بالدفع في الوقت المحدد .
التقديم ديال الملاحظات أو الإنتقاد : كيفما هو الحال مع أي نوع ديال الموظفين ، غادي يقْدْروا مقدمي الخدمات أي ملاحظات أو انتقادات لي غادي تقدم ليهم بخصوص العمل .
المعرفة ديال الجوانب القانونية
كيفما هو الحال مع تعيين ديال الموظفين العاديين ، كاينين بعض الجوانب القانونية لي خاصك تكون على دراية بها ملي تبغي تعين مقدم الخدمات .
هاذي الحوايج لي خاصك ديرها في بالك و في اعتبارك ملي تبغي تعين مقدم الخدمات ، باش تكون محمي :
سرية المعلومات
إلا عرضتي على مقدم الخدمات معلومات سرية لي خاصة بالعمل ديالك ، فأنت غادي تتأكد من أن العقد كينص بوضوح على أن هاذ المعلومات سرية ، هادشي كيعني أنه إلا كشفوا على هاذ المعلومات السرية ، فيمكن يتم المحاسبة ديالهم .
الملكية الفكرية ديال العمل
ملي كيكون خدام معاك الموظف العادي ، فالعمل ديالُ كيكون ملك للشركة ، و لكن الأمر مختلف بالنسبة لمقدمي الخدمات ، إلا كنتِ باغي تكون عندك الملكية الفكرية ديال العمل ديال مقدم الخدمات ، فخاصك تتافق عليها معاه و تتضمنها في العقد .
الصحة و الأمن
معظم مقدمي الخدمات كيخدموا عن بُعد ، مما يعني أنه أنت ما كتكونش مسؤول على الصحة و السلامة ديالهم ، و لكن واخا هكاك ، إلا كانُ كيخدموا في مكان العمل ديالك ، فهادشي كيعني أنه خاصك تكون مسؤول إلا تعرضوا للأذى بسبب عدم وجود بيئة عمل آمنة ، كيفما أنه خاصك تقدم ليهم التغطية الصحية .
