واش بغيتي تبدأ كمصور فوتوغرافي في العمل الحر ؟ هاذي بعض النصائح لي تخليك تكون ناجح

واش كيعجبك تاخذ صور لأي حاجة خلال النهار ديالك ، و كتتساءل كيفاش يمكن لك تحول هاذ الشغف ديالك لمهنة مربحة ، و تحصل على مقابل مالي فكل مرة كتصور فيها شي حاجة . فيمكن لك تمنح لراسك حياة مهنية كمصور في العمل الحر و تستافد من بزاف ديال الإمتيازات فحال الحرية و تحقيق الأحلام .

و لكن أنت ما عارفش منين تبدأ . فهاذ المقال ، غادي تلقى أفضل النصائح لي ممكن تعونك باش تولي مصور فوتوغرافي مقدم خدمات .

منصة مواهب غادي تقدم لك مجموعة ديال النصائح لي تساعدك في أنك تولي مصور محترف في العمل الحر :

1-شراء المعدات الخاصة بك
قبل ما تبدأ في العمل ، غادي تحتاج أنك تستثمر في المعدات المناسبة ، باش تكون مستاعد أنك تبدا في المهام ديالك . في البداية و بغض النظر على مجال التصوير الفوتوغرافي لي غادي تخدم فيه ، فأنت ممكن تحتاج غير لبعض المعدات ، بما فيهم الكاميرا و العدسات و الفلاش .

2- تصميم موقع ويب ديالك
بصفتك مصور فوتوغرافي في العمل الحر ، غادي تحتاج لموقع ويب خاص بالتصوير الفوتوغرافي الإحترافي باش تعرض العمل ديالك . فهاذ موقع الويب ديالك غادي يلعب دور في تسويق للعمل ديالك " التصوير الفوتوغرافي " . و لكن ماشي مشكل إلا ما    غادي يسهل عليك أنك تنشئ و تشارك مجموعة صور الخاصة ديالك عبر WordPressكنتيش كتعرف بزاف على تصميم مواقع

الأنترنيت لي كتقوم بالصياغة ديالها .

3-بناء المحفظة ديالك
كيحتاج كل مصور فوتوغرافي في العمل الحر لمحفظة لي تكون قوية و تقدر تجذب الزبناء . فقبل ما تبدا ، حاول أنك تخدم على مشاريع خاصة ديالك  أو مشاريع ديال الناس من المحيط ديالك باش يمكن لك تنشئ محفظة لي فيها أمثلة من العمل ديالك . كيفما ممكن أنك تلقى أشخاص لي هما مثلا عارضين ديال أزياء أو مجوهرات لي فمدينتك و محتاجين لمصور لي ياخد ليهم صور شخصية احترافية لي ممكن يحتاجوها باش يبداوا في العمل ديالهم حتى هما ، و بهاذ الطريقة غادي يمكن ليكم تستافدوا بجوج .

4-قلب على الزبناء الأوائل

 و غيرها من وسائل التواصل الإجتماعي  Pinterest كاين بزاف ديال المنصات في الإنترنت خاصة بالمصورين و الزبناء ، فحالحاول تنشئ مدونة أو حساب و بقى تشارك بانتظام محتوى لي فيه الصور ديالك باش تجذب انتباه زبناء جداد . لأن الأهمية ديال المدونة كتبين للزبون ديالك العمل لي كتقوم به و كتبني الثقة معاهم و كتخليهم يعرفوا أنك محترف .

5-قاد جدول زمني خاص بيك
يقدر يكون تتبع العمل ديالك في التصوير الفوتوغرافي نوعا ما صعيب ، خاصة في الأول ملي كيكون الملف الشخصي ديالك باقي كيطور . فهادشي علاش خاص يكون عندك جدول زمني مفصل .

6-تأكد من التعديل المزيان قبل ما تسلم العمل
أفضل طريقة باش تنجح كمصور فوتوغرافي في العمل الحر هي أنك تقوم بعمل أو إنتاج لي يعجب و يبهر الزبناء ديالك . هادشي علاش خاص ديما تقوم بتعديل و تحسين لجودة الصور ديالك قبل ما تسلمها للزبناء ، هاذ التعديل يمكن يشمل تعديل الخلفية و توازن ما بين الألوان و تصحيح الضوء إلا كان غير الكافي .

7-إدارة الأموال ديالك
ملي كتكون خدام مع شخص أخر ، فكتكون عارف أنك غادي يكون عندك راتب . فحاول تحتافظ من جزء منُ لراسك و تحيد جزء من النفقات لي درتي على قبل العمل ، بحيث أنه يكون منفصل على الفواتير الأخرى ديالك ، و بهاذ الطريقة غادي تحدد شحال باقي لك و لي ممكن تستثمروا باش طور من الجودة ديال العمل ديالك .

8-المشاركة في الورشات
التعلم المستمر حاجة مهمة للمصورين في العمل الحر ، باش يبقاوا محافظين على المهارات ديالهم . فحاول تشارك في ورشات العمل للتصوير الفوتوغرافي المحلي أو اشتارك في دورة تكوينية أو درس في الإنترنت . فأنت ما غاديش غير تتعلم للمهارات جديدة و صافي ، و لكن غادي تتاح لك الفرصة باش طور الشبكة ديالك و تكتساب دعم من عند معارف جداد  لي حتى هما مصورين في العمل الحر .

9-بين الثقة في راسك
خاص تكون واثق من المهارات ديالك في التصوير الفوتوغرافي : أنت راك مصور محترف . باش تكون ناجح في العمل الحر ، خاص تبين للزبناء ديالك أنه يمكن يثيقوا في العمل معاك و بلي غادي تقدم ليهم داكشي لي محتاجين ليه .

كلما زادت الخبرة ديالك ، كلما غادي ينزادوا يتحسنوا المهارات ديالك . غادي تولي مصور فوتوغرافي أكثر ثقة في نفسُ في كل خطوة .