موقع ناجح للتجارة الإلكترونية

مع تطوير بزاف ديال الأدوات عبر الإنترنت ، ولا إنشاء موقع للتجارة الإلكترونية واحد الحاجة لي متاحة للجميع ، باش يكون عندك موقع ناجح و لي كيعني تجارة ناجحة و أرباح مالية مهمة ، كاينين بعض القواعد الذهبية لي خاص يتباعها أي واحد باغي يصنع موقع خاص بالتجارة الإلكترونية . 

صناعة كتالوج للمنتوجات لي باغي تعرض في الموقع

عنصر أساسي لأي موقع للتجارة الإلكترونية و لي هو كتالوج المنتجوات ، باش تقادوا خاصك أصلا تكون عرفتي المنتوجات لي كطمح تعرض للبيع و تكون عارف  المزودين لي غا يقدروا يوفروها لك و حاول تحصل على بيانات و معلومات على المنتوجات لي عندهم هاكا تقدر تصنع كاتالوج الخاص بالموقع ديالك . 

اختيار وسيلة للدفع

هاذي خطوة ضرورية و لي ضروري تكون عارفها ملي تبغي تنشئ موقع للتجارة الإلكترونية ، و لي هي اختيار وسيلة للدفع ، بحيث أنه خاصك تكون عارف من قبل أشناهي الوسيلة لي غادي تستاعن بيها ، واش الدفع بالبطاقة البنكية أو الدفع عند الإستلام أو هما بجوج ، لي غادي يخليك تعرف أشناهي وسيلة غادي تستعمل هو أنت أشمن وسيلة غادي تجيك ساهلة فعملية المحاسبة و أشناهي الوسيلة لي ما غاديش تخلص عليها بزاف و كذلك يمكن لك دير دراسة على نوع الزبناء لي كتستهدف باش تخدم معاهم و أشناهي الوسيلة لي كيستعملوا أكثر في التجارة الإلكترونية . 

اختيار طرق التوصيل اللوجيستكية

هنا خاصك تهتم بطريقة التسليم و التوصيل و لي هي عنصر مهم في التجارة الإلكترونية ، فخاصك تعرف طرق توصيل المنتوجات لي كتقدم ؟ واش توصيل منزلي ؟ مجاني أو مدفوع ؟ توصيل فأي مكان جغرافي داخل المدينة أو خارجها ؟ داخل البلد أو خارجها ؟

باش تعرف الأجوبة ديال هاذ الأسئلة ، خاصك تاخذ بعين الاعتبار نوع المنتوج لي كتبيع ، و أسعار ديال منافسيك ، والفاتورة النهائية ، لأن أحيانا تكاليف الشحن الباهظة للغاية بعض المرات ما كتشجعش الزبناء على الشراء ، لأن الزبناء كا يقارنوا العرض لي كتفدم أنت مع منتوجات من عند تجار أخرين ، فإلا كنتي كتقدم منتوجات أرخص من منافسيك ولكن التسليم و التوصيل عندك مكلفين فهاكا زبون ديالك غادي يبحث على تجار أخرين عندهم التوصيل أرخص أو ممكن بعض المرات بالمجان . و لهذا فالتوصيل و التسليم هو عامل مهم لا يجب الإستخفاف بيه . 

كتابة أوصاف ديال المنتوجات

أوصاف المنتوجات المكتوبة بطريقة ذكية و تسويقية غادي تكون أوراق رابحة في المتجر الإلكتروني ديالك ، هداكشي علاش ما خصكش تهملها و تهتم بها بدقة ، فما تترددش في أنك تلقى و تعين الموظفين المناسبين لهاذ المهمة و لي مكمن يقدموا لك أحسن وصف جذاب للمنتوج ديالك . 

بعض صفحات الموقع لي خاص يكون عليها التركيز

صفحة " من نحن ": هاذ الصفحة حاجة مهمة و لي هي صفحة محتوى الموقع الخاص بالمتجر الإلكتروني ديالك ، و لي من خلال غادي هاذ المعلومات غادي يتمكنوا الزبناء من أنهم يتعرفوا على الموقع ديالك و بالتالي غادي يتيقوا فالخدمات ديال الموقع ديالك ،  لأنه طمأنينة الزبون بشأن الموقع ديالك غادي يخليه يرتاح في الشراء منُ .

صفحة حالة التوصيل : حاجة أخرى خاصك تركز عليها و خاصها تكون في الموقع ديالك و ضمن المحتوى ديالُ هي صفحة لي كتعطي معلومات على حالة التوصيل ديال المنوج لي طلبوا شي زبون ، لأن الزبناء كا يرتاحوا ملي كا يعرفوا التوصيل ديال منتوجهم في وصل و شحال ديال الوقت باش يوصل عندهم . 

في منصة مواهب يمكن لك تلقى عدد مهم من مقدمي الخدمات لي مختصين في التجارة الإلكترونية و لي يقدروا يساعدوك فإنشاء موقع ناجح .