نصائح للمقدمي الخدمات المبتدئين

مؤخرا ، ولاو بزاف ديال الناس كيخدموا كمقدمي خدمات . عدد منهم عرف الفوائد ديال العمل الحر ، أنه تكون الرئيس ديال راسك و أنه يكون عندك جدول عمل مرن .
واش كتفكر تنتاقل لعالم العمل الحر؟ أو أنك بديتي فيه أصلا و باقي مبتدئ و باغي تعرف أكثر باش تعزز النجاح ديالك ..

فهاذ المقال غادي تلقى بعض النصائح لمقدمي الخدمات المبتدئين :

1-فهم المجال المستهدف ديالك
قبل ما تبدأ في أنك تقلب على مهمة في العمل الحر ، خاص تحاول تعرف شكون لي يقدروا يكونوا العملاء ديالك ، غادي يساعدك هادشي باش تفهم كيفاش ممكن تخطط لطريقة العمل ديالك ، و كيفاش تنفذ الإستراتيجية التسويقية للخدمات ديالك ، و كيفاش تنظم وقتك و طاقتك .

2-كن مرن
ملي تكون خدام في العمل الحر ، يمكن لك تقاد رؤية ثابتة لكيفاش تقدر تقوم بالإدارة ديال أعمالك الصغيرة ، الحاجة لي غادي تعونك هي تكون مرن .

3-كن واضح في ما يخص السعر ديالك
تأكد من أنه تكون عندك فكرة واضحة على التكاليف و طريقة لي تبغي تتخلص بيها ، واش باغي تتخلص للساعة أو على المشروع الواحد ؟ يمكن لك تقوم بأبحاث و تشوف الناس لي فحالك بشحال و كيفاش كيتخلصوا .

4-خلي الانطباع الأول يكون مزيان
أنه يكون عندك ملف تعريف جيد و جذاب حاجة لا بد منها ، لأنُ هاذي أول الحوايج غادي يشوفوها العملاء ديالك و ياخدوها بعين  الاعتبار .

5-قدم طلب للعمل
خاصك تيق في المهارات و القدرات ديالك ، ما تخافش من أنك تقدم راسك أو تكتب عرض عمل للخدمات لي تكون عارف راسك تقدر ديرها مزيان .

6-بقا ديما على اطلاع
ابقا ديما على اطلاع بالتوجهات المستجدة في عالم العمل الحر لي ولات ، من خلال الإستطلاعات في وسائل الإعلام التجارية لي عندها علاقة بالمجال ديالك ، أو حاول تفاعل مع مقدمي الخدمات الآخرين ، أو يمكن لك تاخذ دورات تدريبية عبر الإنترنت .

7-تسجل في مواهب
كاين بزاف ديال عروض العمل في منصة مواهب ، بداوا بالدفع لعروض العملاء .

8-حدد حدود ديال العمل ديالك
يمكن أن العمل الحر كيعطيك مرونة كبيرة في الحياة ديالك ، و هادشي ممكن يخليك تسهر باش تعوض الوقت لي كضيع أو يولي عندك عدم الإنتاجية . حاول أنك تحدد الوقت لي غادي تخدم فيه كل نهار و التازم بيه .

9-كن صريح
 غادي تقدر تيق في معظم العملاء ، لكن حاول تحمي راسك من خلال أنك طلب الدفع الأولي قبل ما تبدا الخدمة على أي مشروع .

10-قلب على مساحة خاصة بك للعمل
يمكن أن يكون مكتب العمل ديالك أو مكتبة محلية أو مقهى مريح أو مساحة عمل مشتركة . أي بلاصة لقيتيها ، حاول أنك تخلي العمل ديالك مثمر ، باش تقدم أفضل الخدمات ديالك .

11- بقى تجرب ، تجرب و تجرب مرة أخرى
كمقدم خدمات مبتدئ غادي تواجه عدد من العقبات في إيجاد العمل في الأول ، فحاول تعلم و اتستثمر في تعليم راسك و استمر في التجريب حتى تنجح .  

إلا كنتي كتقلب على فرص ديال الخدمة في العمل الحر ، فمواهب كتقدم لك مجموعة واسعة من فرص العمل لي يمكن لك تمارسها على حساب الخبرة لي عندك .