مزايا و عيوب أنك تكون طالب في العمل الحر

مزايا و عيوب أنك تكون طالب في العمل الحر

واش أنت طالب و باغي تبدا أو تدخل في مغامرة العمل الحر ؟ و ما عارفش كيفاش دير ؟ قبل كل شيء ، نتعرفوا خاصك تعرف مزايا وعيوب الجمع بين هاذ العالمين .


مزايا الدراسة و الخدمة في العمل الحر في نفس الوقت

كيتعتابر الالتحاق بالتعليم العالي عموما مكلف للغاية بالنسبة للطالب ( أو لعائلته ) : ما بين فلوس العيش اليومي ، و لي ممكن تكون مكلفة بعض المرات على حساب عدد و نوعية وسيلة النقل لي كتستعمل في النهار خاصة إلا كنتي كتتنقل من مدينة لمدينة أو الكراء في بعض الأحيان و كذلك مصاريف ديال شراء الكتب أو المستلزمات الأخرى الخاصة بالدراسة و غيرها ..... فباش تساعد راسك يمكن لك تنطالق في العمل الحر و تحاول تلقى فيه مصدر دخل لك و تغطي جزء من النفقات الملازمة للتعليم العالي و لما لا حتى الأنشطة الترفيهية .

كاينة حاجة أخرى لي ممكن تكون إضافة إيجابية و لي هي إكتساب الخبرة بسرعة و بالتالي فالسيرة الذاتية كتولي ذات أهمية و أنت باقي طالب و هادشي غادي ينفعك من بعد التخرج و كاينة حتى إمكانية أنه تولي عندك شبكة إحترافية فيها عملاء مهمين لي تبني معاهم ثقة مع الوقت .

العمل الحر غادي يخليك تتعلم كيفاش تتحمل المسؤولية و تولي شخص أكثر مسؤولية مع الوقت و هادشي إضافة جيدة و إيجابية لطالب جامعي فانت غادي تعلم تسير حياتك العملية و الدراسية بجوج في نفس اللحظة ، لأنه ملي كتبدا بمشروع صغير و واخا يكون بسيط فهو غادي يخليك تحس أنك رائد أو صاحب أعمال لأنه كتحس أنه عندك مسؤوليات ، و لي أهمها احترام العملاء ديالك ، احترام المواعيد ، احترام المواصفات لي باغي المشغل ديالك في العمل النهائي ، جودة العمل ..... ، و أهم حاجة الإلتزام الأخلاقي ، فهاذوا كلهم خاصيات جداد غادي تتعلمهم في حياتك .

عيوب و حدود الخدمة كطالب في العمل الحر

كيفما كنعرفوا فالجدول ديال الطلبة كيكون مزدحم و مليء سواء بعدد الحصص أو الإمتحانات ...... ، فإلا كان بإمكان أي طالب إدارة جدوله الزمني على النحو الجيد و بلاما تتأثر قراية ديالُ ، خاصة ملي تكون عندُ مهمة خاصُ ينفذها ، فهادشي مزيان لأنه أنت غادي تقدر توافق بين الأنشطة بجوج أما إلا كنتي غادي تهمل حاجة لصالح وحدة أخرى فحال مثلا تستغنى على درس باش تخدم و تكمل الخدمة لي تافقتي مع المشغل ديالك على الوقت لي غادي ترجعها ليه فيها ، فأنت فهاذ الحالة غادي تأثر سلبيا على قرايتك لي هي لي عندها الأولوية كيفما كان الحال . أو ما تحتارمش الموعد لي تافقتي معا شي عميل على أنك ترجع ليه الخدمة فيه ، و ما ترجعهاش ليه بالتالي ، و بدون أي شرح ( لأنه ممكن أنه يتفهم الوضع ديالك كطالب إلا شرحتي ليه ) ، و لكن هادشي كيبقا عند تأثير سلبي على السيرورة ديال الدراسة ديالك و العمل ، هادشي علاش من الضروري تعرف كيفاش تسيرهم بجوج .

إلا كنتي طالب و باغي تبدا العمل الحر فمنصة مواهب غادا تساعدك أنك تلقا المشغلين لي مهتمين بالعمل معاك و مستعدين يعانوك أنك تبدا ، كيفما أنه ممكن تلقا عروض عمل فأي مجال بغيتي .

 

like
0
dislike
0
love
0
funny
0
angry
0
sad
0
wow
0