كيفاش كيأثر مستوى الخبرة ديالي على كيفاش ممكن ندير بلاصتي في العمل الحر ؟
هاذ السؤال كيطرحوا كل شخص في العمل الحر مرة وحدة على الأقل خلال حياته المهنية ، لأنه مع الوقت الجواب على هاذ السؤال كا يولي حاجة ضرورية يعرفها أي شخص ، لأنه غادي يبغي يتأهل لمهام أو خدمات أكثر تعقيدا لكون أنه جمع مدة زمنية ديال الخبرة و لا ضابط العمل ديالُ ، هادشي لي كا يخليه يفكر يزيد للأمام . و بالتالي يعرف راسُ واش هو مبتدئ أو خبير .
"مبتدئ" أو "خبير" كيعنيوا كفاءة الشخص بلا ما نشوفوا العمر ديالُ أو الشهادت لي عندُ أو حتى سنوات الخبرة . هاذ المعنى ديال الكفاءة اعطى بُعد جديد لطريقة التوظيف لي ما بقاتش كا تعتامد على معايير التوظيف العادية بحيث أنه و على الخصوص ميدان العمل الحر قدر يحط معايير خاصة بيه في التوظيف و لي أكثر ملائمة لمجتمع اليوم .
تقليديا ، الناس لي مكلفة بالتوظيف في الشركات كيحكموا فعليًا على جودة المرشحين بناءً على سنوات الخبرة لي عندهم و الشهادة الجامعية لي مهمة حتى هي ، لأنهم كا يعتابروا أن أي شخص في البداية ديالُ ما كايكون عارف حتى حاجة و أنه ما يمكنش يتكلف بمهام معقدة بالعمل كمبتدئ ، و هادشي لي كا يخلينا نشوفوا البطالة بزاف في صفوف المتخرجين الشباب و لي ولاو كا يلتاجؤوا للعمل الحر لي كايعطيهم فرصة .
في العمل الحر العميلين كا يكون عندهم إدراك بلي سنوات و الخبرة ما عندهم واحد التأثير لي يخليهم يحكموا على الناس المبتدئين ، لأن بزاف منهم كا يبينوا على قدرتهم واخا السن ديالهم صغير ، على العكس ديال الأشخاص الآخرين في العمل العادي ، لي كا يخدموا لمدة طويلة في نفس المهمة و الخدمة و المستوى ديالهم ما كا يطورش لأنهم و بكل سهولة ما كانوش خلال المسيرة ديالهم مواكبين المستوى لي وصلوا ليه و حاولوا يحسنوه و هنا فين كاتجي ضرورة تحديد المستوى ما بين مبتدئ أو خبير .
هاذ العصر ولا كا يعرف تبادل ديال المعلومات بواحد الطريقة مذهلة و سريعة ، بحيث أن أي شخص كيفما كان و فينما كان كتقدر توصل ليه المعلومة ، الحاجة لي استغلوها الشباب بطريقة إيجابية و خلاوها تكون لصالحهم من خلال أنهم كا يحاولوا يكتاشفوا و يتعلموا الحوايج الجداد لي ممكن تحسن من مستواهم و يتحولوا من مبتدئين لخبيرين فوقت قصير إلى غاية ما كيلقاوا الوظيفة لي اتناسبهم .
هاذ العصر ولا كا يعرف تبادل ديال المعلومات بواحد الطريقة مذهلة و سريعة ، بحيث أن أي شخص كيفما كان و فينما كان كتقدر توصل ليه المعلومة ، الحاجة لي استغلوها الشباب بطريقة إيجابية و خلاوها تكون لصالحهم من خلال أنهم كا يحاولوا يكتاشفوا و يتعلموا الحوايج الجداد لي ممكن تحسن من مستواهم و تخليهم يتحولوا من مبتدئين لخبيرين فوقت قصير إلى غاية ما كيلقاوا الوظيفة لي اتناسبهم .
و هادشي ممكن أنه يتلخص و يتخصص ليه مكان في المحفظة الإلكترونية ديالك ، لي كاتكون هي الواجهة ديالك في منصات العمل الحر و لي هي لي كا يشوفها العميل أو المشغل ديالك قبل ما يتكلم معاك ، و بالتالي كتمثل الإنجازات ديالك و كلما كانت مزيانة كلما قنعات المشغل ديالك بأنه يتكلم معاك و يتقتانع بعرض العمل معاه .
في منصة مواهب يمكن لك تلقى مجموعة من المشغلين لي مهتمين بالناس لي يلاه تخرجوا ، ولي كا يعتابروا أن الشباب أشخاص مليئين بالطاقات و عندهم القدرة باش يخدموا بمستوى غادي يعلى مع الوقت لأنه الشباب كا يكونوا واعيين و عارفين أنهم بحاجة لتعلم حوايج جداد .
