كيفاش يمكن لك تختار مطور الويب لي تخدم معاه ؟
واش باغي تنشئ المشروع ديالك الخاص ؟ ضروري ما غادي تحتاج لموقع ويب ، يعني غادي يكون خاصك مطور ويب ، هاذ مطور ويب واش كتفكر توظفُ بشكل دائم ؟ هاذ الفكرة تقدر تكون غير مناسبة ، لأنه إلا كان المشروع ديالك ما كيركزش على تطوير الويب ، فأشنو الوظيفة لي غادي تعطي للمطور ديالك ملي يكمل تطوير موقع الويب الخاص بك ؟
هذا هو السبب لي كيخلي معظم أصحاب المشاريع ، يعينوا مطوري ويب في العمل الحر ، لي يقدروا ينشئوا ليهم موقع إلكتروني . دابا ملي غادي تبغي تعين مطور ويب في العمل الحر ، واش كاينين معايير خاصة لاختيار واحد منهم ؟ و أشناهي هاذ المعايير ؟
خاص يكونوا سريعين في الكتابة في لوحة المفاتيح
تقدر تبان هاذي ماشي حاجة مهمة فالأول ، و لكن ، أشنو علاقة هادشي بتطوير الويب ؟ سرعة الكتابة حاجة مهمة لأنه إلا كان الإطار الزمني ديال الوظيفة ديالك ضيق أو أنك كتقوم بتوظيف المطور للساعة ، فمعدل الكتابة / الترميز هو من بين العوامل لي كتحدد السرعة أو البطء ديال إكمال موقع الويب ديالك و بالتالي الثمن لي خاصك تخلص أو تدفع لمقدم الخدمات .
ماشي غير هادشي ، فمطور الويب لي عندُ خبرة في الكتابة ، كيقدر يدير أخطاء أقل ملي كيكون كيدير الترميز لموقع الويب ، و بالتالي ، فحتى وقت التصحيح كيكون أقل ، كيفما أنه عادةً ما كيعرف مطور الويب السريع الاختصارات و مفاتيح التشغيل السريعة ، لي كتخليه ينجز الترميز في أسرع وقت ممكن .
خاص يكونوا كيشاركوا أكثر في التصميم
مصمم الويب المزيان ، خاصُ يكون كيعرف للتصميم ، و لكن مصمم الويب الواعر كيكون كيعرف حتى البرمجة و التطوير . الحاجة لي كتنطابق على المطورين ، مطور الويب الواعر كتكون عندُ يد في التصميم و كيعرف طرق استكشاف الأخطاء و ،Photoshop وIllustratorالإصلاح ديالها ملي كيكون المصمم ما حاضرش ، فهما كيعرفوا حتى لشوية ديال
و كيعرفوا كيفاش ينظموا النصوص و الأشكال في موقع ويب باش يبان فيه الإعداد أنيق و مزيان .
خاص يكونوا مزيانين في البحث و في تعلم الأشياء جديدة من الإنترنت
مطور الويب الواعر كيكون عارف أنه ما عارفش كلشي و بلي تطوير الويب كيتطلب التعلم المستمر و التحديث ديال المعرفة ديالُ . مطوري الويب كيقوموا بتحديث المعارف ديالهم من خلال مواقع المدونات لي كاينة في الإنترنت ، فين كاينين معظم الزملاء ديالهم لي كيطرحوا الأسئلة و كيجوبوا عليها .
خاص يكونوا مطوري الويب مبدعين
حاجة باينة أن مطور الويب خاصُ يكون مبدع ، مطور الويب لي كيكون مبدع كيكون عارف أنه ما كاينش غير حل واحد لتطوير موقع ويب ، بحيث أنه كيكون عارف طرق الإنشاء المختلفة . مطور الويب المبدع بناءً على الإعدادات المتوفرة لكل مشروع ، فهو كيلقى الحل المناسب و لي كيخدم مزيان .
خاص تكون عندهم روح الدعابة
هاذي بالطبع ، ميزة اختيارية لمطور الويب ، و لي كتخلي الإنجاز ديال المهمة أكثر سلاسة ، المطور لي كتكون عندُ روح الدعابة كيعرف كيفاش يستخدم الخيارات المختلفة لي عندُ باش يقاد موقع لي يخلي أي واحد شافُ من الزوار ديال الموقع يبتاسم ، و ما كيبغيش يصايب موقع ويب ممل .
غادي تساعدك منصة مواهب ، في أنك تلقى مطور الويب الأكثر إبداعا و خبرة ، المنصة غادي تساعدك في توظيف مقدم الخدمات المناسب لك ، و لي يخليك تعزز المشروع ديالك .
