كيفاش نختار الفريلانس المناسب ليا على منصة مواهب

كيف كنعرفو جميع باش ما ستثمرتي فالعاملين باش ما كبر المشروع وتطور أكثرخصوصا إلا كان مازال فالبدايات ديالو.

ولاكن غالبا كيكون مكلف وزيد عليه الوقت الي كياخد تدريب الموضف والإلتزامات القانونية والإعتبارات الضريبية المتعلقة بالموضفين. وهادشي من الاسباب الي كتخلي العديد من الشركات الي عاد بداو إتعاملو مع مستقلين أو فريلانسر باش إطورو أعمالهم بحيث كيكونو كيملكو مواهب وخبرات مسبقة فالمجال وبتكلفة أقل بكثيرمن الموضف وحتى فحالة كان شي مستقل الأداء ديالو ضعيف فمن السهل التخلي عليه بالمقارنة مع موضف مزعج.

العاملين المستقلين إقدر إكونو مصممي الويب، مؤلفي النصوص، مسوقين، ومساعدين إفتراضين، محاسبين، ومهنيين تقنيين. أي مهارة تقدر تحتاجها، غدي تلقى مستقلين أو فريلانسرالي كيقدموها.

اختيار المستقل المناسب باش تبدأ العمل

ولاكن كيفاش تلقى العميل المستقل المناسب على مواهب وشنو هي الخصائص الي خاص تكون متوفرة فالفريلانسر الي أنت محتاج ليه

فهاد المقال غادي نشوفو سبعة ديال النقط مهمة الي خصنا نركزو عليها منين نبغيو نختارو الفريلانسر المناسب لينا

علامة تجارية احترافية

كيملكو أفضل الفريلانسرعلى موقع mawahib.ma ملف عمل فين كيعرضو أعمالهم بشكل إحترافي وواضح. وهاد النقطة لازم يتم المراعاة ديالها فإختيار الفريلانسر المناسب.

وهادشي غادي تفهمو كثر فاش غادي تقوم بتعيين فريلانسر مكرس وقتو وجهدو باش إطور العلامة التجارية ديالو.

نتائج إيجابية

واش قد كلامو قد فعلو؟

كيف ما سبق وذكرنا أن عرض الأعمال مهم جدا ولاكن لازم تكون جودة الأعمال المعروضة بنفس جودة الخدمة الي غادي إقدم ليك وماشي العكس.

فاش تكون كتقلب على الفريلانسر المناسب قلب على ملف العمل ديالو الي كيكون فيه نمادج من الاعمال الي سبق ليه خدم بحيث غادي إعطيك فكرة على جودة العمل ديالو.

خبرة سابقة في المجال

من الضروري تحصل على عينات ممتازة من عملهم. والأهم من ذلك هو الخبرة فالمجال ديالك. فاش كتكون خدام مع موظف مستقل الي كيفهم مزيان فالمجال ديالك  وكيعرف الأهداف ديالك ، ماغديش ضيع بزاف ديال الوقت فإنجاز المشروع معاه .

الأغلبية ديال الفريلانسر كيخدمو فجميع المجالات والي سولتيه عليه كيقوليك كانعرف ليه داكشي باش خاصك تشوف الي هما مختصين فمجال معين حيت الخدمة معاهم غادي تكون أسرع

ردود الفعل الإيجابية

شهدات العملاء السابقين ما كيقلوش أهمية على دراسة الملف المهني للفريلانسرفإختيار المناسب.

على موقع mawahib.ma كل فريلانسر كيملك ملف شخصي فين تقدر تشوف تعاليق العملاء السابقين.

وماشي دائما التعليق السيء كيعني أن الفريلانسرسيء حيت دائما كيكون زبون غير راض حتى مع أفضل مزودي الخدمات أما في حالة لقيتي بزاف ديال التعاليق سلبية فهنا من الأحسن تجنب هاد الفريلانسر 

الأسعار

عامل أخر خاص تاخدو بعين الإعتبار هو التسعير. الفريلانسر كيحدد الثمن مقابل الخدمات الي كيقدم والي كيختالف بناءا على الخبرة النتائج التخصصات التوجه وغيرها من العوامل وغالبا ما كتختار التمن فحدود الميزانية الي نتا محددها المشروع.

 الأغلبية كيفضل الأقل ثمن فحين كيضيع العديد من المزايا فإختيارالمستقل الي الثمن ديالو متوسط وديما الخدمة المزيانة كتعطي نتائج جيدة خصوصا وانت فبداية المشروع ديالك فلازم تستثمر أكثر.

الاستدامة المحتملة للشراكة

باش تلقى مزود خدمة بالمواصفات الي بغيتي ماشي ساهل. الوقت الي تلقى فيه المستقل المناسب حاول تحافظ على علاقتك بيه بحيث ماغديش تحتاج تقلب على مستقلين أخرين وحتى هو كتولي عندو دراية بالعمل ديالك والمنتوجات ديالك وحتى بالزبائن ديالك.

فاش تكون كتكلم مع المستقل الي بغيتي تخدم معاه حاول تعرف منو أطول مدة خدمها على شي مشروع والمدة الي خدمها مع العملاء الي سبقو. 

الاستثمار المناسب في العمل الحر

إقد إكون البحث على المستقلين المناسبين عمل محبط ولاكن إلا تبعتي النصائح الي سبق لينا دكرنا فالمقال غادي يولي من الساهل أنك تلقى لمستقل المناسب لك.

على mawahib.ma غادي تلقاو مجموعة من المواهب الي عندها مهارات إستثنائية والي يقدرو إعاونوك أنت و الفريق ديالك فتطوير وتنمية العمل وكيف ماسبق قلنا الموهبة أو المهارة العضيمة ماكتكونش رخيصة وماخصهاش تكون رخيصة وعادة الإستثمار كيكون مكلف كثر فاش كتعين موضف دائم على عامل مستقل حيت التكلفة كتكون أقل