كيفاش تبدا مشروع منزلي مربح بدوام جزئي ؟
من بين فوائد ديال بداية العمل من المنزل هي المرونة . بحيث يمكن لكم تبداوا و تبنيوا العمل ديالكم بدوام جزئي مع العائلة ديالك و الحفاظ على العمل الرسمي ديالك ، باش تولدوا دخل إضافي . و مع الوقت إلا نجحتي و طورتيه ، تقدر ترجعوا لعمل منزلي بدوام كامل.
التحدي لي غادي يكون عندك هو أنك تبدا عمل بدوام جزئي لي خاصُ يكون كا يتلائم مع الجدول ديالك لي أصلا عامر .
فهاذ المقال غادي نحاولوا نقدموا بعض النصائح لبناء عمل منزلي ناجح بدوام جزئي .
- عطي أهمية للعمل المنزلي ديالك
باش تضمن دخل ثابت من خلال العمل بدوام جزئي ، غادي تحتاج أنك تخدم عليه كل نهار . هادشي كايعني أن العمل ديالك غادي يسرق ليك جميع الأنشطة الأخرى لي في الحياة ديالك . هادشي ما كايعنيش أنه ما غاديش تكون قادر أنك تفرج في التلفازة أو أنك دير الهوايات الأخرى ديالك ، و لكن خاصك تحتافظ في البال ديالك أن كل دقيقة عندها فائدة و ربح للمشروع ديالك .
- قاد الجدول زمني ديالك في المنزل
ما تخليش وقت العمل ديالك في المنزل يكون عشوائي . إلا ما خططتيش وقت العمل ديالك ، فغادي يضيع في الأنشطة اليومية . مثلا، خدم ساعة في الصباح و ساعة في الغداء و ساعتين من بعد ما ينعس كلشي . في الجدول الزمني ديالك ، حدد الفترات الزمنية للمهام لي متعلقة بالخدمة بالمنزل ، و من بعد حاول تعطي ساعات أو دقائق للأنشطة الأخرى و للراحة .
- صايب قائمة ديال المهام
إلا قمتي بتحديد الأولويات و وضعتي جدول زمني ، فخاص تحدد ما بين 5 إلى15 ساعة في الأسبوع لي يمكن لك تخصصها للعمل المنزلي ديالك . لأن بزاف ديال أصحاب الأعمال في البداية كيضيعوا الوقت ديالهم في وسائل التواصل الاجتماعي ، لأنهم كا يحاواوا يقادوا موقع على شبكة الإنترنت لحاجة لي كا تاخد الوقت .
فأنت عوض ما ضيع الوقت ديالك ، حاول تلقى مطور ويب في منصة مواهب لي يتكلف لي بإنشاء الموقع .
أفضل طريقة لزيادة وقت ديلك للحد الأقصى هي أنك تقاد قائمة ديال المهام و لي يكونوا مرتبين فيها الأولويات على حساب الربح المادي لكل مهمة .
- بناء فريق
حتى واحد ما كا ينجح من الفراغ . فمن وراء كل عمل منزلي كبير و ناجح كاين فريق من المساعدين . الفريق مهم لمختلف أنشطة العمل ديالك ، خاصُ يكون كا يضمن دعم التقني لي ممكن متكلف بإنشاء موقع الويب الخاص بالعمل ديالك و الصيانة و الإصلاح ديالُ إلا درتي فيه شي خلل . و كذلك مساعد افتراضي لي يتولى المهام الضرورية فحال البحث و إرسال رسائل الخاصة بالبريد الإلكتروني ، باش تعطي وقت لأنشطة التسيير ديالك ، و يمكن للمساعد الافتراضي أنه يخدم حتى على الأنشطة الإدارية الخاصة بك ، كيفما أنه يقدر يرجع أجزاء من الأنظمة ديال المشروع أوتوماتيكية ، فحال جدولة المنشورات في الشبكات الاجتماعية .
- تعلم كيفاش دير تقييم و دير تدخلات بسرعة
بزاف ديال الاستراتيجيات و الخطط لي كدير و لي كتنفذ تقدر ما تعطيكش النتائج لي بغيتي . باش توفر الوقت و الفلوس ، غادي تحتاج أنه في كل لحظة دير تقييم للأهداف ديالك ، و تعرف أشنو لي غادي ينجح و أشنو لي ما غاديش و تقوم بإجراء تغييرات و تدخلات الضرورية .
بزاف ديال الأعمال الناجحة بدوام كامل بدات كأعمال منزلية بدوام جزئي . البراعة كاينة في طريقة إدارة العمل لي بدوام جزئي بنجاح ، من خلال الأولويات ديال أنشطة ديالك و إدارة الوقت مزيان و كذلك الإختيار ديال فريق دعم ناجح و القدرة على حل المشكلات بسرعة .
