أهمية وسائل التواصل الاجتماعي في العلاقات العامة

ولاوا بزاف ديال محترفي العلاقات العامة كيستخدموا اليوم وسائل التواصل الاجتماعي إما باش إكملوا استراتيجياتهم أو كإضافة لإستراتجياتهم الحالية ، هادشي لي خلانا نشوفوا تطور في دور العلاقات العامة على مدى هاذ السنوات القليلة الماضية. بحيث أن متخصصين في العلاقات العامة من بين الأوائل القلائل لي فهموا قوة وسائل التواصل الاجتماعي . فهما كيركزوا على التعامل مع محتوى موقع الويب ، و بالتالي تحمل مسؤولية التواجد في مواقع التواصل الاجتماعي لشركاتهم أو لمنتوجاتهم بأحسن شكل و بإستمرارية .

بعدا قبل كلشي خاصنا نعرفوا أشناهوما العلاقات العامة ؟ العلاقات العامة هي توجيه للرأي العام نحو منتوج أو خدمة من خلال مشاريع غير إلكترونية أو إلكترونية ، من خلال عرض المنتوج أو الخدمة لمستعملي وسائل التواصل الإجتماعي مثلا . فالعلاقات العامة هي الجهاز لي كيربط المشروع بالمستهلكين ، هاذ الجهاز الدور ديالُ هو نقل صورة أو معلوملت للأنشطة أوالخدمات لي كتقدمها الشركة أو المؤسسة لجمهور المستهلكين .

العلاقات العامة ممكن تستعمل كوسائل : النصوص ، الفيديو ، الصور ، الرسائل القصيرة ، رسائل في البريد الإلكتروني ، المدونات الصغيرة ( البودكاست ) و غيرها من أشكال و وسائل إيصال الفكرة للمستهلك . الأشخاص المسؤولين على العلاقات العامة يقدروا يكونوا قسم التسويق و الإشهار المتواجدين فكل شركة ، شركات أو وكالات إعلانية خاصة غير بالعلاقات العامة أو أشخاص في العمل الحر لي متخصصين فهاذ المجال و لي كيساعدوا في بناء علامة تجارية إجتماعية .

أشناهوما الخطوات لي كتستعمل لإنشاء علاقة عامة مع الرأي العام ناجحة ؟

فالأول خاصك تختار منصة من منصات التواصل الإجتماعي لي غادي تستهدف فيها نوع المستهلكين لي أنت مهتم بتسويق منتج أو خدمة ديالك ليهم ، تقدر تختار وحدة أو أكثر على حساب و الإختيار كيكون مبني على المنصة ذات القيمة الأعلى بحيث أن كل منصة من منصات التواصل الإجتماعي عندها مزايا خاصة و الترويج كيكون مختالف حتا هو ، لكون أن دمج وسائل التواصل الاجتماعي في استراتيجية العلاقات العامة غادي يضمن أنه سيتم سماع صوتك من طرف مستخدمي وسائل التواصل الاجتماعي و غيوفر عليك مجهود . من بعد ما اختاريتي المنصة أو المنصات المناسبة لعرض منتوجك أو خدمة ديالك ، هنا خاصك تختار وحدة من وسائل العلاقات العامة و لي غتساعدك في نشر فكرة المشروع ديالك ( صورة ، فيديو ..... ) و لي خاصها تكون مصاحبة بعبارة لي غادي تثير إنتباه المستعملين و هاذ العبارة أو الجملة خاصك تختارها بذكاء و عناء و تكون سهلة القراءة و جذابة و لي ما تخليش المستخدم يدير حذف بحيث أنه لا أحد يحب تلقي تغريدات أو رسائل عشوائية خلال تصفح أحد منصات التواصل الإجتماعي لكونهم مكان لإكتشاف أشياء جديدة و مكان لإسترخاء المستعملين و الرواد ، بحيث أنه إلا كان المشور الإعلامي مزعج فهو غيخلي المستخدم يبقى حامل فكرة سلبية تلقائية على فكرة المشروع .

كاينة حاجة أخرى لي كا تساعد بزاف في ترويج المنتوجات و الخدمات و لي هي العمل مع المؤثرين في مجال العلاقات العامة و لي هي كا تعتابر ميزة إضافية و كتوفر مجهود بدل النشر في منصات التواصل الإجتماعي و إنشاء محتوى ، كيفما أنه كاينين أصحاب المشاريع لي كيختاروا يخدموا بيهم بجوج كواسئل باش إروجوا للمشروع ديالهم . العمل مع المؤثرين الصعوبة فيه كتكمن في إيجاد المؤثرين الحقيقيين وسط صخب المؤثرين و عددهم الكبير لي كيتزايد بسرعة .