أشنو ندير ملي نخسر مشغل كبير ؟

وحدة من أكبر المخاوف عند الناس لي خدامين في العمل الحر هي أنهم واش الدخل ديالهم غادي يبقا مستقر و منتاظم و لي كتضمنو المهام طويلة المدى ، لأنه فقدان عقد كبير غادي يخليه يخدم  لأيام طويلة و إقلب على مهمات أكثر باش يقدر يعوض هاديك المهمة طويلة المدى لي ضاعت منوُ

فكيفاش ممكن يتصرف ملي يسالي العقد بشكل مفاجئ ؟ و كيفاش ممكن نحدوا من الضرر ؟

حماية  العقد ديالك

هاذي أول حاجة خاصك ديرها، و هي أنه يكون عندك عقد قوي و يكونوا فيه شروط نهاية العقد ، يعني مثلا أنك تفرض مهلة معينة ما كتقلش على 30 يوم مثلا قبل أي نهاية عقد ، لي خاصُو يعلمك فيها أنه غادي ينهي معاك العقد فيها ، هاكا باش يكون عندك الوقت أنك تلقى مهمة جديدة في العمل الحر لي ممكن تعوضها .

بقا طور الشبكة ديالك

غالبًا ما مقدمي الخدمات المستقلين لي كيخدموا مع مشغلين منتظمين أي لمدى طويل ، كا يعتابرُو راسهم أن الوضع ديالهم مضمون نوعا ما ، و بالتالي كيحبسوا التنقيب على مهام جديدة ، لإنهم كيحسوا أن هذه ماشي حاجة ضرورية لأن الجدول ديالهم أصلا ممتلئ و عامر و ما كاين لاش أنه يزيد عليه مهمة جديدة ، و هذا رد فعل مفهوم تمامًا، ولكن هذا خطأ لأنه غايجي النهار لي غايولي عندو الوقت  و لكن ماكينش مدخول مادي و يقدرو إلقاو مشكل و صعوبة باش إلقاو مهام جديدة،  لهذا خاص الواحد إخلي شوية د الوقت إقلب فيها باش إحافظ على الشبكة المهنية ديالو بحال مثلا المشاركة على الشبكات الاجتماعية، نشر المحتوى  بحال مقالات مدونة ، فيديوهات ، بودكاست، إرسال رسائل إخبارية للمشتركين عندك، إرسال رسائل مخصصة  لعملائك السابقين ( لأن الولاء مهم بزاف) و حتى للعملاء المحتملين و تحديث الملف الشخصي ديالك فالمواقع (مهارات جديدة ، إنجازات جديدة ، إلخ)، هاكا غادي تعزز الوضع ديالك كخبير فالمجال أو المجالات لي كتعرف ليها.

تجنب قدر الإمكان دير البيض ديالك كلو في سلة واحدة

أي أنه كلما ضاعفتي مصادر الدخل ، نقص التأثير ديال  فقدان وحدة منهم . و هذا ما كيعنيش أنك تخدم مع 50 عميل شهريًا(على الرغم من أن هادشي على حساب الجهد ديالك) ، و لكن تخدم مع عميل واحد أو جوج  أمر محفوف بالمخاطر لأنه  كايخليك تعتامد على مدخول مالي معين و  محدود لي إقدر إسالي فأي لحظة. داكشي علاش خاصك تكن قادرعلى أنك دير جوج أو أكثر ديال المهام دفعة واحدة بالإضافة للعمل ديالك الأساسي، باش حتى إيلا سمح فيك شي عميل تكون ضمنتي جوج أو ثلاثة أخرين.هاكا أتكون قدرتي تحل المشكل بكل أريحية

خلي شوية من مدخولك كل شهر

خلي ديما فبالك أن أي عقد إقدر إتلغى بين عشية و ضحاها وخا إكون كلشي غادي مزيان،  و خير دليل هو هادشي لي واقع دبا بسبب الأزمة الصحية ، شحال من حاجة تلغات أو تأجلات  حتى إشعار ٱخر، ما عليك إلا أنك تولف إدخار الفلوس كل شهر،

كلما زادت الاحتياطيات عندك، زادت راحة البال إذا انتهى العقد فجأة,.

خسارة عميل كبير: كيفاش نتعامل؟

أول حاجة خاصها دار هي فهم أسباب الإخلال بالعقد لي  يمكن تكون:

الصعوبات المالية ديال العميل بحيث إقدر أيبغي ينقص من الميزانية أو  إقدر حتى الإفلاس، تعيين موظف داخلي باش إكون عندو  شخص بدوام كامل و فنفس المكان الجغرافي ،أو أن العميل لقى واحد ٱخر ربما أرخص أو أكثر كفاءة ، مشكلة التواصل معك ، أو العمل لي قدمتي لا يلبي توقعات  العميل ديالك ، ضروري خاصك تعرف سبب توقف العقد ديالك، واخا تكون مخلوع من الجواب خاصك تسول، باش تعرف كيفاش تجنب الموقف المرة الجاية و تعرف كيفاش تصرف و تصلح الخطأ إيلا كان منك، هاكا كتستافد من الأخطاء و كتعلم كيفاش تخدم وطور راسك و تلقى الحلول الممكنة و تحاول طبقها، و حتى تطوير المهارات حتى ديال التواصل باش ترضي العملاء لي غاتخدم معاهم و تخلي علاقة ودية و انطباع جيد معاهم بحيث إقدر إعاودو إحتاجوك فأي لحظة أو إوصيو بيك لعملاء ٱخرين لي إقدرو إكونو حسن و تخدم معاهم مزيان

أخيرًا ماتبقاش هاز الهم بزاف، كل واحد عندو النصيب ديالو من المشاكيل و لا داعي للإحباط، رفع المعنويات ديالك و وفر الطاقة ديالك لعملائك الأخرين و دير خدمتك على أكمل وجه.

ما تنساش أنه إلا خسرتي عميل مهم عندك ، ممكن أنك تلقى عميل جديد من منصة مواهب .