كيفاش ممكن تنجح في حياتك المهنية كمدير مستقل لوسائل التواصل الاجتماعي ؟
من بين الوظائف المستقلة لي تقدر من خلالها كسب عيش جيد ، كاينة مهنة مدير مستقل لوسائل التواصل الاجتماعي ، و لي كيتمثل في العمل على إنشاء استراتيجية اتصال رقمي ، خاصة على شبكات التواصل الاجتماعي .
فشكون هو مدير وسائل التواصل الاجتماعي المستقل ؟
مؤخرا عالم التسويق تغير بزاف و ما بقاش كيعتامد على وسائل الإعلان التقليدية لي كنعرفوا ، بحيث أنه ولا كيعتامد على تطبيق استراتيجيات اتصال جديدة ، و لي هي عن طريق وسائل التواصل الإجتماعي لي ولاوا الرواد ديالُ كثار ، فهاذ وسائل التواصل الإجتماعي كيمنحوا إمكانية زيادة ظهور علامة تجارية أو منتج أو خدمة بشكل كبير ، و من هنا فين بانت المهنة ديال مدير وسائل التواصل الاجتماعي لي هو لي كيتولى هاذ الأمر و كيسهر على أن الإعلانات تبقى بارزة في مختلف صفحات وسائل التواصل الإجتماعي .
بكونك مدير لوسائل التواصل الاجتماعي فأشنو كيكون كيتنتاظر منك بالضبط ؟
بصفتك مدير لوسائل التواصل الاجتماعي ، غادي يتعين عليك إدارة سمعة الشركة لي كتخدم معاها ، في شبكات التواصل الاجتماعي و لي كتسما " السمعة الإلكترونية " . باش تحافظ على هاذ السمعة خاصك تكون كتعرف لمجموعة من المهارات :
الترويج للمنتجات والعلامات التجارية على الشبكات الاجتماعية ؛
إنشاء محتوى ترويجي وإعلاني للمنتوج أو الخدمة لي كتقدم ؛
تأكد من وجود الزبناء لي كتستهدف على شبكات التواصل الاجتماعي لي غادي تستخدم ؛
قياس وتقييم سمعة لي وصلات ليها الشركة ؛
الإجابة على أسئلة الجمهور و المتتبعين المهتمين ؛
البحث على أفكار جديدة وتحدد المزايا والعيوب ديال كل فكرة ؛
تعرف على أحدث وسائل الترويج ؛
من خلال هاذ المهارات كنفهموا أن مدير وسائل التواصل الاجتماعي خاص تكون عندُ معرفة جيدة بمختلف الشبكات الاجتماعية الموجودة و أنه يكون على دراية بأحدث التقنيات . ومع ذلك ، فهادشي ما كافيش ، خاصة بالنسبة لمدير في العمل الحر ، لأنه بكونُ رئيس ديال نفسُ ، فلازم عليه يكون منضبط في العمل ديالُ باش يحقق جميع الأهداف لي خاصُ يوصل ليها و بالإضافة لهادشي فهو خاصُ ينظم وقتُ لأنه أمر ضروري ، بالخصوص إلا كان خدام مع عدة عملاء في نفس الوقت .
المرونة والشجاعة من الصفات الأخرى الضرورية لمدير وسائل التواصل الاجتماعي ، لأنه في بعض الأحيان يقدر العميل أو المشغل ديالك يغير الطلبات أو الحاجات ديالُ ، فأنت بالتالي خاصك تكون مرن مع كل تغيير و هادشي ممكن ياخد لك من وقتك و تضطر تخدم في المساء أوحتى في عطلات نهاية الأسبوع . بالإضافة لذلك ممكن بعض المرات العملاء ديالك ميحسوش بالامتنان للعمل المنجز لي قدمتي فهادشي ما خصوش يخليك تفقد الثقة في نفسك و في العمل ديالك ، لأن هاذي حاجة بديهية و كيفما كنعرفوا أن الأذواق كتختالف و هاذا شيء ضروري و شائع عند جميع مديري وسائل التواصل الاجتماعي في العمل الحر .
لكي تنجح في حياتك المهنية كمدير لوسائل التواصل الاجتماعي في العمل الحر ، خاص يكون عندك العديد من الخيوط و المعلومات و الإستراتيجيات ، و لكن إلا ما كنوش عندك حتى الآن ، فيمكن ليك الاشتراك في بعض الدورات التكوينية لي كتكون حول إدارة وسائل التواصل الاجتماعي عبر الإنترنت لمعرفة الأساسيات على الأقل .
