كيفاش تولي ممثل في العمل الحر
إلا كنتِ كتحلم باش تولي إنسان مشهور و عندك بزاف ديال المعجبين و بغيتي تبان فالشاشات ديال التلفاز أو في السينما أو طلع فوق خشبات المسرح و يصفقوا عليك الناس ، فأ شنو كاتسنا باش تبدا المسار ديالك باش تولي ممثل في العمل الحر ؟
الممتل هو فنان لي كينتمي لمجال مصنف ضمن المجلات المربحة عالمياً لأنه كينتج فأغلبية الأوقات مليونيرين ومليارديرين و هادشي علاش كاينا منافسة شديدة و قوية فيه . النجاح ديال الممثل كا يعتامد على القدرات ديالُ و على العلاقات ديالُ و حتى على الحظ ، إلا كان عندك هاذ الثلاثة أشياء غادي تنجح في المسار ديالك المهني .السؤال المطروح هو كيفاش نقدر نحصل على هاذ ثلاثة ديال العناصر ؟ و بما اننا طبعاً ما نقدروش نتحكموا فالحظ فنقدروا ، نفهموا كيفاش نكتاسبوا المهارات و كيفاش نديروا علاقات لي المعظم ديالها كتكون عن طريق العمل الحر .
تكوين سيرة مهنية في مجال التمثيل الحر هو إختيار مناسب و لي يقدر يولي سبب مباشر بش تنظم لأحد الفرق المسرحية الكبرى أو تدخل إلى عالم السينما و التلفاز .
في هاد المقال غادي نتعرفوا على العناصر الاساسية لي خاص تكون في الممثل في العمل الحر :
الضروريات المطلوبة في الممثل في العمل الحر
إلا كنتِ باغي تولي ممثل في العمل الحر ناجح ، فخاصك تكون موهوب ، مبدع ، و جدي في العمل ديالك و مثابر باش تعرف المتطلبات المهنية في هاذ المجال ، بمعنى أخر خاصك تعرف أشنو خاصك باش تولي ممثل في العمل الحر أو واش غادي تحتاج لتعليم أو تكوين مهني أو دبلوم باش تنجح .
كلنا كنسمعوا قصص ديال ممثلين عالميين لي ما عمرهم قراوا على المسرح و لا دخلوا يتعلموا دروس علي المسرح نم قبل مايولوا ممثلين محترفين لكن الوقت تبدلات و الناس المكلفين بإختيار الممثلين في العمل الحر ، غالباً كيبغيوا ممثلين عندهم شهادات أكاديمية ، فإلا كان الهدف ديالك هو المسرح فتقدر إما تاخد باكالوريا في المسرح و الفنون أو يمكن لك تسجل بش تاخد دروس في المسرح لي منضمين من طرف مؤسسات عالمية في المسرح ، هاذ الدروس كتعطيك مكتسبات كممثل وغادي تخليك تكتاسب مهارات من عند مختصين في المسرح و السينما ، زيد أن هاذ اللمكتسبات غادي تساعدك باش تبدا المسار المهني ديالك في مجال التمثيل .
إلا ما كنتيش قادر تدخل للمدرسة أو المعهد ديال التمثيل ، باش تتعلم المسرح فيمكن لك تشارك في الأعمال المسرحية لي كتتنظم في المدرسة أو الجامعة ديالك و يمكن لك الإلتحاق بالفرق المحلية للمسرح لأنه هادشي غادي يعطيك إمكانية باش دير علاقات مع ممثلين مختصين في مجالات المسرح و السينما و لي غادي يعاونك بزاف في المدى البعيد .
دائما خاصك ترد البال للمباريات ديال المسرح و تشارك فيها لأنه كل ما شاركتي أكثر فهاط المباريات كلما كا تكتاسب الخبرة في هاذ المجال و هادشي يقدر يخليك تربح زبائن جداد واخا ما تكونش عندك شهادة في مجال التمثيل .
المهارات لي كيقلبوا عليها الزبائن في الممثل الحر
بزاف ديال الناس كيحلمو باش يوليو ممثيلن و لكن الناس المكلفين باختيار الممثيلن كيكونوا كيقلبوا و باغين الناس لي عندهم الكفاءة و لي غادين يقدروا يبينوا أنهم متميزين على الاخرين و عندهم هاذ الكفاءت :
- التحكم في الصوت ديالهم : الممثل خاص يكون عندُ صوت فصيح و قادر يثير انتباه المشاهدين لأنه الممثل لي ما يقدرش يوصل الأحاسيس عديالُ ن طريق الكلام غادي يفشل لذلك فمن الضروري الممثل يكون عندُ التحكم الكلي فالصوت ديالُ .
- الحركة : الحركة هي عنصر مهم في التمثيل ، لأنه خاصك تحرك الجسم ديالك وفقا للنص لي غادي تقول فمثلا إلا كنتِ غادي تلعب دور ديال عميد شرطة كيمتاز بقوة الشخصية خاصك تكون عندك حركات مستقيمة و تبين أنك معتز و تايق في راسك .
- الحس بالتوقيت المناسب و الوعي : الممثل الواعي و لي كينتابه لداكشي لي كايوقع قدامُ و كا تكون عندُ واحد النظرة استباقية للأحدات ، لي غادي تقوم بالتأثير على العمل الفني لذلك فكيكون عندُ حس بالتوقيت المناسب و كيقدر يحافظ على الإنتباه ديال المشاهدين واخا توقع شي حاجة لي غير منتظرة و خارجة على السيطرة ديال العمل لي كيتم تقديمُ ، فهاذ الميزة كيستاحق عليها التقدير .
- التنسيق : منين كتكون لاعب الدور فشي عمل فني تقدر تاخد تعليمات من عند المخرج أو الكاميرا مان للي فالكواليس و خاصك طبق هادوك التعليمات بالزربة بلا ما تأثر على السير العادي ديال العمل الفني .
- القراءة الباطنية لسيناريو : من الافضل أنك تخصص واحد الوقت باش تفهم العقلية ديال الشخصية لي غادي تمثل ، فمثلاً إلا كنتِ غادي تلعب دور ديال حاكم ممثل للقانون خاصك تقرا نصوص القوانين لأنه هادشي غادي يساعدك باش تفهم أكثر الشخصية ديال الدور لي غادي تمثل .
- تقبل الإنتقادات : ما تقدرش تكون ممثل كامل لي غادي يقدر يعجب كلشي ، هادشي علاش ما خاصكش تاخد الإنتقادات بطريقة شخصية ، و لكن بالعكس خاصك تاخد هاذ الانتقادات بشكل عادي ، خاصةً ديال المنتجين باش طور راسك لأنه كلما كاتخدم أكثر باش طور الموهبة ديالك كلما كان مفيد لك و غادي يخلي المنتقدين ديالك بما فيهم المنتجين للي كتخدم معاهم منبهرين بالمستوى ديالك .
- التنوع : الممثل خاصُ دائماً يخدم في أدوار متنوعة باش مايبقاش محتكر على واحد الدور محدد و يتسنى دائماً السيناريو لي فيه هذاك الدور المحدد ، بالعكس خاصُ دائماً يقلب على أدوار متنوعة و يبين المؤهلات ديالُ في أدوار أخرى .
- الإعتناء بالذات : الممثل هو شخصية معروفة خاصُ دائماً يبان بصورة مثالية و يبقى متابع للمستجدات ، هادشي غادي يخلي العدد ديال المعجبين ديالُ يتزاد .
فين نقدر نخدم كممثل في العمل الحر ؟
عروض العمل بالنسبة للممثلين ماشي ساهل باش تلقاهم و لكن هادشي ما كيعنيش أنه مستحيل تلقاهم ، تقدر تخدم كممثل في العمل الحر في المنصة ديال مواهب لي تقدر تلقى فيها عروض عمل مناسبة غادي يخصك غير تفتح الحساب ديالك و تدخل المؤهلات لي كتمتاز بها و تعطي معلومات على التجربة ديالك مع الزبائن لي خدمتي معاهم من قبل .
