علاش نختار مقدم خدمات في العمل الحر ؟
كاين واحد العدد ديال المهن و الخدمات لي نوعا ما ضروري من أن الشركات أو الأفراد يبحثوا على موظف في العمل الحر لي يعونهم فيها ، خاصة في مهن تكنولوجيا المعلومات و التدريب و الصحافة و الإتصال و المهن الإستشارية ....... أو كيفما نقدروا نصنفوها مهن العمل عن بعد ، بحيث أن العمل مع موظف في العمل الحر من غير أنه عندُ ميزة أنك تلقى الشخص المناسب للخدمة ديالك ، فالعمل معاهم عندُ مزايا أخرى . فهاذ المقال غادي نعرضوا أربعة مزايا لإختيار شخص في العمل الحر .
العمل بشكل متقطع
الموظفين في العمل الحر كا يتعتابروا إلكترونات حرة ، أي ما كايكونش عندهم واحد الإرتباط متصل بالمشغل ديالهم ، بحيث أنه ممكن توظفهم على قبل مهمة فردية وحدة لمرة وحدة أو أكثر . و بعض المرات يمكن لك تستعان بيهم غير مثلا إلا كان فريق العمل ديالك ما يمكنش ليه يقوم بالمهمة لي باغي أنت و فنفس الوقت هاذ المهمة كتكون عارف أنه ماشي ممكن تتعاود مرة أخرى يعني ما كاين لاش توظف موظف دائم ، أو بعض المرات كيتم الإستعانة بأصحاب الأعمال الحرة في الفترة ديال الإكتظاظ ديال النشاط داخل الشركة و الموظفين الرسميين كا يتزاد عليهم الضغط و كيختاروا المسؤولين العمل مع شخص في العمل الحر كإضافة للفريق .
عمل متميز
كيعتارفُ بزاف ديال العميلين بأن العمل مع الناس لي فالعمل الحر المستقلين كا يتعتابر ميزة إيجابية و كيساعهم على التنافسية ، كيفاش ممكن هادشي أنه يعاون على التنافسية مع شركات أخرى ؟ لأن الناس ديال العمل الحر لي كيخدموا معاهم أولا كاينة مرونة أنك تخدم مع ناس من العالم كامل ، يعني ما كتبقاش مقتاصر على مجال جغرافي محدود ، و ثانيا هاذ الناس كيكونوا مختصين بامتياز في مجال عملهم فكيكونوا عارفين جميع الأساليب و الأدوات الحديثة للعمل لأنهم كيكونوا تيقوموا بمجموعة من الدورات التكوينية و التدريبات و كذلك كتكون عندهم تجربة العمل مع شركات عالمية لي كيكونوا اكتاسبوا منها الخبرة ، الحاجة لي غادي تخلي العمل يكون متميز و يجودة عالية مقارنة بأعمال الشركات المنافسة ، و هادشي بشهادة مجموعة من المشغلين لي كا يفضلوا العمل مع الناس في العمل الحر .
المساعدة على اكتساب مهارات جديدة
ممكن أن الناس لي فالعمل الحر يساعدوا العميلين أو المشغلين ديالهم في اكتساب مهارة جديدة متعلقة بشي حاجة ما كيعرفوهاش من قبل ، و بالتالي غادي يساهموا في رفع مستوى مهارات ديالك و كذلك ديال الموظفين لي فالشركة ، خاصة إلا كانوا من النوع لي كيهتم بالتعاون و المشاركة مع الأخرين مهارات ديال تخصصهم .
ضمان عضو نشيط جديد في الفريق
يمكن ليك أنك تعرض على الموظف لي خدمتي معاه و جمعكم العمل الحر ، أنهم يبقا يخدم معاك أو في الشركة ديالك لفترة طويلة و هاكا غادي تدمجوا في فريقك ، و بالتالي يساعدوك في جميع مهماتك و تخدم معاهم كلما احتاجيتيهم و تخلصهم على كل مهمة قاموا بها، لأن هاذي حتا هي حاجة ممكنة في العمل الحر أي كتخلصهم على كل مهمة كيقوموا بها سواء للمشروع الوحيد أو للساعة .
في منصة مواهب غادي يمكن لك تكتاشف ، مواهب لي كاتمتاز بمهارات و خبرات فمجالات مختلفة لي ممكن لك تخدم معاهم سواء بعقود قصيرة أو طويلة المدى .
