أشناهو المساعد الافتراضي في العمل الحر؟
المساعد الافتراضي هو الشخص لي كيقدم خدمات الدعم لنشاط تجاري من مكان بعيد. و لي متعلقة بالخصوص بالخدمات و المهام الإدارية، بحيث أن عدد المساعدين الإفتراضيين موجود بزاف فهاذ النوع ديال المهام ، ولكن ماشي بضرورة المساعد الإفتراضي كيخدم غير فالمجال الإداري .
المساعد الافتراضي هو ببساطة مساعد لي كيعمل عن بعد. نظرًا لأن التقدم لي عرفاتوا التكنولوجيا في التسعينيات جلب الإنترنت الموثوق به لبزاف ديال المنازل، بزاف ديال الشركات وعاوا أنهم غير مضطرين باش يجيبوا موظف إلى المكتب لإنجاز العمل ، هادشي لي خلى ظاهرة المساعدين الافتراضيين تبان .
المساعدون الافتراضيون كنلقاوهم مطلوبين بشكل خاص من قبل رجال الأعمال والشركات عبر الإنترنت لي كيحتاجوا للمساعدة، لكنهم ما كا يبغيوش ينفقوا المال على حضور موظف لمكان العمل حيث المصاريف كيتزادوا .
من الناحية النظرية ، المساعد الافتراضي خاصُ يقدر يدير أي حاجة أو مهمة روتينية كيديروها المساعدين لي كا يكونوا فالشركات . كيفما أن مجال عمل المساعد الإفتراضي غير محدود في الواجبات الكتابية البسيطة ، فالمساعد الإفتراضي يمكن يساعد في التسويق وتصميم الويب ومسك الدفاتر والعديد من الخدمات الأخرى. داكشي علاش كانلقاوا بعض المساعدين الافتراضيين كيتخصوا في مجموعة مهارات معينة لي كيبرعوا فيها ، و كيوليوا يؤديوا واجبات تتعلق بهذه المهارات فقط .
كيفاش يقدر يبدا أي شخص في العمل كمساعد افتراضي ؟
إذا قررت أنك تولي مساعد إفتراضي ، الخطوة الأولى هي أنك تحدد نوع الخدمة التي تبغي تقدمها ولمن. و واش غادي تتخصص في مهمة معينة ، مثل التصميم الجرافيكي أو التسويق أو غيرها ؟ واش غتركز على السوق المتخصصة ، فحال المشغلين عن بعد عبر الإنترنيت ، ملي تحدد أشنو باغي تقدم و لمن و تكون مستعد ، من بعد يمكن لك تحدد سعر الخدمات لي غادي تقدم.
البداية فالعمل كمساعد افتراضي أمر سريع و التنفيذ ديالوا سهل، كيفما أنه مطلوب بحيث أن هناك حاجة متزايدة للناس لي خدامين كمساعدين افتراضيين ، فإلا كانت عندك المهارات والمعدات باش تبدا ، فأنت غادي تلقا بسرعة على المشغل الأول ديالك و تقدر تبدا في طريقك .
فرص كسب المال كمساعد افتراضي كاينين بزاف ، فهو كيتعلق بيك بوحدك وقدرتك على العمل بجدية و عطاء جيد ، فهاذ الوظيفة كيفما أنها كتبان ساهلة فهي فالمقابل صعبة نوعا من ناحية الإلتزام ، في البداية ، كيكسب أغلبية المساعدين الإفتراضيين ما بين 10 و 20 دولار للساعة ، ولكن ملي كتولي أكثر تأهيل ، يمكنك تزيد سعر الخدمة ديالك للساعة. بحيث أنه كاينين مساعدين افتراضيين مجتهدين لي كيوصل الربح ديالهم لأكثر من 50 دولار في الساعة .
المهارات اللازمة لي خاص تكون عند كل مساعد افتراضي ، فلول كا نلقاوا المهارة الأساسية و المهمة و لي عندها الأولوية ، هي إتقان الإستعمال ديال الكمبيوتر بطريقة ممتازة ، من بعدها كا تجي مهارات الإتصال الشفوية و المكتوبة و لي حتا هي مهمة جدا و خاصك تكون كا تعرف تقنها بجودة . كيفما أنه خاصك تكون كتقن مهارات أخرى فحال إدخال البيانات لمختلف أشكال قواعد البيانات ، الرد على المكالمات الهاتفية أو مكالمات الفيديو ، تنظيم جدول الأعمال ، المحاسبة ، إدارة الحسابات على مواقع التواصل الإجتماعية ، كتابة مقالات ، إدارة البريد الإلكتروني ، إجراء بحوث على الأنترنيت ، تنظيم و تخطيط للأحداث و النشاطات ، الدعم الفني ....... و غيرها من المهارات لي كا تختالف من مجال لمجال .
