الأخطاء لي ما كيخليوكش تلقى وظائف في العمل الحر

قدمتي عشرات طلبات باش تحصل على الوظائف ، و لكن باقي ما حصلتيش على خدمة في العمل الحر . هاذي مرحلة كيمر منها كل شخص في العمل الحر . بحيث أن البعض كيبان ليهم هادشي كفشل و كيقروا ينساحبوا ، في حين أن البعض كتجيهم هاذي فرصة للتعلم و تصحيح الأخطاء ديالهم .

في هاذ المقال ، غادي نشاركُ معاك أكثر الأسباب لي كتخليك ما تلقاش وظيفة في العمل الحر :

1.السعر لي كطلب غير مناسب
أغلبية ديال الناس لي خدامين في العمل الحر ، كيظنوا أنه إلا خفضوا الأسعار ديالهم ، فهاذي غادي تكون طريقة مزيانة باش يكسبوا المزيد ديال العملاء و المشغلين . و لكن في الواقع أن العملاء كيشوفوا أن هاذي محاولة يائسة كيقوموا بيها مقدمي الخدمات الهواة .

فالتقليل من الأسعار ماشي غير كينقص من القيمة ديال العمل ديالك و صافي ، و لكن كيبين حتى أنك كتنقص من الإحترام ديال راسك.

.ما كتبينش الإهتمام الحقيقي لي عندك2
هذا خطأ كيديروه بزاف ديال الناس لي فالعمل الحر . بحيث أنه ما كيخذوش الوظائف ديالهم على محمل الجد لأنه هما أصلا عندهم الوظيفة العادية ديالهم . و بالتالي ، فهم كيهملوا المشاريع لي عندهم مع العملاء . هادشي علاش خاصك تاخذ المهنة ديالك بجدية أكبر .

هذا خطأ كيديروه بزاف ديال الناس لي فالعمل الحر . بحيث أنه ما كيخذوش الوظائف ديالهم على محمل الجد لأنه هما أصلا عندهم الوظيفة العادية ديالهم . و بالتالي ، فهم كيهملوا المشاريع لي عندهم مع العملاء . هادشي علاش خاصك تاخذ المهنة ديالك بجدية أكبر .

3.ما كتجوبش على رسائل ديال العملاء في الوقت المناسب
أنت ماشي الوحيد لي كيتقدم بطلب للحصول على شي مشروع لي تم النشر ديالُ . بحيث أنه كيتقدم العشرات ، و أحيانًا المئات ، من مقدمي الخدمات فحالك باش يحصلوا على الوظيفة ، وغالبًا ما كيرسلوا العملاء من بعد ما كا يختاروا المرشحين رسائل فيها أسئلة على معلومات باغين يعرفوها من عند هاذ المرشحين باش يعرفوا شكون لي غادي يكون قادر على العمل مع المشروع ديالهم بشكل مناسب ، باش من بعد يعطيوا المشروع للي غادي يجاوب الأول . هادشي علاش خاص تكون ديما حاضر و تبقى تنتابه للإشعارات الجديدة لي كتوصلك .

4.ما كتقدمش الأعمال لي فايت لك خدمتي عليها
غالبًا ما كيطلبوا العملاء أنهم يشوفوا الأعمال لي فايت لك خدمتي عليهم باش يتأكدوا من داكشي لي كتخبرهم بيه على الخبرة و المهارات لي عندك ، هذا هو السبب لي غادي يخليك تكون مقاد مجموعة من الملفات ديال أفضل الأعمال لي درتي و لي يمكن لك تعرضها على العملاء ديالك . في حالة ما إلا ما عندكش شي عمل لي تقدر ترسلُ ، فابدأ تخدم باش تقاد نسخة .

5.مهارات ضعيفة في التواصل
التواصل الجيد ، ضروري باش تبني علاقات طويلة المدى مع العملاء ديالك . فما خاصكش تنسخ نفس الرسالة و ترسلها لجميع العروض و طلبات العمل من خلال البريد الإلكتروني ، لأن هادشي ما غاديش يخدم لك بفعالية . كيفما أنه ما خاصكش تخاطب العملاء ديالك بنفس الطريقة لي كتتحدث بها مع الأصدقاء ديالك . حاول تكون محترم و ودود .

6.طلب العمل من الوظائف الغير مناسبة لك
ما خاصش كاتب خاص بالكتب الإلكترونية ياخذ وظيفة ديال كتابة أوصاف ديال المنتوجات . لأن هاذ الوظائف كيطّلبوا مجموعتين مختالفين ديال المهارات . فالتقدم بطلب للحصول على هذا النوع من العمل غادي يضيع من وقتك و الوقت ديال العميل .خاصك تقدم طلب غير للوظائف لي كتحس أنك غادي تكون مرتاح إلا خدمتيها ، بحيث أنه فالأول حاول تتحقق من ما إلا كانت مجموعة المهارات ديالك كتطابق مع المتطلبات ديال العمل ، لأن هادشي غادي يساعدك حتى باش تكتب عرض أفضل للمشروع .

7.طرح الأسئلة الغير مناسبة
ما يمكنش لك تفهم الاحتياجات ديال العميل ديالك من غير ما أنك تطرح الأسئلة الصحيحة . فهاذي خطوة مهمة غادي تساعدك باش تحدد متطلبات المشروع و تبين حتى الحماس لي عندك للعملاء ديالك . كيفما أنه ما خاصكش تتسرع في قبول المشاريع أو عرض الأسعار ديالك ، فإلا كانت عندك أسئلة ، خاصك بعدا تسولهم باش تفهم أكثر .

إلا كنتي كتقلب على فرص ديال الخدمة في العمل الحر ، فمواهب كتقدم لك مجموعة واسعة من فرص العمل لي يمكن لك تمارسها على حساب الخبرة لي عندك .