5 نصائح باش توظف أفضل مطور ويب مستقل
قم بالإختيار ديالك بناءًا على شخصية مطور الويب ثم الخبرة قدّم لمطور الويب مشروع بسيط للعمل عليه اختار مطور ويب مستقل عندو قدرة و رغبة عالية فالتعلّم ما تسولش أسئلة واضحة على البرمجة
مطور الويب هو واحد من أهم و أول المتخصصين لّي خاصك توظف. لأنه هو الشخص لّي غادي يخلق وجه للعمل عبر الإنترنت ديالك ويسمح لك بالتفاعل مع عملاء من مختلف الأماكن قراب كانو أو بعاد. هادشي علاش من الضروري أنك تكون متأكد بلّي غادي توظف مطور الويب المناسب ليك. لأنه إذا إلى غلطتي فالإختيار غادي تكون غامرتي بمشروعك بالإضافة لإضاعة الوقت و المال فالبحث على مطور ويب مستقل آخر لّي يصلح الأغلاط أو يكمّل العمل.
تتبع هاد النصائح إدا كنتي كاتفكر توظف مطور ويب مستقل باش تزيد بمشروعك للقدام
قم بالإختيار ديالك بناءًا على شخصية مطور الويب ثم الخبرة
فاش تكون كادوز مقابلات العمل باش توظف مطور ويب مستقل ركز أولا على الشخصية ديال الشخص لّي قبالتك. الخبرة مهمة ، ولكن السمات الشخصية للشخص وتناسبها مع مشروعك هو أفضل مؤشر على النجاح. واش الديناميكية و العزم و المثابرة والفضول مهمين فنجاح المشروع ديالك ؟ أو أن المشروع محتاج أكثر لناس مستقلين و قادرين ياخدو قرارات و عندهم حس المغامرة ؟ شنو ماكانت الخصائص ديال مشروعك، ضروري أنك تحدد الصفات الشخصية لي خاص تتوفر فكل واحد من المستقلين لّي غادي توظف.
مثلا يقدر مطور الويب لّي سبقلو خدم مع شركات مالية كبيرة مايكونش مناسب للشركة الناشئة ديالك، لأن الشركات الناشئة عادة كتتطلب صفات فحال القدرة على التكيف، المخاطرة و تجربة عدة خطط كيفما كاتحتاج لشخصيات قوية و مستقلة. هاد الصفات يمكن تكون أقل أهمية فالشركات الكبرى.
هادشي علاش خاصك دير قائمة للمتطلبات الشخصية لشركتك. إدا حددتي مثلا خمس ديال المتطلبات تأكد بلّي مطور الويب المستقل لّي بغيتي توظف كاتوفر فيه على الأقل تلاثة من هاد المتطلبات. هاد الطريقة ديال التوظيف تقدر تساعدك على تحديد ثقافة شركتك و تكون متأكد أن فريق المستقلين لّي غادي توظف غادي يقدرو يخدمو مع بعضهم بسهولة.
يمكن لبعض الناس التظاهر بسهولة في مقابلة العمل. هادشي علاش غادي يخصك تقييمهم بشكل مختلف للتأكد من أنك قدام مطور الويب المستقل المناسب ليك.
قدّم لمطور الويب مشروع بسيط للعمل عليه
حتى إدا كنتي كاتوقع بلّي ختاريتي مطور الويب المثالي لمشروعك، يستحسن أنك تتأكد من قدراتو بمنحو مشروع صغير قريب لمشروعك هادشي غادي يخليك تعرف كثر على طريقة العمل ديالو و كيفاش كايتعامل مع المشاكل ويمكن يسمحلو كثر بفهم طريقة رؤيتك للأمور و أولوياتك.
هاكدا غادي تقدر تعرف الجودة ديال خدمات مطور الويب المستقل لّي ختاريتي و الإضافة لّي غادي يدير لمشروعك. واش حتاج وقت كتر من لّي حدّد ليك باش يقدملك المشروع ؟ واش النتيجة كانت مرضية و كدل على أنه عندو شخصية مبتكرة ؟ واشخدم مزيان مع فريقك وبلّغ على المشكلات والمواعيد النهائية؟
اختار مطور ويب مستقل عندو قدرة و رغبة عالية فالتعلّم
فعالم التكنولوجية، كايقدامو المهارات لّي تعلمتي فالمتوسط كل عامين. هادشي علاش من الضروري أنك تختار مطور ويب مستقل عندو رغبة و قدرة عالية باش يتعلّم مهارات جديدة و تقنيات جديدة بسهولة و ماشي واحد كيتقن تقنية معيّنة اليوم ولكن يمكن مايتكيّفش مع التغيير و يتعلّم مهارة جديدة.
أبسط طريقة باش تعرف ما إدا كان مطور الويب عندو استعداد لتعلّم تقنيات جديدة هو أنك تطرح عليه بعض الأسئلة فحال:
شنو هي لغات البرمجة الجديدة لّي تعلمتها مؤخرًا؟
ما هي الأماكن و المواقع المفضلة عندك باش تتعلم النصائح والحيل التقنية الجديدة؟
ما تسولش أسئلة واضحة على البرمجة
هادو بعض الأمثلة على الأسئلة لّي مخاصكش تطرح عند إجراء مقابلة العمل مع مطور ويب مستقل :
شكون هو المبتكر الرئيسي للغة برمجة Java؟
في أي سنة تم إطلاق PHP ؟
ما هو أصل اسم لغة برمجة Python ؟
وخا تبانلك هاد المعلومات مفيدة، ولكن هي مغاديش تعاونك فتحديد ذكاء أو قدرات مطور الويب فالمجال، وغادي تعاونك غير فالتمييز مطوري الويب لّي قادرين على حفظ المعلومات.
فالأساس فمقابلات العمل لتوظيف عامل مستقل ماتطرحش أسئلة لّي يمكن البحث عليها بسهولة و إيجادها فالأنترنت ولكن ركّز على الأسئلة المفتوحة. لّي خاصك تركّز عليه هو الشغف لّي كيظهره مطوري الويب فردودهم وقدرتهم على التواصل وشرح المصطلحات الفنية.
هادو بعض الأمثلة على الأسئلة المفتوحة:
كيفاش كتتعامل مع التعارضات في تطبيق ويب فاش كيقومو أشخاص مختلفين بتعديل نفس البيانات؟
شنو هي أنماط التصميم لّي استخدمتها ، وفي أي مواقف؟
وظف ببطء وطرد بسرعة
خذ وقتك عند التوظيف ، ولكن إدا لقيتي بلي العامل المستقل ممناسبًا لمشروعك، فخاصك طردو فأسرع وقت ممكن. لأنه يمكن لمطور ويب واحد غير كفء يعطل الفريق بأكمله و حتى المشروع .
على mawahib.ma ، يمكنك بسهولة تلقى مطور الويب المناسب للعمل على مشروعك ، خذ الوقت الكافي للتحقق من الملفات الشخصية والمحافظ والتجارب وآراء العملاء لّي سبقلهم خدمو مع كل واحد. ثم يمكنلك تتحدث مع المستقل لّي لفت ملفه الشخصي انتباهك كثر.
