أخطاء ما خاصكش ديرها ملي تكون خدام مع شخص في العمل الحر
العقود ديال العمل الحر ولات كا تعرف واحد الإرتفاع و واحد المرونة كبيرة مؤخرا ، لكون أن مقدمي الخدمات كا يقدموا مساعدات سريعة و مهارات إضافية للمشغلين و العميلين ، و لكن خاصك تفادى الأخطاء ملي تكون باغي تختار و ما تكونش مشغل سريع في اختيار مقدم الخدمات لأنه خاصك تضمن جودة الخدمة على المشروع ديالك .
فأشناهما هاذ الأخطاء و كيفاش ممكن نتجنبهم ملي نبغي نختار مقدم خدمات ؟
ما تكونش عارف الإحتياجات ديالك قبل من البحث على مقدم خدمات
ملي تكون باغي تبدأ تقلب على مقدم خدمات لي تكلفوا بتنفيذ شي مشروع ديالك ، فسول راسك واش أنت عارف الإحتياجات ديالك بوضوح ؟ فكيفما كان المشروع ديالك بالرغم من ما أنه يكون بسيط خاصك تكون حددتي الإحتياجات ديالك قبل بوضوح باش تسهل عليك معايير الإختيار .
تحديد سعر خدمة منخفض بزاف
ما خاصش السعر يكون هو العامل الحاسم . واخا ممكن تكون الميزانية ديالك منخفضة ، فأنت تقدر تكون محظوظ و تلقى مقدم خدمات كا يجمع ما بين جودة الخدمة و السعر المنخفض ، و لكن هاذي حاجة نادرة ، لأن القاعدة لي معروفة هي أن الأفضل هو الأغلى ، و حاجة أخرى كلما خلصتي مزيان كلما كان العمل بجودة و كلما خلصتي أقل الجودة كا تكون رديئة لي تقدر من بعد يكون خاصك تصححها أو تعودها .
تلقى مقدم الخدمات الغير مناسب
التحديد المسبق للإحتياجات ديالك و النوعية ديال مقدم الخدمات المطلوب و المهارات لي خاص تكون عندُ ، غادي يسهلوا عليك الإختيار و يخليوك تعرف نوع مقدم الخدمات لي تستاعن بيه و تتوجه ليه ، و يمكن لك باش تقوم بهادشي تشوف الملف الشخصي ديال مجموعة من مقدمي الخدمات . في حالة ما إلا كانُ عندك خدمات كا تعتامد على مهارات مختلفة ، فحال مثلا أنت خاصك تنشئ تطبيق إلكتروني و خاصك لي يتكلف بإنشاء المحتوى ، فأنت ما يمكنش تخدم معاهم بجوج على نفس المهمة لأن كل واحد و مهاراتُ الخاصة ، هادشي علاش خاصك تخدم مع مقدمي خدمات أخرين باش كل واحد يتكلف بمهمة كيعرف ليها .
إلا كنتي كتقلب على مقدمي خدمات باش تخدم أو تنشئ المشروع ديالك و لي يكونوا عندهم مهارات مختلفة فيمكن لك تبحث فمنصة مواهب لي فيها مجموعة من مقدمي الخدمات لي مستاعدين يخدموا معاك .
تختار مقدم خدمات بسرعة
حاجة مهمة أنك ما تختارش العمل مع أول مقدم خدمات جاوبك على الإعلان ديالك أو لي لقيتي ، فأنت خاصك تحاول تشوف عدد من مقدمي الخدمات ، هادشي علاش خاصك تاخد الوقت الكافي ديالك لإختيار الشخص المناسب من بين جميع الأشخاص لي لقيتي ، من خلال مقارنة الخبرة و السعر و المشاريع لي خدموا عليها قبل و سنوات الخبرة و المهارات ........ هاذ المعلومات لي ممكن تلقاها في الملفات الشخصية ديالهم .
تعطيه من الأول المهمات كاملين أو المشروع كامل
فالأول حاول تعطيه مهمة صغيرة من المهمات أو المشروع الكامل و خليه حتى يساليها ، عاد تحقق منها ، باش تشوف طريقة العمل ديالُ و المرونة و التفاعل ديالُ معاك .
ما تعطيش المعلومات الكافية
إلا ما عطيتيهش المعلومات الكافية و المواصفات على المشروع فممكن هادشي يأثر على الشكل النهائي للخدمة ، فأنت خاصك تعطيه جميع المعلومات لي غادي يحتاج باش تسهل عليه العمل و تخليه يستعملهم و يعطي نتيجة جيدة من خلالهم .
في منصة مواهب كاين مجموعة من مقدمي الخدمات لي كا يمتازُ بمجموعة ديال المهارات و الخبرات .
