كيفاش تحتافظ بالعلاقة مع العملاء ديالك لمدة أطول ؟
واش نجحتي في أنك تلقى عملاء و تخدم معاهم مشاريعهم و هما عجبهم العمل معاك فهذا كايتعتابر إنجاز و لكن العمل باقي ما سالاش ففمجال العمل الحر خاصك ديما يكون عندك مشاريع تخدم عليهم باش ما دخلش في الركوض لي غادي ينعاكس على الاستمرارية ديالك ، هادشي علاش خاصك تحاول تحتافظ على العلاقة مع العميل ، أو ممكن تحول العمل معاه لعمل طويل المدى . فكيفاش ممكن تبني علاقة إيجابية مع العميل ديالك ؟
فاجئهم بالمهارات ديالك
كيبقى المبدأ الأساسي للاحتفاظ بالعميل هو أنك تقدم عمل بجودة عالية جدًا و في وقت محدد . فإلا كان العمل لي بيناتكم بجوج نجح و العميل ديالك ارتاح في الخدمة معاك فهادشي عادي يخليه يثيق فيك و يفكر في العمل معاك مرات أخرى ، خاصة إلا كنتي فهمتي مزيان الخدمة لي باغي و عرفتي بالضبط أشنو كا يحتاج للخدمة ديالُ ، و كذلك تكون كا تقدم ليه اقتراحات لي تساعدوا في تطوير العمل ديالُ لأنه هاكا غادي يحس بيك مهتم بالعمل أو المشروع ديالُ .
يمكن لك تلقى في مدونة منصة مواهب مقال كا يتكلم على طريقة لي تخليك تلقى عميل باستراتيجية واضحة و بسيطة .
كون صادق معاهم
هاذي حقيقة و حاجة منطقية أن العميل غادي يختار العمل مع مقدمي خدمات صادقين . فباش تحافظ على العلاقة بالعملاء ديالك خاصك ديما تكون صادق و من الضروري تنشئ علاقة ثقة معاهم ، أي أنك ما تحاولش أنك تكذب عليهم أو تخفي عليهم شي حاجة كأنك ناقصاك شي مهارة لي ما كا تعرفش ليها ، لأنه يقدر يكتاشفك و العلاقة معاه غادي تولي العكس . كذلك خاصك تبين ليهم حسن النية الحقيقية لي عندك ، فمثلا إلا ما كانش عندك الرغبة للعمل أو خاصة ما عندكش الوقت لأنه ملتازم مع عملاء أخرين ( من حقك يكون عندك عملاء أخرين ) ، فيمكن لك تشرح للعميل ديالك أن الجدول ديال العمل ديالك كا يضمن أشياء أخرى و أن العمل ديالُ ممكن يحتاج وقت أو ممكن تعطيه نظرة على جدول عملك و هو يختار الوقت لي يناسبُ ، فهو غادي يتفهمك لأنك كنتي معاه صريح كيفما أنه ما يقدرش يتخلى عليك لأنه عارف العمل معاك حاجة إيجابية ليه.
اتصال بالعميلين ديالك
يمكن لك تحافظ على الإتصال مع عملاء ديالك واخا ما يكون جامعكم حتى شي مشروع و اعرض عليهم المساعدة في شي مشكلات بساط إلا كان عندُ و يمكن لك تقتارح عليهم هاذ العرض بدون مقابل إلا كان ممكن ، فهما غادي يكونوا ممتننين .
كن ممتنًا لاختيارك من قبل عملاء ديالك
خاصك تعرف بأن العملاء ديالك اختاروك وسط مجموعة ديال مقدمي خدمات أخرين فهاذي حاجة غادي تبين لك أنه عندك منافسين و أنه عندك امتياز بسيط عليهم ، هادشي علاش خاصك تبين للعملاء ديالك أنك ممتن بالعمل معاهم و تقدم ليهم المهارات لي غادي تستاعن بيها باش تنجز العمل ديالهم ، هاكا غادي يقتانعوا بيك .
كل ما عليك الان هو أنك تدخل لمنصة مواهب و تقلب على عملاء باش تنمي العمل ديالك كمقدم خدمات.
