كيفاش نصايب مقاطع فيديوهات جذابة في الشبكات الاجتماعية ؟
إلا دخلنا لشبكات الاجتماعية ، ما يمكنش لينا نهربوا من مقاطع الفيديوهات لي متعلقة بالإعلانات ، بإطلاق منتجات و خدمات الجديدة ، ولا بأخر ما كاين من مستجدات ، بالتعاونات ، بالمقابلات القصيرة . بحيث أن هاذ الأنواع ديال الفيديوهات ولا مع الوقت أكثر شعبية على الشبكات الاجتماعية .
هادشي كايبان ساهل ؟ و لكن منين نبدأ ؟
يقدر يكون إنشاء فيديو أكثر صعوبة من أنك تكتب منشور خاص بشي مدونة أو أنك تصمم صورة . لكن الأمر ماشي بهاذ الصعوبة لي كتتوقعها . هنا غادي نعرضوا طريقة ديال كيفاش ممكن تصايب مقطع فيديو قصير و فعال على وسائل التواصل الاجتماعي بسهولة .
قلب على الفكرةأ1
الخطوة الأولى هي التفكير في الأفكار لي تكون مزيانة لمقطع الفيديو ديالك . باش تلقى الفكرة المناسبة غادي نعطيوك جوج ديال الطرق سريعين في إيجاد بزاف ديال الأفكار : حاول تقرى افكار المنشورات لي كاينين في المدونة ديالك ، قلب على المحتوى الأكثر مشاركة ، و حاول تشوف في مواقع التواصل الإجتماعي الموضوعات لي شائعة و مشهورة . من بعد ما تلقى االفكرة المناسبة و تختارها ، يمكن لك تبدا في التخطيط لإنجاح الفيديو الخاص بك .
باش تخطط لمقطع فيديو مزيان ، من الأفضل أنك دير و تقاد سيناريو ، وهذا غادي يساعدك على التفكير جيدًا و الحصول على صورة على شكل الفيديو و تسلسل ديالُ .
اختار الشكل الصحيح لي يناسب الفيديو2
ملي كتبغي تصايب مقاطع فيديو للشبكات الاجتماعية ، غادي يكون عندك بزاف ديال الإختيارات باش تحدد الشكل الصحيح ديال الفيديو لي بغيتي : عمودي ، أفقي ، مربع… .. أو أي شكل أخر اختاريتي . فعلى سبيل المثال ، غالبًا ما نظام ديال الإنستقرام
ما كيقطع جزء من الفيديو ديالك لأن شكل العرض الأساسي ديال الإنستقرام كا يكون مربع ، و لكن شكل العرض ديال يوتيوب كا يكون على شكل أفقي ، في حين أن شكل عرض الفيديوهات على الهاتف كا يكون غالبا عمودي .
سجل 3
مع التقدم التكنولوجي الحالي و خاصة ظهور الهواتف الذكية ، يمكن ليك تصايب أولا تسجل مقطع فيديو بالهاتف و بجودة عالية باستخدام بعض الأدوات والنصائح البسيطة .
بعض النصائح لإستخدام الهاتف الذكي
باش تبدا التسجيل ، ما غاديش تحتاج لمعدات فيديو باهظة الثمن . لأنه من بين أقوى الأدوات التصوير ، كاين في جيبك – الهاتف الذكي ديالك ، لأن الأغلبية ديال هاذ الأجهزة كيمكن ليها تسجل فيديو عالي الجودة ، سواء جودة الصورة أو جودة الصوت ، كذلك باش تزيد تحسن جودة الفيديو ، حاول تستخدم حامل ثلاثي الأقدام باش ضمن استقرار الفيديو لأن هاذي حاجة غادي تعطي شكل احترافي للمنتوج النهائي ، وأيضًا كاين جوج حوايج ما خاصكش تهملهم ، و لي هما استخدام ميكروفون لتحسين جودة الصوت و إيجاد إضاءة جيدة خاصة إلا كان الضوء طبيعي ، و لي كايتعتابر من بين أفضل مصادر الإضاءة للفيديوهات ، أما إلا ما كانش ممكن تلقى الإضاءة الطبيعية يمكن لك تستعمل المصابيح الكهربائية .
مونتاج الفيديو 4
من بعد ما تصور الفيديو ديالك ، خاصك دوز لمرحلة المونتاج و تجميع و تحرير الفيديو ، باش دير مونتاج الفيديو يمكن لك تستعمل مجموعة من التطبيقات لي موجودة على الهاتف الذكي . و لي من بينهم هاذ التطبيقات ، و لي هي الأكثر استخدامًا :
.Animoto و Adobe Spark Video و Promo و Quik و Filmora
إلا كنتي واحد من الأشخاص لي كيجيهم المونتاج صعيب يمكن لك تخدم مع واحد من بزاف ديال مقدمي الخدمات في منصة مواهب.
مشاركة5
ملي تسالي من المونتاج ، خاصك دوز للخطوة الأهم ، و لي هي المشاركة ، باش دير هاذ الخطوة يمكن لك تستاعن بمواقع التواصل الإجتماعي لي منها بزاف و الفعالية ديالها كا تزاد نهار على نهار .
YouTube
IGTV
Snapchat
ما تترددش في أنك تشوف حسابات مقدمي الخدمات لي كاينة في منصة مواهب ، لي بإمكانهم يساعدوك في إنشاء فيديو من الأول حتى الأخر بطريقة احترافية
