كيفاش نقوم بشراء خدمة على مواهب
على مواهب غادي تلقى مجموعة من الخدمات الي غادي تساعدك على تطوير أعمالك من تصميم شعارات مواقع الويب دروس الدعم وغيرهم.
باش تشري خدمة على مواهب ماعليك غير التبع هاد الخطوات البسيطة
التسجيل / البحث على أفضل عرض / وشراء خدمة
أول حاجة دخل الحسابك على mawahib.ma إلا كنتي مزال ماتسجلتيش. رجع الفيديو للي سبق ديال كيفية إنشاء حساب.
من بعد ماكتبان ليك الصفحة الرئيسية غادي تبدا تقلب على الخدمة الي بغيتي.
كاينين 2 طرق : إما كتختار من بين الفئات الي كايين على قائمة الموقع.كضغط على الفئة الي كتوافق مع الخدمة الي كتقلب عليها وكتختار من بين الفئات الفرعية ديالها .وهنا كتلقى كاع الخدمات الي كيقدموها البائعين فهاد المجال.
او الطريقة الثانية : الي يمكن لك بكل سهولة تقلب على الخدمة لي بغيتي على محرك بحث الموقع. كتب كلمة البحث وغادي إطلعو لك جميع الخدمات الي مرتبطين بها.
هاد الفلترات كايعاونوك باش تصغر دائرة البحث على حساب احتياجاتك: يمكن لك تحدد الفئة الي بغيتي. المستوى ديال البائع. الميزانية الي كتناسبك. وقت التسليم. اللغة . الخدمات الي البائع ديالها en ligne . كتفعل هاد الخاصية في حالة بغيتي خدمة مباشرة . وهادي إلابغيتي إطلعو ليك غير الخدمات ديال البائعين الأكثر إحترافية على مواهب.
يمكن لك كذلك تفرز هاد النتائج حسب: لخدمات الجديدة .الخدمات الي تباعت كثر. الخدمات الي عندها سعر أعلى أو أقل. او حسب الخدمات الي متوافقة اكثر مع الطلب ديالك.
هنا كتقدر تشوف عنوان كل خدمة. التنقيط الي تعطاها من طرف المشترين على مواهب. والثمن ديالها.
باش تعرف تفاصيل كثر على الخدمة يكفي أنك ضغط على العنوان ديالها. إمكن لك تشوف الباقات والأسعار ديال كل وحدة عدد المرجعات الا متوفرين .وقت التسليم. هنا كتلقى الوصف ديال الخدمة. يمكن لك تشوف من هاد المقارنة الفرق بين كل باقة بشكل مفصل .الأجوبة على الاسئلة المكررة بخصوص هاد الخدمة. و هنا التقييم والآراء ديال الناس الي سبق ليهم شراو ها.
إلا بغيتي تعرف معلومات كثر على البائع ظغط على سميتو وغادي يتم تحويلك لحسابو فين كتلقى سيرتو المهنية. الخدمات الأخرى الي كيقدم . تقييمات والتعاليق ديال الناس الي سبق لو خدم معاهم.
من بعد ما كتكون تحققتي من الكفاءة ديال البائع وختاريتي الخدمة والباقة الي بغيتي ضغط على زر إستمر .
اختر طريقة الدفع الي كتناسبك إما بإستعمال رصيدك على مواهب هاد الطريقة سريعة ومجانية أوالتحويل البنكي .كاش بلوس ولا بطاقة الائتمان .
إلا قررتي تخلص عن طريق كاش بلس أو التحويل البنكي تأكد من أنك نقلتي الكود الي كيظهرلك بطريقة صحيحة وقدمو للوكالة الي غادي تكلف بعملية التحويل.
من بعد ما كتشري الخدمة الي بغيتي إلا كان البائع محتاج لمعلومات أو ملفات باش يبدا االخدمة على مشروعك غايظهر لك هاد زر الي غايديك لصفحة المتطلبات هنا كتصيفط ليه المعلومات الي هو محتاج ثم كضغط على زر تقديم المتطلبات.
من بعد كيتم تحويلك مباشرة لمساحة العمل ديال الخدمة. فالفيديو الجاي غادي نشوفو كيفاش يمكن لك تبع تطور ديالها و تكون فتواصل دائم مع البائع
