كيفاش تقوم بإدارة المشتريات ومساحة العمل
من بعد مالقيتي الخدمة لي كنتي كتقلب عليها وكملتي مراحل الشراء، فهاد الفيديو غادي نشوفو كيفاش يمكن لك تتبع حالة المشتريات ديالك وتواصل مع البائعين.
أولا قم بالضغط على زر مشتريات، على هاد الصفحة غادي تلقى قائمة المشتريات الي قمتي بها والمعلومات الخاصة بكل طلبية، إسم البائع، سعر الطلبية والحالة ديالها الي كتكون:
- فإنتظار المتطلبات: فهاد الحالة كتكون مزال مقدمتيش للبائع المعلومات الي تم إدراجها ولي كيحتاجها باش يبدى العمل على المشروع ديالك.
- قيد التنفيد: هي فاش كتكون الطلبية في طور الإنجاز مع أخد بعين الإعتبار مدة الإستلام.
- تم التسليم: وهي الحالة الي كتمر ليها الطلبية فاش كتوصل بالمشروع ديالك.
- قيد المراجعة: هي فاش كيوفر مقدم الخدمة إختيار طلب التعديلات على المشروع وكتقوم بطلب التعديلات على الخدمة المستعملة.
- منجز: كيعني أنك توصلتي بشكل نهائي بالطلبية ديالك.
- متأخر: هنا البائع تجاوز موعد التسليم.
- ألغيت: هاد الخاصية متوفرة فحالة لم يتم إحترام موعد التسليم بحيث يمكن لك تقوم بإلغاء العمل مع مقدم الخدمة.
على مساحة العمل الخاصة بكل طلبية، يمكن لك تشوف المرحلة لي وصلت ليها الطلبية ديالك, كيف ما يمكن لك تواصل مع البائع و تسلّم المشروع, تقدم طلب مراجعة للمشروع تقوم بالموافقة عليه أو إلغاؤو.
باش تقوم بالولوج لمساحة العمل الخاصة بالطلبية ديالك ضغط على زر "مساحة العمل "
هنا يمكنلك تشوف حالة الطلب، التاريخ فاش بدى البائع الخدمة عليه و تاريخ الإستلام كيفما يمكنلك تكليكي على "المزيد من التفاصيل" باش تشوف تفاصيل الطلب ديالك. فحالة إدا تم تجاوز تاريخ التسليم و البائع ماسيفطلكش الطلب كايظهرلك هاد الزر "إلغاء الطلبية" لي يمكنلك من خلالو إلغاء الطلبية في حالة إدا البائع ماسيفطلكش طلب تمديد موعد التسليم.
يمكن لك كذلك على هاد الصفحة تشوف المراحل الي مرت منها والي وصلات ليها الطلبية ديالك
و العد التنازلي لوقت إستلام الطلبية
المكان المخصص للإجابة على المتطلبات في حالة كانو إلزاميين
والمكان المخصص كذلك للتواصل مع البائع
منين كاتوصّل بالخِدمة إلا كنتي راضي عليها ضغط على زر تأكيد التسليم "الموافقة على التسليم" أما إلا كانو عندك متطلبات أخرى فايمكنلك تقدم طلب المراجعة بالضغط على "طلب المراجعة", وحدد للبائع تفاصيل التعديلات الي بغيتيه يدير المشروع.
إلا ما درتي حتى شي إجراء من بعد إستلام المشروع فغضون 3 أيام غيمر لحالة منجز تلقائيا.
و بعد اكتمال الطلب غادي يتطلب منك تعطي تقييم الخدمة أو تخلي تعليق باش تساعد المشترين الآخرين فإختيار البائع المناسب.
