كيفاش نقدر نثيق في العميل لي كنخدم معاه ؟
فحال جميع الأماكن كا نلقاوا الخايب و المزيان ، كذلك هو العمل الحر لي كاينين فيه العملاء و مقدمي الخدمات بالأنواع ، أنت كمقدم خدمات خاص تكون عندك الحاسة السادسة و طرق ديالك الخاصة في أنك تميز بين العملاء لي غادي تخدم معاهم ، لأن نجاح نشاطك في العمل الحر كا يعتامد اختيار العميل المزيان .
فهاذ المقال غادي نحاولوا نذكروا بعض المواقف لي إلا شي نهار شفتي فحالها عرف بلي هذاك ماشي العميل المناسب ليك .
كا يبغيك تقدم ليه خدمة مجانية في الأول
فاش يلاه كاتبغيوا تبداوا كيطلب منك تبدا العمل أو إنجاز شي مهمة قبل من أنه يقترح عقد العمل و ملي كتسالي العمل و كطلب أنه يفتح عقد عمل كا يبقا يتهرب و كيدير مبررات مثلا " من بعد " أو حتا المهمة القادمة غادي نفتح عقد فيه المشاريع بجوج ....... هاذ النوع ما خاصكش ثيق فيه و خاصك تحاول تفاداه لأنه باغي يضيع لك الطاقة ديالك . خاصة أنهم كايبغيوا يستغلوا المبتدئين ، لأنه في بداية العمل الحر أي شخص كايبغي يخدم مع أي عميل تواصل معاه بهدف أنه يبدا يبني الخبرة و السمعة ديالُ في منصة العمل الحر .
اقتراح مبلغ ماشي منطقي
إلا العميل ديالك واعدك بثمن مزيان مقابل المهمة ديالك فتهانينا ليك هاذي حاجة إيجابية ، و لكن خاصك ترد بالك خاصة إلا كانت المهمة لي غادي دير ما كاتساويش هذاك الثمن كامل و يقدر يكون الثمن المقترح غير فخ باش يغريك العميل ديالك بالعمل معاه و في الأخير يقدر ياخد الخدمة و ما يخلصكش ، فحاول أنك طلب منُ أنه ينشئ نظام لي يقسم فيه المبلغ كامل على شكل أجزاء ، بحيث أنه يعطيك الجزء الأول في البداية ، و شرح ليه أن كل مهمة غادي ديرها يخلصك فيها قبل ، و كذلك ما تبدا العمل على جزء التالي من المهمة حتا تتلقى مقابل الجزء لي سبقوا . هادشي علاش خاص تكون عندك إستراتيجية ديال ما قبل بداية العمل و لي تحاول دير فيها شروط العمل ديالك و كذلك حاول توصف عرض العمل ديالك و تحدد نسبة الإرجاع إلا العميل ما عجبوش العمل.
تجنب أنك تخدم مع الناس لي كايبغيوا العروض الأولية
بزاف ديال العملاء كيبغيوا أن مقدم الخدمات يرسل ليهم عروض أولية باش يعرف المستوى ديالُ كيفاش داير و يقرر أنه يختار يخدم معاه ، بعض المرات أنت ما يمكنش لك تعرف واش هاذي حقيقة أولا استغلال ، هادشي علاش حاول تقتارح عقد عمل لي القيمة ديالُ صغيرة باش تكون عندك ضمانة و تحمي راسك من أي موقف ديال استغلال . كيفما أنه خاصك تتعلم تجاوب ب " لا " .
دفع على قد كمية العمل لي كدير
المهام طويلة المدى كتعطي واحد المستوى معين من الأمان ، لأن العقود ديالها كتكون محمية ، كيفما أن خاصك تكون حذر من أنك تكون كتخلص على قد المجهودات و الوقت ديالك ، لأنه خاصك تحاول تحقق واحد التوازن ما بين المهمات طويلة المدى و لي تكون مربحة باش تركز عليها أكثر .
خاصك ثيق في شكوك لي كايجيوك خاصة إلا كانت بعض الإشارات من العميل ديالك كتبين أنه يقدر يستغلك ، فيمكن لك ترفض العرض ديالُ و توفر الوقت و المجهود و تفادى كذلك الطاقة السلبية لي غادي يعطيها ليك و الإحباط إلا عرفني بلي استغلك .
منصة مواهب غادي تعطيك فرصة أنك تتلاقى مع مجموعة من العملاء ، كيفما أنه غادي تحميك من العملاء المستغلين و تضمن لك المقابل ديال مجهوداتك .
