كيفاش تولي محلل الأعمال في العمل الحر ؟
شكون هو محلل الأعمال ؟
محلل الأعمال هو الشخص لي كيتكلف بالاحتياجات و القضايا الخاصة بالعمل و كيخدم عليهم و هادشي من خلال أنه كيقوم بتقييمات للأنظمة لي كتسير العمل . المحللين ديال الأعمال كيقدروا يقوموا بتطوير أنظمة جديدة و تحسين العمليات المنجزة و التخطيط الاستراتيجي و يزيدوا من الإقتراحات . كتختالف أدوار محللين الأعمال اعتمادًا على نوع الأعمال و الصناعة لي كيخدموا لصالحها فهما كيكونوا مسؤولين على تقييم التغييرات و التأثير ديالها و جمع جميع المتطلبات .
المهارات ديال محللين الأعمال :
من الضروري أنه يكون عندك بعض المهارات لي محددة و خاصة باش تولي محلل الأعمال ، المهارات لي غادي تحتاج كتكون متنوعة و متعلقة غالبيتها باستعمال الكمبيوتر و بعض المهارات الأخرى العامة .
هاذي هي المهارات لي خاص تكون عند محلل الأعمال :
التواصل
كيتعتابر التواصل من أهم المهارات بالنسبة لمحلل الأعمال . خاصة التواصل الرقمي لأنه حاجة أساسية ، فمحللين الأعمال كيقوموا بالتواصل من خلال التطبيقات و البرامج باش يوثقوا التحليلات و المتطلبات . كيتم هاذ التواصل من خلال الهاتف و البريد الإلكتروني و المراسلة الفورية هاذ الوسائل هي لي كتساهم في تبادل المعلومات و لي مهمة بزاف في الخدمة ديال كل محلل أعمال .
حل المشكلات
حاجة باينة أن محللي الأعمال كيحتاجوا لمهارات خاصة بحل المشكلات ، هاذ المهارات لي كتسمح ليهم بتحديد المشكلات في الأول و من بعد كيقوموا بتقديم الحلول المناسبة للمؤسسات لي كيقدموا ليهم الخدمات . من بين مهارات حل المشكلات ، كيحتاج محلل الأعمال لمهارات إبداعية و تحليلية باش يتمكنوا من تحليل المشكلات بشكل واضح و استخراج حلول متعددة .
مهارات متعلقة بالأدوات لي كتصنع النماذج
كيتم استخدام برامج خاصة كأدوات لصنع النماذج لي كتسهل الحياة و العمل ديال الشركات ملي كيكون الأمر متعلق بتخطيط للمشاريع . برامج صنع النماذج كتجمع ما بين محللين الأعمال و المطورين و مصممي البيانات ، لي كتسمح ليهم يخدموا مع بعضياتهم بفعالية في نفس المشروع و بنفس الأداة . و بهاذ الطريقة ، كيكون من السهل المتابعة ديال المتطلبات طوال عملية تطوير المشروع .
التعلم و التدريب على المهارات الأساسية
كمحلل أعمال جديد في الميدان أو محلل أعمال في التدريب ، من المفيد بزاف أنه تكون عندك بعض المعرفة و المهارات المطلوبة . لأنه ماشي من الضروري تكون عندك شهادة باش تولي محلل أعمال . ولكن ، كيبقا من المفيد أنك تاخذ الدورات التدريبية باش توسع نطاق المعرفة ديالك . فمن خلال أخذ الدورات التدريبية ، غادي تتعلم للمهارات لي كيستعملوا محلل الأعمال بشكل يومي ، و لي كتشمل طرق كتابة تحليل الأعمال ، و اقتراحات الأعمال الاستراتيجية ، و تعلم استخدام نماذج عمليات الأعمال .
تعلم طرق التأقلم بسرعة
ملي كتبدأ وظيفة جديدة ، فأنت كيكون خاصك تتعرف بسرعة على ثقافة الشركة و الأهداف و التاريخ و المواردها المالية ديالها . فملي كتكون خدام في العمل الحر خاصك تكون قادر على التأقلم بسرعة مع أي مشروع كتخدم فيه ، من خلال البدء على الفور بتقديم التوصيات اللازمة و البرامج جديدة . خاص تكون الإنتاجية ديالك مرتافعة من الأيام الأولى في الوظيفة ، لأن الزبناء ديالك كيكونوا متوفعين منك أنك تقدم قيمة فورية للعمل ديالهم .
تقدر تلقى في منصة مواهب عدد مهم ديال عروض الخدمة كمحلل أعمال .
