كيفاش تصبح مدير مجتمع مستقل أو مدير مواقع التواصل الاجتماعي؟
باش تخدم كمدير مجتمع مستقل غير من المنزل، أو مدير مواقع التواصل الاجتماعي، استخدم المهارات ديالك فمواقع التواصل الاجتماعي باش تبدا العمل التجاري من الإنترنت.
اشنوهوما وظائف مدير مجتمع مستقل؟
- كايقوم بإدارة حسابات التواصل الاجتماعي للعملاء ديالو.
- كايمكن ليه يكتب منشورات على المنصات الاجتماعية.
- الإجابة على الأسئلة أو التعليقات.
- انشاء والحفاظ على العلاقة مع مستخدمي مواقع التواصل الاجتماعي المختلفة.
- غالبا ماكايتعرف مدير المجتمع، حتى بمدير وسائل التواصل الاجتماعي، ولي تايكون أكثر مسؤولية على انشاء استراتيجيات وسائل التواصل الاجتماعي.
بعض الأمثلة على وظائف مدير مجتمع مستقل:
- كتابة المنشورات التسويقي لشبكة التواصل الاجتماعي المختلفة، مثل facebook و twitter.
- تحميل الصور على شبكات التواصل الاجتماعي المرئية، مثل: instagram و Pinterest.
- تنظيم وجدولة جميع أنشطة وسائل التواصل الاجتماعي على أدوات التواصل الاجتماعي مثل Hootsuite أو Planoly
- تتبع وتحليل جميع أنشطة وسائل التواصل الاجتماعي المتعلقة بالعلامة التجارية لي كايمثلها.
كيفاش تولي مدير مجتمع مستقل؟
- خاص تكون عندك دراية على الأقل بشبكات التواصل الاجتماعي، ولا بغيتي تخصص غير فوحدة يمكن ليك تديرها، وغاتكون فكرة مزيانة.
- يمكن ليك تقوم بدورة فإدارة المجتمع، وخا ماشي إلزامي ولكن باش تفهم كيفية العمل فهاد المجال، ولا مابغيتيش تضيع الفلوس فهاد الدورات، يمكن ليك تقرا أكبر قدر ممكن من المعلومات على كل منصة، أو بدا غير بوحدة مثل منصة facebook ومنين تتقنو يمكن ليك تمر لمنصات أخرى.
- عادة ماكايكون لكل منصة مدونة خاصة بها أو مجموعة على facebook يمكن ليك تنضم ليهم، وعرف نتا الأول التغيرات والخدمات الجديدة ماشي تخلي العميل ديالك هو لي يخبرك بيهم.
ثلاث أنواع من العملاء لي غايكونو عندك بصفتك مدير مجتمع مستقل:
- الشركات:
إلى كان عندهم وجود قوي على الإنترنت، غادي تكون أيضا عندهم معلومات مسبقة على كيفية التعامل مع وسائل التواصل الاجتماعي، درس العمل ديالهم بشكل جيد، وخدم على الحسابات ديالهم، وحاول تكمل على الإستراتيجية ديالهم وتحسن منها إلى كان ممكن.
- الشركات الصغيرة والناشئة:
غالبا تايكونو يالاه بداو وماخدمو على والو، حاول تطرح بزاف ديال الأسئلة لي جاو على بالك، باش تفهم فلسفة وأهداف واستراتيجيات وأسلوب عملهم، كلما زدتي عدد الأسئلة كل ما كان أفضل، بحال:
واش نتا مسؤول على إنشاء ملفات تعريف وسائل التواصل الاجتماعي الخاصة بيهم؟
اش خدمو حتى لدابا؟
اشنو باغيين يحققو من خلال استراتيجياتهم الخاصة بوسائل التواصل الاجتماعي؟
- لي كايعملو لحسابهم الخاص أو المدونين:
كاين زوج ديال الأسباب الشائعة لي كتخلي هاد النوع من العملاء يقومو بتوظيف مدير مجتمع:
أولا: ماعندهمش فكرة على كيفية العمل.
ثانيا: ماعندهمش الوقت ومحتاجين لشخص آخر لي يقوم بهاد المهام.
ملاحظات أخرى على عمل مدير مجتمع مستقل:
1. يقد يجيك العمل فالتسويق عبر وسائل التواصل الاجتماعي صعيب، إلى ماكانتش عندك خطة مسبقة، داكشي علاش من الأفضل تقوم بتجربة بعض أدوات التخطيط مواقع التواصل الاجتماعي قبل ماتبدا العمل، وعادة ما كايقدمو فترات تجريبية مجانية لي يمكن ليك تستافد منها.
2. قم بانشاء استراتيجية العمل ديالك وكيفاش غادي تخصص وقتك للخدمة ديال كل عميل، خصوصا إلى كنتي كتعمل مع بزاف ديال العملاء فوقت واحد.
3. العميل الرئيسي للنجاح كمدير مجتمع، هو تكون عندك مهارات تنظيمية جيدة، وجرعات قوية من التواصل والدبلوماسية، وفكر فمغتنمي فرص التشهير فمواقع التواصل الاجتماعي فخاصك تعرف مزيان أنك كتمثل العميل ديالك، ولي كايعني أنك خاصك تفكر مزيان قبل ماتضغط على زر النشر.
كيفاش يمكن ليا نخدم كمدير مجتمع مستقل وأنا ماعنديش خبرة؟
الخبر الصار على وسائل التواصل الاجتماعي هو أنه يمكن لأي شخص يتعلمها مجانا،، والخبر السيء أنه كلشي كايكون واضح وباين من خلال النتائج، داكشي علاش من الأفضل أنك تبدا فبناء وجود قوي على الإنترنت، وتكون هادي هي أولويتك رقم واحد إلى كنتي كترغب فالعمل كمدير مجتمع مستقل، وماتعتامدش غير على العملاء المحليين، يمكن ليك تستافد من عملاء أجانب من جميع أنحاء العالم عبر منصة mawahib.ma
المعدات لي غادي تحتاجها كمدير مجتمع مستقل:
- جهاز كمبيوتر جيد أو كمبيوتر محمول.
- اتصال إنترنت عالي السرعة: وخاصك تكون ديما متصل بالإنترنت.
- أدوات التخطيك لوسائل التواصل الاجتماعي، واسترتيجية جيدة للعمل.
